تفاصيل جديدة عن اللعبة المنتظرة Fallout: New Vegas

http://media.ign.com/games/image/obj...oxart_160w.jpg


نزلت اليوم تفاصيل جديدة عن اللعبة المنتظرة Fallout: New Vegas, اللعبة ماراح تتغير تغيير جذري
عن Fallout 3 بس هذا مو معناه ان ماراح نسوف تطورات بهذا الجزء.

بدال ما تبدي بقبو باحد الناجين اللي مالهم اسم, هالجزء راح يبدي بطلقة! راح تبدي اللعبة بواحد رامينه وفاقد الوعي
بوسط الصحراء ينتظر موته المحتوم, غير قادر على اكمال مهمة التوصيل اللي كان المفروض يسويها, لكن لحسن الحظ
ان روبوت (يطلع بالتيزر) ينقذك ويوديك للدكتور ميشيل, وهني اتوقع راح تقدر تضبط شخصيتك مثل الجزء الثالث.

مثل ما انتوا عارفين الخريطة راح تكون في منطقة New Vegas واحداث اللعبة راح تكون بعد عدة سنوات بعد
الجزء الثالث لكن الاحداث ماراح تكون مرتبطة بين الجزئين. Pete Hines نائب رئيس التسويق في Bethesda صرح
ان فيغاس مؤهولة بالسكان ونشطة وماهي منطقة نائية بل انها موجودة ومزدهرة بعد:p, في كازينوهات وممكن تجد حتى مسلسلات هزلية:biggthump

بخصوص حجم المنطقة راح تكون بكبر حجم منطقة الجزء الثالث ويمكن اكبر شوي و Bethesda توعدكم انكم راح
تستغرقون مئات من الساعات وانتوا تستكشفون

الــمــصــدر

:D

يعطيـك آلف عآفيـه يآلغـلآ ..!

آللعبـه بجـد رٍآئعـه بآلجـزٍء آلسـآبق .. حصلـت على تقآييـم عآليـه وٍرٍآئعـه ..!

لكـن لعـل وٍعسى يحصـل آلجـزٍء آلقـآدم على تـطوٍيرٍ لحرٍكـآت آلشخصيـه في آلمـشي وٍبآلآخـص آلسرٍعـه ..!

اوعدك ان مافي نطوير للسرعة والا ما كان نائب رئيس التسويق قالها وبالفم المليان ان اللعب راح تستهلك مئات الساعات عشان تستكشفها كلها ههههه

متى راح تصدر قالو؟

خوش معلومات ... اعتقد الروبوت الي طلع بالتريلر الأخير قاعد ينضف الأرض ماادري يدور شغلة لوول
دام المدينة فيه حركة اكثر ممتاز لأنه الجزء الأول الي ما عجبني فيه انه ساحة فاضيه وبين مسافه ومسافه تلقى انسان تكلمه - _ -

اللعبة قالوا بتصدر بالربع الاخير من السنة يعني شكلها بتنزل يا شهر 10 او 11
الجزء اللي طاف كان فيه بشر بس بمدن قليلة ونشاطهم كان تجاري بس, يعني تشوف
قافلة ياية وقافلة رايحة تقدر تشتري منهم اسلحة او اغراض.
عاد مادري ليش بس فارس انا كنت متوقع انك راعي دروب وتحب تتمشى وتتعبث:D