عرض للطباعة
اسعد الله صباحكم او مسائكم اختاروا الوقت الي دخلتو فيه . عمري 25 سنه و طولي 184 وزني 73 kg
اريد زياده وزني من الافضل لي و احسنهم من هذان المكملان سيرياس ماس او لتروماس .
وهل ممكن اخذ بس سكوب واحد فقط في اليوم بعد التمرين لاستفيد و بنفس الوقت يكون خفيف على الجسم
وعن كميه الماء الي اخلط فيه لسكوب
(علما اني اتمرن في البيت لظروف عملي تقريبا 45 دقيقه .)
و حبيت اشكر كل من يحاول يساعد الغير بدون مقابل هذي سمى قليله في هذه الايام .
يامرحبا اخي الكريمللي حاب يتأكد او يقارن بينهم
عملت سابقا مقارنة بين المنتجين والافضل السيرياس ماس لكن حكاية سكوب واحد ذي ماتنفع لازم 3 مرات
باليوم, بالنسبه لكمية الماء 200-250 مل او على راحتك حسب
http://www.bodybuilding.com/store/opt/sm.html
http://www.bodybuilding.com/store/bsn/true.html
تحياتي لك
تسلم يا اخ THE CAST على هذي المعلومات القيمه و اتمنى من الاخوه الباقين انهم يعطوني رايهم و جزاهم الله خير
ماقصر ذا كاست
المنتجين ممتازين عزيزي وايظا عندك المايبلوكس ديلوكس والبرو كومبلكس غينر
التروماس راح يعطيك وزن وعضل وطريقته 3 مرات باليوم وكل مره 3 سكوبات
السيرياس ماس يعطيك وزن وطريقته مرتين الى 3 مرات باليوم وجرعته ماكسيمم سكوبين في كل مره وبين الوجبات يفضل سكوب واحد ايظا قبل النوم
عموما المنتجين ممتازين بالنسبة للسيرياس ماس هناك من جربه ولم يجد نتيجه مرجوه والترو ماس كل اللي سمعت انهم جربوه قالو فيه نتيجه
لكن تأكد عزيزي ان هذه مجرد مكملات لا يعتمد عليها والافضل هو التغذية السليمه والمنتظمه والموزعه على مدار اليوم + المجهود البدني الممتاز
بالتوفيق
يعني يا شباب لو اخذت جرعه وحده بليوم بيكون في ضرر . لانو القصد من اخذ المكمل فقط لزياده الوزن باقل و قت ممكن وهذي التمارين الي اسويها لتحسين منظر الجسم . اعطوني اجابه وافيه الله يبارك فيكم
افهم من كلامك انك ماتملك اجهزة ف البيت !! شو تتمرن ماوضحت لنا بالضبط
لو خذيت 3 جرعات باليوم مافي ضرر مب وحده بس لكن يشترط ان تأخذ الجرعات مثل ماهو مكتوب عالمنتج كي تستفيد
شكرا لرد السريع الله يبارك فيك .
انا عندي بار اكثر من وزن + دامبلز اكثر من وزن و اسوي بوش اب انا ما عندي جدول امشي عليه بس قبل 4 شهور دخلت نادي شهر تقريبا ووعندي خلفيه بسيطه عن التدريبات و علعموم انا اتدرب في السبوع 5 ايام و يومين راحه و تدريب اليومي 45 دقيقه تقريبا هل هذا كافي لحرق لبروتين ؟ . و كيف ايام الراحه اخذ لبروتين او لا ؟ هل ممكن اخذ لبروتين بدون تدريب ؟ و تسلم مره ثانيه على مساعدتك لي.
