رد: هل البروتين ينفخ البطن؟
وعليكم السلام ورحمة الله وبركاته..
اخوي البروتين ماينفخ البطن يمكن بس انت عندك عسر بسيط في الهضم فأدا الى الانتفاخ ذا (غازات ,,الخ)
مره حصلتلي يوم اشتريت منتج فيتامينات(نوع مهوزين) صراحة الله يكرمكم قعدت ثلاث ايام مااخرج شي داري مستغربين لكن اخذت وصفه ممتاازة واكيد ان شالله حتفيدك
روح عند العطار قله يعطيك (عشبة السنه) + اول ماتصحى من النوم خذلك كوب مويه وافطر بعد نص ساعه على الاقل
جرب ومنت خسران شي بالعكس
وان شالله ماتشوف شر
رد: هل البروتين ينفخ البطن؟
شاكرك على حسن تجاوبك ..
وان شاء الله يالغـالي راح اشوف واسأل
ماقصرت على مساعدتك ..
بانتظار تجاوب الآخرين اذا ممكن عندهم شي يحبون يقولونه .. ؟
رد: هل البروتين ينفخ البطن؟
شوف اخوي البروتين يختلف من نوع لاخر بنس الفات والكربوهيدرات فيه ونعم يتفخ البطن لو انت تتناوله مع حليب او فيه فات كبير والطريقه لحل هذه المشكله حرق الفات بتمارين معده على الاقل بالاسبو مرتين الى 3
بالنسبة انت الحين تضخم يعني عادي تظهر عندك بطن لكنك بنفس الوقت الظاهر ما تتبع تغذيه سليمه قبل النوم يعني مكثر دهون وكربوهيدرات في الليل وها خطأ لازم لو تقدر في الليل ما تقرب صوب الكربوهيدرات يكون افضل وتخليها في الصباح وقبل التمرين فقط ومافي مشكله لو زدت لانك بتحرق في التمرين ويمتص الجسم الباقي ولا يبقى بالبطن وينفخها
هذه المشكلة بسيطه اخوي تقدر مثل ما انت قلت تزيد معدل الجري لكن راح ينقصك الدهون في جميع مناطق اجسم لهذا اقولك ركز على مساله المعدله والخواصر وباذن الله بتشوف شي طيب
والماء اخوي بالعكس مفيد للجسم وتقدر تتخلص منه وفي ناس قالو يوسع المعده وناس قالو يسد الشهية عن نفسي اشرب الماء بالكمية المطلوبه واقوم بصلاه الفجر واذهب لدوره المياه عزك الله واتخلص من الماء الزائد
وموفق خير
رد: هل البروتين ينفخ البطن؟
ممممـ شكرا على الرد التفصيلي ياخوي مشكلجي .. ومثل ماقلت راح ابعد عن الكربوهيدرات بكل الأشكـال بعد التمرين
لانه فالاساس البروتين فيه بغض النظر عن الأكل .. بس تصدق ياخوي .. انا يوم اقوم الصبح .. ألبطن يكون مافي احلى منه .. يعني شكله مقبول .. لكن من أبدأ وآكل ينتفخ
عالعموم راح أبعد عن الكارب بعد التمرين وازيد الجري وونركز على المعده
ماقصرت يالغالي..
تحيـاتي العطرهـ
رد: هل البروتين ينفخ البطن؟
مشكلة يوم الواحد يوسوس زيادة عن اللزوم :)
طبيعي وقت الضخامه يظهر البطن والتحكم فيه طبعا مثل ماذكرلك الوحش مشكلجي
لكن انا اشوفه شي عادي حتى لو زاد لكن بشرط مايزيد دهون فقط
هل البروتين فعلا ينفخ البطن ؟ وتركه لمده كم اسبوع مابيأثر على البنيان العضلي اللي بنيته؟
اعتق كلام مشكلجي جدا منطقي ولو الاستعمال مع ماء والاوقات تكون مناسبة فما اعتقد - بس صدقني مايهم والفرق بسيط ومصيره يتغير - انا جا على بالي نقطه الا وهي قبل الاكل البطن تكون اعتيادية ولكن بعد الاكل تنتفخ فا اذا كانت هالنقطه اللي حبيت توصلها لنا فا انا اقولك كمل طريقك ولا تهتم فقط ركز على تمارينك لانه شي طبيعي بعد الاكل تشوفها شبه منتفخه
ام .. ازيد من الجري .. بدل مايكون لمدة ساعه وحده في الاسبوع ..اخليه مرتين أو ثلاث .. ؟
خذها قاعده تبا ضخامه انسى الجري والمشي ولاتضيع دهونك على غير فايدة
واستفسار خارج عن النص ^^.. هل شرب الماء بكثره قبل النوم يساعد او ينفخ البطن؟
شوف عزيزي الماء اول ماتنش ممتاز بشرط مايكون بارد وقبل ما تنام ممتاز وقبل الوجبات ايظا واثناء الوجبات بشكل بسيط لا اكثر لكن بعد الوجبات انصحك بعدم تناوله الا بعد مده زمنيه
بالتوفيق يالغالي
رد: هل البروتين ينفخ البطن؟
ههههـ جبتها عالجرح .. ياأميتي .. وكنك مادريت ..
