استفسارات بسيطه عن المكمل الغذائي

السلام عليكم ورحمة الله وبركاته

اخواني انا لاعب حديد متقطع الفترات يعني بديت العب من قبل سنتين
العب شهرين واقطع 6 شهور وهكذا
والحين بدأت العب من جديد بس هاي المره ابغي استعمل مكمل غذائي Nitro Nech( اول مره استعمل مكمل )

هذا هو يومي الثالث في الجيم ... هل تنصحوني استعمل المكمل الغذائي من الان او انتظر شهر وهل هناك من ضرر اذا استعملته من الحين ؟
وبالنسبه لكيفيه استعمال المكمل الغذائي
متى يتم اخذه قبل التمرين وبعد التمرين ( اقصد متى بالوقت )
وهل ااستطيع اخذه مع الوجبات .. يعني اشرب بروتين وبنفس الوقت اكل وجبتي؟

ياهلا وغلا فيك اخوي

اول شي ياريت لو تحط لنا طولك ووزنك وعمرك

علشان نقدر نفيدك بشكل اوسع يالغالي ونرشدك ان شاء الله للافضل

على كل حال يالحبيب تفضل

هذا هو يومي الثالث في الجيم ... هل تنصحوني استعمل المكمل الغذائي من الان او انتظر شهر وهل هناك من ضرر اذا استعملته من الحين ؟
حالياً لا يالغالي... بما انك لاعب سابق وقاطع اللعبه .. العب على الاقل شهر علشان تحرك عضلات جسمك ومن بعدها استخدم .. بخصوص اذا في ضرر او لا هذا ما نقدر نحكم عليه حالياً الا اول شي نشوف كم عمرك يالغالي :) اذا كان اقل من 18 فما ننصحك تستخدمه

متى يتم اخذه قبل التمرين وبعد التمرين ( اقصد متى بالوقت )
قبل التمرين بساعه سكوب +بعد التمرين بنصف ساعه سكوب وقبل النوم :) لنتائج قوية مع حليب قليل الدسم او خالي من الدسم :)

وهل ااستطيع اخذه مع الوجبات .. يعني اشرب بروتين وبنفس الوقت اكل وجبتي؟
قصدك بعد الوجبات تقدر على هذا النحو ايضاً

الصبح بعد الاكل , وانت لابد انك قبل التمرين بساعه ونص على الاقل على الاقل تاكل .. وبعد التمرين مباشر تاخذه وبعد العشاء :)

بالتوفيق

تسلملي يا منادة ما تقصر
اعتقد انت جاوبت على كل أسئلتي الي كانت تحيرني
الطول : 177
الوزن: 80 كيلو جرام
العمر: 20

الله يسلمك يالغالي

كانه وزنك زايد يالغالي :)

لابد اول شي انك تحرق الزيادة الي عندك وهي بسيطة :) يعني المقصود لا تستعمل المكمل الا بعد شهر على الاقل وترى قلت لك شهر قليلة الافضلية 3 شهور ولكن بما انك لاعب سابق :) لا بأس ولكن بعد شهر افضل

يعني شوي حط بالك في هذا الشهر انك تتمرن حديد ووتحاول انك تحرق الدهون بحيث انك تبني عضل لما تحترق الدهون الي عندك بتظهر العضل :)

عفواً اسم المكمل اتوقع
nirto tech :)

بالتوفيق الشباب اخبر يالغالي

حبيب قلبي مشكوور جدا ع الافادة
طيب شو رايك استعمل ليبو 6 بلاك >> يمدحونه ترا يحرق ابو الدهون الزائده
و شو الوزن المناسب لطولي الي يسمحلي ابدأ استعمل فيه المكمل الغذائي .. ؟؟

اخواني .. ياليت احد عنده جواب لاخر مشاركة عندي والف شكر حبايبي