اتمرن الكارديو قبل او بعد التمرين ؟

السلام عليكم ورحمة الله وبركاته


شباب انا لي ثلاث اسابيع تقريبا في النادي

هدفي جسم رشبق منسف مرتب خالي من الترهلات

انا كان وزني زايد ونقصته ورد يزيد ونقصته المهم

اعاني من تجمع دهون في الخصر وشوي في الصدر


طولي 177 وزني الحالي 78 ما ادري كم نسبه الدهون عندي بس اعتقد انها كثيره

المهم ادخل النادي واسوي كاريدو 40 تقريبا طبعا انا احب ابدى فيه لأنه اهم واحد فيهم ولما اخلصه ارتاح فأحب ابدى فيه

وسمعت ناس يقولون ان الكاريدو افضل يكون بعد التمارين

طبعا انا العب حديد ع اوزان خفيفه يعني 10 او 12 واحاول اسوي تكرارات الي اقدر عليه

المهم هدفي انزل وزني 7 كيلو واحاول استبدل الدهون بعضل يعني ما ابي ضخامه

والتقاسيم انا مو مستعجل عليها وعلى فكره انا ما اقدر اكمل حديد عندي ظروف ما تمسح لي

انا بشتغل من الحين الى شهر شوال الجاي في النادي بعدها راح استمر ع جري وتمارين سويديه برى النادي لذلك ما ابي ضخامه ووو

المهم الخلاصه الي ياليت تفيدوني فيه هو هل انا ماشي تمام ؟؟ علما ان اكلي صحي ان شاء الله

استمر كارديو في البدايه وهذا الي افضله والا بعد التمرين؟
اذا استمريت في هالاوزان هل الصدر عندي راح يصغر والا راح يكبر؟

<<-- نفسه يلبس فانيله ضيقه بس خصره وصدره ما يساعدونه

ومشكورين مقدما واذا تذكرت شي بعد راح اضيفه ان شاء الله ياليت ما اتعبكم بس

وياليت بعد يا شباب لو تقولون لي اذا فيه كريم

يشد الجلد او حتى لو كريم يضبط البشره ويقويها

ادهن جسمي فيه قبل التمرين واهم شي ما يكون فيه ريحه تزعجني وتزعج

الكباتن الي في النادي ويفقعون وجهي اذا فيه ياليت تقولون لي وين الاقيه في الرياض وكم سعره

وهم بعد مشكورين مقدما

المهم الخلاصه الي ياليت تفيدوني فيه هو هل انا ماشي تمام ؟؟ علما ان اكلي صحي ان شاء الله
حلو جدا ..استمر عليه واعمل تمارين سويدية وتمارين لياقة باثقال خفيفة عشان تساعدك بشد الترهلات ..
استمر كارديو في البدايه وهذا الي افضله والا بعد التمرين؟
في البداية برأيي احسن عشان يسخن الجسم ويجهز لك العضلات
اذا استمريت في هالاوزان هل الصدر عندي راح يصغر والا راح يكبر؟
اعتقد راح يكبر لكن يبي لك تراجع المواضيع المميزة فكل ما تبحث عنه موجود فيها .


يشد الجلد او حتى لو كريم يضبط البشره ويقويها
في كريم تبع فازلين جيد لشد الجلد وهو زي اللوشن اسمه كريم زبدة الكاكاو ..انا مجربه شخصيا وقد ساعدني في شد الترهلات

...
هذا والله اعلم ..

احسن ان تمارس الكارديو بعد التمرين لأنك ستحرق سعرات الحرارية اكثر من قبل التمرين
تحياتي لك اما في ما يخص عن سؤال عن صدرك فانه اذا لم تنقص من تناول البروتينات ستتخلص من الدهون فقد وقد تربح ايضا بعض العضلات ..... +اثر من المتوازي ...
تحياتي لك

يؤ الشباب اختلفوا

ع العموم الله يعطيكم العافيه

وياليت نشوف اراء اخوانا الاعضاء الاخرين

السلام عليكم،

انا جربت قبل وبعد الحديد قبل كم شهر

الكارديو قبل الحديد > سببلي تعب وماقدرت أشيل أوزان مثل السابق + التعرق الشديد وانا العب حديد

بعد الحديد > أفضل لأنه جسمك راح يحرق أكثر والكاريو شي سهل تسويه عكس الحديد، وتقدر قبل الحديد تمشي 10 دقائق فقط لتحريك الدم في الجسم قبل التمارين :)

فأفضل بعد الحديد حسب تجربتي :)