وزن مثالي لكن جسم غير مثالي !

السلام عليكم

اخوكم سعيد من الامارات
الطول 169
الوزن 57
العمر 14
كان وزني 82 وإتبعت رجيم والحمدالله وخلال 3 شهور وصل وزني الى 57 كيلو :)

نظامي الغذائي كان يعتمد على الفواكه والخضراوات والخبز البر ومنتجات الحليب قليلة الدسم
والسعرات الحرارية في حدود 1200 الى 2200

المهم يبان علي نحيف لكن الكرش والصدر !

آمآرس الكارديو [جري] يوميا لمدة 30 دقيقة و على جهاز الاوربت تراك 45 دقيقة وتمارين البطن [حديد وبدون] 3 مرات في الاسبوع وما مقصر فالسويدي

فشو الحل يا جمآعه وآنآ مستعد اسوي اي شي بس ارتاح من ها الهمين !

اول شي يبيلك زيادة في الوزن لانة الوزن المقالي لطولك 64 كيلو

ثانيا شغلك حلو وتمرين ممتاز لكن اضف لهم البوش اب للصدر علشان الدهون الي في الصدر

وبالنسبة للكرش ما يكفي الكارديو لازم تتمرن مباشرة بعد الكارديو تمارين للبطن راجع موضوعي في التوقيع ازالة الكرش بالتوفيق

إن شآء الله اخوي بتبع نصيحتك بخصوص تمارين البطن بعد الكارديو

وإن شآء الله اشوف فرق .. شىء نصائح اخرى ؟

اول شي انت جسمك في مرحلة نمو بناء على عمرك
علشان كذا لازم تقدم له اللي يحتاجه من كالسيوم وبروتين والاشياء اللي يحتاجها
لازم تتبع نظام غذائي هذا اولا وانا اقول نظام غذائي ما اقول ريجيم تمام
وثاني شي عليك بالسباحة وبتشوف الفرق
انا شخصيا بناء على وزنك ما اشوف انك تحتاج انك تلعب لياقه او كارديو
لو تحدد 45 دقيقه مشي يوميا بتكفيك
بس اذا تبغى تشد جسمك ترى السباحه هي اللي بتفيدك
وبالتوفيق

مشكور آخوي على النصيحة ,’ وآنآ حآليا متبع نظام غذائي والحمدالله اموري طيبة من ها الناحية

وإن شاء الله بنبدا فالسباحه بس خل الصيف يجي ,’ ..

Up