ضعيف ولا امـآرس الريآضه .. كيف أبدأ .!

السلام عليكم ورحمة الله وبركآته !

كيف ألحـآل .. جميعآ ؟!
يآأخوآني هاذي اول مشـآركه لي بينكم .. أول موضوع ::
ويأسفني أنـه سـؤآل .. ولكن بدخل بالموضوع بدون مقدمآت

أنـآ طولي 167
ووزني 45
وعمري 17
وللحين مآدخلت بعآلم الريـآضه ..

حـآولت اكثر من مره ازيد وزني بس مـآقدرت ..
وعلى فكره انآ كشفت وسليم مـآفيني شيء .. لكن وزني ثآبت وأذآ تغير .. نقص :D
انا مـآأطلع من البيت عشان وزني ومآاختلط مع احد عشان وزني
انا رحت لكل مكآن ولو رحت لدكتور قآل خذ هاذي فيتآمينات .. ولازم تآكل لحوم وخضروآت وحليب
طيب سبحآن الله على هالمعلومآت .. ادري اني لازم آكل !
وفيتآمينآتكم مآتسوي شيء

وبعدين اقول طيب ايش تبغا منه يعني ؟!

*
وبأحد البرآمج شفت انه الرياضه تزيد الوزن
انصعقت :wow:
كيف محد قال لي ؟!
وعشان كذا جيتلكم

انا مـآاقدر اشترك بنـآدي !
يعني ابي اتمرن بالبيت .. لكن كيف تكون البدآيه خصوصا انه وزني ضعيف

* يآرب محد يقول لي لازم تزيد وزنك ..عشان تبدأ
* وعلى فكره انا ماامارس اي نوع من انواع الرياضه ..
* وانا قصير نوعآ مـآ :( .. فـ سمعت انه الحديد يوقف الطول .. وانا روحي طـآلعه على مآازيد نص سم .. وهل ممكن اطول للـ 75 ;)
* اي رياضه منآسبه لي ؟ خصوصا انه انا مـآاحب شيء ..
* انا ابي جسمي يتنآسق مع طولي ويكون عضل ولحم ويكون جسم صحي مرتب
بس بدون ضخآمه او هالاشياء

*
آسف على الموضوع المتشتت والمعقد واللي فيه ملآيين الاسئله ..!
انتظركم

فالبدايه عزيزي اهلا وسهلا فيك وان شاءالله تستفيد مع الاخوان وتتواصل ويانا

اخوي من الضروري انك تحط ف بالك ان التغذيه اهم عامل ومن بعده الرياضه والتغذيه مو شرط تاكل في كل وجبه حتى الاشباع لا بالعكس يكفي انك تقسم وجباتك الى 6 وجبات
3 رئيسيه و3 بين الوجبات

وبنفس الوقت تلجأ للمكملات الغذائيه سواء كان مكمل بروتيني غينر او ملتي فيتامين او او

حاول تفتح بالاكل بالاضافه الى المكملات عندك كثير مثلا ميقا ماس 4000 او سيرياس ماس او مسل جوس

طبعا عدم السهر + ترك العاده السريه اذا وجدت + عدم التدخين + النوم بالليل بما لايقل عن 8 ساعات

..

بالنسبة للرياضه ف البيت وبناء عضل صعبه جدا خصوصا انك ماتملك اجهزه

لكن مايمنع تقدر تلعب سويدي صدر وبطن واكتاف الخ

..

بالنسبة للحديد انه يوقف الطول لا ياعزيزي مايوقف الطول ابدا الا في حالة وحده انك تلعب دفع اوزان ثقيله وعمرك يكون صغير وماهو قصر بمعنى الكلمة لكن تقدر تقول ضغط على فقرات وعظام الجسم مما يصعب الطول بأخذ راحته ف التمدد
وبعدين تراك لاحق عالطول جدامك تقريبا 5 سنين في مجال تطول طبيعي

ايظا هناك تمارين تساعد في اطالة الجسم وايظا هناك منتجات تساعد في اطالة الجسم

..

سؤال : ليش ماتسجل بنادي كمال اجسام ؟

أولآ ببدأ بمآ أنهيت فيه ردكـ ..!
أنـآ سـآكن بمحآفظه صغيره نوعا ما .. يعني مافيها نوادي كثيره
وفيه نوآدي لكن كرة قدم وسبآحه وبعض الاشياء اللي مااحسها من اهتمآمآتي ولا احس بمتعه اذا مارستها
وانا اقرب رياضتين ممكن اني امآرسهم ..
كرة السله أو الحديد..
وكلهم مو موجودين ..

ولكن فيه نآدي عن الكآرآتيه والدفاع عن النفس وسجلت فيه لكني انسحبت
مااحس بأي متعه ولا شغف ولا حماس لاني اكمل ..

فـ شـآيل فكرة النـآدي من رآسي ..

