ابي من الكباتن ذوي الخبره الله لايهينكم نصائح وتوجيهات لي في البدايه

السلام عليكم ورحمة الله وبركاته
يالله حي الوحوش..
شباب انا توني مبتدئ في هالرياضه مالي الا يومين داخل صالة الحديد بعد ماخلصت من التماريت اللياقيه..
عمري 17 سنه ونص تقريبا وطولي 175 والوزن مرتفع شوي يعني بحدود 87 كنت حارس مرمى في نادي النصر الموسمين الي راحت وقطعت هالموسم وزاد وزني وقررت ارجع للرياضه عن طريق هاللعبه وابي من الكباتن ذوي الخبره الله لايهينكم نصائح وتوجيهات لي في البدايه لأني ناوي استمر في هالرياضه لسنوات قادمه بإذن الله
وبالنسبه للمكملات هل هي ضروريه للمبتدئ الي مثلي والا أأجلها لوقت لاحق يعني بعد شهر شهرين اكثر أقل ...
وبالنسبه للتضخيم انا ناوي اضخم العضلات بس متى تنصحوني ابدا في هالشي...
وآسف عالإطاله وأتمنى القى منكم الإجابه الشافيه..

هلا اخوي

اولاً ياهلافيك اخوي ...

ياريت تمر على القوانين بما انك جديد عندنا علشان لا تقع في الاخطاء :)

بالنسبة لموضوعك يالغالي

على حدود سنك 17 سنة لا ينصح نهائياً باستخدام اي مكمل

بالاضافة انت عندك زيادة بوزنك يالغالي فانت بحاجة الى انقاص الوزن الزائد تقريبا 14 كيلو

ولكنها سهلة باذن الله ومقدور عليها بالذات على شخص مثلك رياضي ويلعب كرة قدم بسيطة ...

1- انت بحاجة الى جدول ممتاز فانصحك بجدول اخونا بوراشد

تلاقيه في قسم المواضيع المميزة بعنوان

حقق حلم ال6باك وازالة الكرش

2-عمل رجيم اي تقليل الوجبات الي فيها دهون اي الاعتماد على الــlow fat الاشياء القليلة الدسم بعيد عن الحرمان :)

3-الالتزام في التمرين كل شي بوقته وعدم الكسل

4-سلامتك ورضاك عزيزي

وبما انك مبتدء لا تفكر باي حارق دهون ولا اي مكمل غذائي ...

حارق الدهون ممتاز للاشخاص الي اوزانهم خيالية وصعبة المنال نفس ما نقول انت عندك زيادة 14 كيلو الى 12 كيلو ومقدورة يالغالي فما تحتاج اي حارق دهون ولا تطمع في العجلة وتتسرع خلك صبور وتمرن صح واعمل لك رجيم دايت صح وابشر ان شاء الله ....

المكمل الغذائي لا يصلح لاي شخص مبتدى ماكمل شهر الى 3 شهور .. وانت حالياً ما تحتاج انك تحط بالك في تمارين الحديد انت بحاجة الى كارديو فقط للحرق وبعدها ان شاء الله تفكر في موضوع بناء الجسم .. في حال انك بديت تلعب حديد على هذا الوزن وتحرق لا راح تبني عضل ولا راح تحرق الدهون بتكون مخبوص :) ... يمكن تكون عندك صلابة ولكن مظهر وجسم لاعب كمال اجسام ما راح يكون له اثر بسبب الدهون الزائدة عندك:)

واهم نقطة الي ما تسمح لك هي حالياً السن انت قاصر يالغالي واكثر شركات االمنتجة للمكملات او اي شي اخر كاتبة تنبيه بانه لا يسمح لاقل من 18 سنة :)

والشباب اخبر بالموضوع

:)بالتوفيق

ما قصر الوحش

وازيد اهتم في اكل وابتعد عن الدهون هذا الي واجب عليك

وبعد ما تخلص من تمارين اللياقة وتخش على تمارين الكوكتيل راح تبدا بجدول يضعة لك المدرب ويكون للمبتدئين وراح تخسر الدهون حبة حبة وتزيد العضل

بالتوفيق يا وحش وانتة لأكلك ..

ما قصرو الابطال

تم تعديل عنوان الموضوع هذه المره فقط الرجاء مراجعه قوانين القسم لاهمية

مازيد على نصايح الوحوش وبالتوفيق والبروتين تقدر تستخدمه لاكن على الاقل يكون عندك اساس عضلي وتبني عليه عقب اما على طول ماينفع

ماقصرت يامنادة الليل على هالرد الطيب الي يوضح مدى لباقتك وحسن اسلوبك..
بس اعذرني مافهمت الجزء الي تقول فيه

اقتباس:

---

في حال انك بديت تلعب حديد على هذا الوزن وتحرق لا راح تبني عضل ولا راح تحرق الدهون بتكون مخبوص :)

---

أجل وش فايدة التمارين والحديد؟؟؟؟؟
على حسب كلام الكوتش في النادي وكلام الكابتن أبو راشد هنا الي فهمته منهم ان الي يبدأ بلعب الحديد يزيد العضل ويخسر دهون بس أهم شي التغذيه السليمه...
وهاذا الي أنا ماشي عليه...
عالعموم يعطيكم العافيه ياكباتن ماقصرتو وأسأل الله لنا ولكم التوفيق والوصول الى الهدف المنشود..
واعذرني يا أخ مشكلجي على اختراق القوانين بدون علم مني وان شالله ماتتكرر..

الوحش اتوقع يقصد بمخبوص انك يعني ما تقدر تركز صح في التمرين

عزيزي الاسد كمل على شغلك

ماقصرو الاخوان وبالتوفيق عزيزي
وان شاءالله تستفيد معانا وتفيد