يا اخوان نصيحتكم بخصوص mega mass 4000

السلام عليكم ورحمة الله وبركاته
--------------------------------------
العمر : 25
الوزن 50
هيئة الجسم بشكل عام : هزيل تقدر تقول جلد على عظم
---------------------------------------------------------------
كنت استخدم mega mass 2000 قبل شهور لمدة شهر فزاد وزني 5 كيلو حاليا ولمدة شهرين مواضب على
mega mass 4000 لكن بدون نتيجة اشرب كوب كامل مع الحليب كامل الدسم كل ليلة قبل النوم

بالنسبة للشهية فهي معدومة الوجبة الوحيدة اللي اكلها هي وجبة العشاء باقي اليوم ( ماء- شاي - بيبسي )

النوم : انام طول النهار او انام من الساعة 3 الصبح الى الساعة 1 المساء طبعا بدون فطور ووقت
الغداء اكون جايع لكن مجرد اشم ريحة الاكل تنسد نفسي واشرب ماي واطلع وما اكل شي الى العشاء
وقتها تكون شهتي مفتوحة مثلا اتعشى صحن كامل ارز ودجاج ( برياني ) او اربع ستدويشات شيش طاووق

رحت للدكتور وقلي انت سليم وما فيك شي بس اكل

ابي مشورتكم وخاصة اخوي ابو راشد ما شاء الله عليه خبير فهالسوالف ابي دهون او بشكل عام ابي امتن لاني وانا صغير هزيل جلد على عظم

السموحة اذا طولت بس محتاج المساعدة والنصيحة :ee2:

اخوي واضح جدا ان ما يفيدك اي مكمل لان هالمكملات يا غالي تسد النقص الموجود في التغذيه

وانت اخوي تقول ما تاكل اليوم كله الا وجبه عشا !!! احمد ربك للحين تتنفس هذا يعتبر صيام يا الحبيب

الظاهر انت ما تمارس ولا رياضه لو انك تلعب رياضه كان احتياجك للاكل شوي صار افضل

الانسان الطبيعي 3 وجبات باليوم ولاعب كمال الاجسام من 5 الى 6 وجبات والبعض يوصل 8 !!

اسمع نصيحتي دام نفسك تنسد والدكتور قال مافيك شي فانت تحتاج فاتح شهية

وفي نوع انا مجربه ممتاز اسمه الميسوجور له اعراض بالبداية اللي اهي زياده بالنوم لكن بعدها كل شي تمام

تتناول حبه وحده بعد الاكل وتشوف نفسك تنفتح وتبي تاكل

وباذن الله بتشوف خلال فتره وجيزة انك تاكل

مساله السهر للساعه 3 وتقعد 1 مساء هذا شي متعب يا الحبيب عدل نومك نام بكير واصحا بكير بتشوف نفسك تحتاج تاكل لان مستحيل شخص يقعد من الصبح للظهر بس شاي وماي !!

وحاول اخوي ما تغث نفسك بالاكل في ناس تاكل وجبه كامله فيها كل شي ويتعب معدته ويقعد طول اليوم معدته مليانه انت تحتاج تنسق الاكل عدل ما تزيد شي فوق شي حار فوق بارد حلو على مالح عدل بالاكل وتشوف نفسك اوكي

موفق وننتظر رد الوحش ابو راشد دامك طلبته بالاسم

اخوى مشكلجى
الميسجور ممنوع بالكويت
فيه بديل افضل منه
وهو : سوبرو فيتا
واعتقد انه افضل من الميسجور
وانا جربتهم ثنينهم
انسح الاخ انه يشترى السوبرو فيتا قيمته دينار وميتين وسبعين فلس

هلا بك بو قحط والله ما عندي خبر انا اجيبه من السعودية !! ليش ممنوع عسا ما شر ؟

بالنسبه سوبرو فيتا ما جربته له اعراض ولا تمام ؟ مرات النفسيه تلعب دور وما اكل مثل العاده فتشوفني اخذ الميسوجور للعلم هو علبه المفروض تخلص بشهر انا تبقى عندي وقت طويل

ايه صح نسيت اقولك العضو من الامارات ما ادري اذا بيحصل المنتجين ولا لا ؟ ان شاء الله يشوف له فاتح شهية نوع ثالث !