وانت الصادق هالوسواس .. بس يعني حلو اني افكر واتجنب الأشياء قبل ماتوصل لها ^^
وبالنسبه للنفخه اهيه زادت .. وتزيد اكثر بعد الأكل .. بس انا متأكد انها دهون .. لانه قبل ماكانت موجوده
وووشاكرلك مرورك يالغـالي وتكرمك بالرد ..
ربي يحفظكمـ
رد: هل البروتين ينفخ البطن؟
:) حاس بالوضع لانه مر علي قبل
يطول بعمرك ويحفظك
رد: هل البروتين ينفخ البطن؟
شفت كيف ^^ .. هالوسواس لازم فتره وبيعدي مع زوال هالدهن المتجمع فالكرش
.. :)
رد: هل البروتين ينفخ البطن؟
ماشاءالله عليهم شوف كيف والله تواصلهم وابداعهم في الرد المميز
دمتم لهذا المنتدى ان شاءالله دائماً...
وبالتوفيق ياولد بوظبي
رد: هل البروتين ينفخ البطن؟
احب افيدك بتجربتي مع الانتفاخ كنت استخدم واي بروتين من شركة esa وسبب لي انتفاخ وغازات واحس بترجيع لما اشربه على اني اخذته من الوكيل واستبدلته بواي قولد استاندرد تبع اوبتموم والحين شاري منه علبتين ولا احلى منه لا غازات ولا قلبة معده واكلي هو هو ما تغير بشيء بس المشكلة المنتج ما تقبلته معدتي جرب غير نوع الشركة المنتجة لان كل شركة لها اضافاتها الخاصة مع المنتج واذا ما نفع يمكن نوع البروتين نفسه ما تتقبله معدتك ..
تحياتي لك
رد: هل البروتين ينفخ البطن؟
ازرق اللون هذا الواي بروتين اللي انا استعمله الان والحمدلله ماشي معاي تمام :) صحيح طعم الواي من اوبتيم افضل منه لكن لو تلاحظ يباع بسعر اكبر من سعر الواي اوبتيم يمكن لحجمه الاكبر
موفق خير
رد: هل البروتين ينفخ البطن؟
اقتباس:
المشاركة الأصلية كتبت بواسطة mashkaljey
ازرق اللون هذا الواي بروتين اللي انا استعمله الان والحمدلله ماشي معاي تمام :) صحيح طعم الواي من اوبتيم افضل منه لكن لو تلاحظ يباع بسعر اكبر من سعر الواي اوبتيم يمكن لحجمه الاكبر
موفق خير
حياك اخوي مشكلجي
لو تقرا اجابتي انا بينت ان منتج الشركة هذي ما ناسبني وكان مسبب لي المشاكل ولما غيرته مع الثبات على نفس الامينو والاكل اختلف الوضع تماما على ان نوعية البروتين هي نفسها الواي لكن كل شركة اكيد لها تركيز مختلف ومحسنات النكهة مختلفة فهي اللي ممكن تتسبب بالغازات والانتفاخ لما ما تقبلها جسمي
بالنسبة للسعر اوبتمم اغلى بس مو متاكد من الوزن هو نفسه ولا لا اضافة لحاجة الاوبتمم غني بالامينو وهذي ميزة تحسب له
رد: هل البروتين ينفخ البطن؟
اقتباس:
المشاركة الأصلية كتبت بواسطة منادة الليل
ماشاءالله عليهم شوف كيف والله تواصلهم وابداعهم في الرد المميز
دمتم لهذا المنتدى ان شاءالله دائماً...
وبالتوفيق ياولد بوظبي
هلا فيك يااالطيب ..
همـ دائما يحبون يردون ويوضحون الصورهـ .. جزاهم الله خير وجعلهم من أهل الجنه جميعا
اقتباس:
المشاركة الأصلية كتبت بواسطة ازرق اللون
احب افيدك بتجربتي مع الانتفاخ كنت استخدم واي بروتين من شركة esa وسبب لي انتفاخ وغازات واحس بترجيع لما اشربه على اني اخذته من الوكيل واستبدلته بواي قولد استاندرد تبع اوبتموم والحين شاري منه علبتين ولا احلى منه لا غازات ولا قلبة معده واكلي هو هو ما تغير بشيء بس المشكلة المنتج ما تقبلته معدتي جرب غير نوع الشركة المنتجة لان كل شركة لها اضافاتها الخاصة مع المنتج واذا ما نفع يمكن نوع البروتين نفسه ما تتقبله معدتك ..
تحياتي لك
صح كلامك .. ممكن المنتج نفسه يلعب دور في انتفاخ البطن .. وهذه دليل يؤكد على كلام مشكلجي في اول رده لهـ .. يوم قال انه فيه نوعية بروتين تنفخ البطن ..
تسلمـ على الرد ..
شكرا جميعا على ردودكمـ الغـاويه .. وحسن تفاعلكمـ
اخوكم\ ولد بوظبي
