عرض للطباعة
السلام عليكم ورحمة الله وبركاته
أخواني أنا حاب أشتري العديد من المكملات من موقع bodybuilding.com ولكن سمعت إنو المكملات والأدويه تتوقف في الجمارك (في السعوديه) لأنو لازم تجيب ورقه من وزارة الصحه.
فما أدري لو أحد جرب يشتري في السعوديه ينورنا ولكم كل الشكر
طبعا الموقع مضمون ورخيص وكثير ياخذون منه وفي كذا موضوع بالقسم كان يتحدث عن الشراء من موقع بودي بيلدينج
اما عن التفاصيل ماقدر افتيلك بس اقدر اقولك ان الموضوع سهالات واحسن شي بتسويه انك بتاخذ مجموعة مش مكمل واحد او اثنين
بالتوفيق
انا مجرب وطالب منهم 3 مرات للحين بس !!!!! مثل ماقلت انت الجمارك , انا قبل كانت اطلب دون مشاكل طبعا انا بالكويت اتكلم وكانت الامور عادية بس بعد انه احد الاخوان بالصحة طلع بقانون انه الـ supplements تعتبر ادوية وعقاقير !!!!!!! فالحين الصحة تفحصهم وتوقفهم ولازم الشخص نفسه صاحب الشغلة يخلصها خل اقولك القصة وشنو دفعت
اول شي 10 دنانير للكويتية , 5 دنانير للجمارك , وطابع دينار , وقبلهم وزن 22دينار لشركة الشحن اللي ماسوت شي !!!!! واخروا تخليص الاغراض اسبوعين وبالاخير اخذت اغراضي بس مثل ماقال اخوي Amity الموقع حلو يعطيك خصومات وعروض والسعر يفرق معاك اذا طلبت مجموعة .
انشالله افدتك والله يوفقك
يعطيكم العافيه على الرد أخواني
يبدو إنه حتى في السعوديه نفس الموضوع
الله يعين وشكرا لكم
انا بالسعودية طلبت من موقع بدي بلدنق ليبو 6 x وامينو 2222 ووصلتني عن طريق فيديكس
متى طلبتهم أخوي ؟ وكم جلست لين ماوصلتك ؟ وشكرا على الرد :)
قبل 15 ايام وخلال اسبوع عن طريق فيديكس
العفو
ممكن طريقة الطلب من الموقع
السلام عليكم اخواني انا طلبت من موقع البدي بلدنغ تقريبا 7 مرات واسعارهم حلوة وكنت طبعا اطلب اقل شي 5 علب من الحجم الكبير لكن الثلاث مرات وقفتها الجمارك وطلبت مني اول مرة تعهد اني لن اطلبها مرة اخرى وبعدها طلبوا فسح من هيئة الغذاء والدواء حبيت ابين راي بس علشان ماحد يتورط لاني قرات قبل فترة في جريدة السبق خبر انه المكملات الغذائية تعتبر من العقاقير والادوية اللتي يجب على من طلبها باحضار فسح من الهيئة لكن ترى اسعار المكملات عند بدي بلدنغ حلوة وعندهم عروض على الكميات وكل ماطلبت اكثر من 150 دولار يعطونك هدية
مشكور أخوي VIP ولكن من وين جبت الفسح؟
وهل كلموك إنها وصلت ولا إنتا رحت سألتهم؟ ياليت لو تعطينا تفاصيل زياده وجزاك الله خير
لكن هل يفرق السعر يا جماعة ..؟
علشان كل هذا التعب ..؟
إيه والله يفرق أخوي لمن يجيني واحد يبيع المكملات بثلاث أضعاف السعر وهو يشتريها مخفضه من الموقع تفرق كثير
اشتريهم من اي محل بروتينات احسن
لان بتدفع توصيل وجمارك مثل ما قال الأخ صلاح
اذا باع لك ثلاث اضعاف ابسط حقوقة
لاشياء عدة
1 - الجمرك
2- التعب
3- الانتظار
سؤالي كان هل يفرق بستهزاء
لن انت لاعب تبي مكمل بروتين واحد وان زدت 2 ولا تقدر تطلب اكثر من هالطلبية الا اذا كنت تستخدم كثير لان اغلب المكملات صلاحيتها سنة وعليها فاذا ما طلبت بالجملة انت كذا خسران وتعبت نفسك على الفاضي مع الجمرك والتعب والرسوم اخر شي اقل من جي ان سي بعشرة ريال وما شابة وش الله حادك كل ذا طمع اشتر من هنا وريح بالك لان فية ناس تشتري ولا يدخلونة او يكون فية مشاكل في الشحن وغيرها فاشتر من مورد وزد عشر ريال وانت ما تشوف الدرب احمد ربك يوصل عندك مكمل بروتين يصنع على بعد 15 الف كيلو متر ويجيك لبيتكم
ابو راشد يا حبك للنقاشات
اسمع عزيزي انا اقول اللي يعرف يطلب وانا ما جربتها الحمدلله عندي ناس يجيبون وما يقصرون لكن اللي يعرف يطلب يطلب كمية ويبيع باقل من اسعار بره ويستفيد حتى لو براس مالها !! هو مستفيد طلبه وصل
لكن ياويله لو محد عطاه وجه :)