*
وبخصوص الـ 6 وجبآت .!
والنوم 8 ساعات بالليل وعدم السهر
بحـآول ..
اما التدخين والعاده السريه
فمـآ عندي هالمشكلتين الحمد لله ولكن
فيه عندي شيء يمكن هو سبب نقص وزني ..

(انا فيه عندي قلق و كثرة تفكير وعصبي بزيآده وكتوم وارق ارق ارق ...
وفيه عندي اكتئآب متوآصل ومشاكل نفسيه )

هالشيء له دور صح ؟!

اقتباس:

---

لكن مايمنع تقدر تلعب سويدي صدر وبطن واكتاف الخ

---

طيب مـآتنقص من وزني ؟!
وكم المده ..!

وانشاء الله اطول ..
مع انه وآلدي طوله 175
واخوي الكبير 179
اخوي اللي اصغر مني بسنتين اطول مني هو 170
وانا 167

(انا فيه عندي قلق و كثرة تفكير وعصبي بزيآده وكتوم وارق ارق ارق ...
وفيه عندي اكتئآب متوآصل ومشاكل نفسيه )

نعم عزيزي يلعب دور وتعتبر نفسيه والنفسيه تضر بالجسم اذا ما كان هناك اهتمام


طيب مـآتنقص من وزني ؟!
وكم المده ..!

لا ما ينقص من وزنك بل العكس بيزيدك عضل وبيزيدك تعب بيخليك تحس بالجوع مع الاستمراريه ومجهود تدريجي قوي

بتطول ماعليك بس كثر من تمارين الاطاله اول ماتقوم من النوم وقبل لاتنام هذي بروحها كفيله تعطيك كم سانتي بأذن الله

..

نجي للنقطه الاهم في بناء العضل

حاول تشتريلك ادوات كالبار والكرس المتحرك المائل ودنابل وكذا شغله دام ماتقدر تسجل بنادي او بعيد عليك النادي

النفسيه بتسبب لك ازمه ولا تشغل بالك كثير وتفكر والعمر قدامك
ابدا وخل الهدف قدام عينك والوقت ماشي وبيروح وانت اعزم نفسك واصبر ما في شئ يجي بسهوله الا راح بسهوله واحسن شئ الروح الحماسيه في التحدي واحس بتحقق هدفك ان شاء الله

والله الكبتن AV

ماقصر معاك

بس حب اقولك انا زيك قصير وكنت نحيف جداً في وزنك 45 كيلو

والحين الحمدلله وزني وصل 54 كيلو وفي تزايد انشالله الين احقق جسم مثالي

ويعود الفضل بعد الله الى النادي ثم شباب هالمنتدى لما فادوني فيه :)




الموضوع بسيط مايحتاج الا عزيمة انك تبدأ بدخول رياضة كمال الاجسام وبعد كذا بس اصبر وانتا والزمن ووزنك

بس زي ماتقول ماعندكم نادي في حيكم فاشتريلك عدة للمنزل
وتقدر تستفيد من مواضيع الشباب المختصة بالتمرين في المنزل

السـلام عليكم ..
ياخووويه خطوة الألف الميل تبدأ بخطوه << مادري اذا قلتها صح .. :)
وثانيا أحب انصحك قبل ماتبدأ خذ فكره عن التمارين كيف عملها وشو الهدف من التمرين اللي تتمرنه .. حاول تاخذ خلفيه من المواضيع المطروحه من الأعضاء واستفساراتهم وبتلقى اجابات وتكتشف اشياء جديده..
التمرين في البيت كبداية ماأحفزه لأنه كبداية بتكون صعبه عليك الغـالي ... لييش؟؟ لانه ممكن ماتضبط الحركات بالشكل الصحيح وماراح تحس بالنتايج.. او تصيب نفسك :) عشان هالشي نبيك تبدأ بداية تتجنب الأخطاء فيها
ممكن اذا تقدر تسجل ع الأقل شهر واحد .. تاخذ خبره أو يكون تعرف شخص متمرس وله خبره ويفيدك كيف شغل التمارين ..
يبيلك .. بار .. دمبلز .. كرسي متحرك(تقدر تحرك مسند الظهر) ويفضل فيه تمارين الأرجل
6 وجبات .. 3 رئيسية و3 خفاف مقسمه من بينهم .. << ويا كثر المواضيع اللي تتكلم عن التغذيه اللي تزيد الوزن
الجدول للتمارين << في موضوع مكتوب لاخوي مشكلجي عن التدريب المنزلي مع الصور

هذه اللي أقدر أفيدك .. وقبل ماتتسرع فكر .. هل انك راح تخسر فلوسك وماتكمل؟ لانه هالرياضه يبالها حماس دائم
نصيحتي جربهـا قبل .. وبعدين قرر

خذ لفه عالمواضيع عن التدريب المنزلي .. الغذاء الصحيح .. المكملات.. التمارين وان شاء الله راح تستفيد أكثر

هذي وجهة نظري الشخصيه .. وتحياااتي لك