طيب يا شباب انصحوني بأفضل نوع لفاتح الشهية لان انا ايام اكون جايع ودي اكل بس الاكل جدامي وخاصة الظهر
اكون توني قاعد من النوم وجايع بس اشم ريحة الاكل تنسد نفسي او اكل شوي واوقف مو عشان اني شبعت عشان ان
نفسيتي للاكل معدومة

بس في الليل اكون شره للاكل يعني الشهية ما شاء الله ممتازة

وان شاء الله بعد هاليوم بنام عدل وما بسهر في الليل

اسال عن النوعين اللي عطيناك اسمهم انا وابوقحط لان اعتقد موجود عندكم الميسوجور ( اخونا اميتي فيل من الامارات واعتقد يعرفله )

موفق خير

مشكور اخوي ردك ورد ابو قحط كفى ووفى جزاكم الله خير

هلا وغلا اخوي

شوف اخوي بالنسبة للموسيجور والسيبروفيتا هي اصلا وبالاساس مب دوا مخصص لفتح الشهيه هذا اولا وثانيا فتح الشهيه اللي يصير من جراء اخذ احد هالمنتجين هو الاثار الجانبيه حيث ان احد الاضرار الجانبيه للمنتجين هاذولا هو فتح الشهيه عند الشخص
وبالاساس هالدوا مخصص لعلاج الصداع النصفي وعلاوة على هذا اذا تم اخذ جرعات فوق اللازم من احد هالمنتجين راح تزيد الاعراض الجانبيه منه

فا الناس قامت تاخذ هالمنتجين وتستفيد من اضراره الجانبيه وفعلا استفادت من ناحيه الوزن

انا ماخذ بحث من فتره عن هالشغلات وسويت مقارنه بينهم عموما من خلال بحثي توصلت لمنتج اخر افضل من المنتجين الا وهو الـtresorix واثره الوحيد مجرد خمول

وعندك الـTriactin

اسأل عن الاثنين بالصيدليه وشوف وين الاحسن

ايظا عندك بذور الكتان البنيه

عموما انت يوم بتروح صيدليه رئيسيه كبيره اسأل وشوف شو يقولك الصيدلي

او حتى تقدر تروح محل من محلات نيوتريشن عنده شغلات كثيره عن هالمواضيع وعلى ذمة الراوي ان اغلب منتجاتهم طبيعيه

بالنسبة لموضوع نفسيتك والاكل هذي بأيدك عزيزي تقدر ترتب نفسيتك وجدولك وتفتح نفسيتك بعقلانيه
ياما ناس ماقتدر تاكل لكن وقت الحسم تغيرت الامور خصوصا يوم يكون يومك مرتب وروتينك منظم

انا اشوف ان الشباب كفو ووفو صراحة لكن ازيد

بالنسبة للمسيقور لي ممتاز جدا عن تجربة وكان سابقا يعالج اصحاب الذين يعانون من الاكتئاب لكبار السن ولوحظ ان شهيتهم زادت ولا ابغى اطول في الحديث الطبي لة

ابرجع لمشكلتك انت واضح انك مل تلعب حديد لكن نحيف جدا

ومثل ما قال لك مشكلجي انت ما تاكل لازم تكل صح وعليك بالفطور اهم وجبة اذا اكلتها فتحت نفسيتك لباقي الاكل حاول تبعد عن المنبهات مضرة جدا لك لانك نحيف

وبالنسبة لفاتح الشيهة تقدر تراجع دكتور او فارمسي او ما شابة وتشوف الافضل عندكم

لكن حلك بسيط جدا ولا يحتاج لة اي دكتور والحل بيدك انت الاكل الشهية حل بسيط اغصب نفسك اول اسبوع وباقي الايام تبدا طبيعي تاكل والنفسية تكون مفتوحة وان كنت تدخن اتركة ضروري ولا ما راح تفارق النحافة

بالتوفيق يا بطل

مشكورين اخواني ما قصرتوا معي بعمل بنصيحتكم جزاكم الله خير