هل هذا كافي لحرق لبروتين ؟
مافي شي اسمه حرق البروتين الحرق يكون للدهون وايظا هناك حرق للعضل
و كيف ايام الراحه اخذ لبروتين او لا ؟
نعم تاخذه
بالتوفيق عزيزي والله يبارك فيك
كرة قدم يسعد صباحك
السيرس ماس جامد مرة فيه نسبة بروتين 55 جرام تقريبا وكارب حوالي 30 او 35 جرام انا ما جربته لكن اعرف شخص جربه ومدحلي في لكنكان استخدامه للمنتج وحشية كان ياخذ الصباح وقبل التمرين بساعة وبعد التمرين وقبل النوم زاد وزنه في ظرف 4 اشهر 10 كيلو لكن طبعاً البطن زادت بنسبة اربع الى ثمانيه سانتي لانه قستله قبل وبعد بس صراحة المنتج جامد
انا من رأي زي ما انت كتبت انك تتمرن في البيت واكيد ما عندك الاجهزة الكافية لجميع العضلات انك تاخذ واي بروتين مع جلوتامين اومايبلوكس لايت وهذ منتجات جبارة وانا من مستخدميها بس مشكلة المايبلوكس لانادر تحصلوا في السعودية ممكن اذا لك احباب في الشرقية يجبوا لك من البحرين من GNC الي في سوق السيف
وهذي افضل طريقة أستخدام
خذ نص كوب الصباح وخذ نص كوب بعد التمرين بس اهم شي انك تفطر كويس ولا تنسى الغدا لازم يكون في نسبة بروتين وكاربوهيدرات جامدة لأنك ما راح تاخذ المنتج قبل التمرين وقبل ماتنام خذ علبة زبادي قليل الدسم مع ملعقة عسل اصلي او مقدار اربع الى 6 معالق لبنة قليلة الدسم وراح تحس بالفرق ان شاء الله في خلال 10 ايام وانت جرب احدى هذي المنتجين مع الجلوتامين وانا افضل المايبلوكس لايت لانو جبار ولا تنسى خذ اسكوب صغير او ملعقة وسط جلوتامين قبل النومبخمس دقايق اسف بس انا احسب الكمية بالوقت وبالدقيقة
وسامحوني على الاطالة
الله يوفقك يا وحش
ولا تنسى من 5 الى 6 وجبات في طبعا البروتين يعتبر وجبة واقصد بالوجبات وجبة متوسطة الحجم غير الوجبات الاساسية الفطور والغد والعشا لازم تدخل بينهم مثلا علبتين زبادي قليل الدسم مع تفاحة خضراء او 3 بيضات بدون صفار او chicken salad
بالتوفيق
يا خي انا اقصد 45 دقيقه للاستفاده من البروتين و سمعت اني لازم اتدرب مع المكمل حتى ما يكون عبئ على الكلى شو رايك ؟ واذا ما اخذت المكمل بايام الراحه في مشاكل .
تسلم و ما قصرت يا وحش جده على نصايحك
بس انا بصرااااااااااااحه انا تائه تقرقع والله راسي كل واحد يخبرني عن منتج شكل ما تعرف و ين الصح وين الغلط شو تاخد و شو ما تاخد . والمشكله يجيك واحد يقلك لا تاخذ مكملات غذائيه مضره للكلى و ثاني يقلك لا المكمل الغذائي كله طبيعي ما في اي ضرر . الله يهدينا للخير .
اسمع الكلام المنتجات كلها وحد ولكن اسماء الشركات تختلف والمكملات الغذائية اذا اخذتها بحذر وبكميات معقولة لا تضر وشرب الماء بكمبات عالية ملزوم به المكملات الي كتبوها الشباب كلها جامدة وممتازة لكن كلن يدلو بدلوه يعني كل واحد قال على المنتج الي استفاد منه ولا غبار على كلامهم ما لك ومال كلام الناس الي ماله كم اسبوع في الناي ويتفلسف اسمع الكلام من ناس فاهمة ومجربة وعندهم الخبر الكافية في هذ المنتدى في نا اكفاء ومعروفين والعين ما تعاى على الحاجب من غير ذكر اسماء عشان ما ياخذ على خاطره المكملات الي كتبتها لك ممتازة ومجربة والجرعات الي كتبتها تناسبك اهم شي انك تتمرن كويس جميع التمارين في اربع جلسات والتكرارات العضلة الكبيرة 12 10 8 8 والصغيرة من 10 8 8 6
والله يوفقك يا وحش
مشاء الله عليك من التكرارات الي قلت لة العبها عرفت انك وحش على اسمك ولك خبرة في اللعبة
12/10/8/8 للعضلات الكبيرة والعضلات الصغيرة 10/8/8/6
صدقت ممتاز جدا
بالتوفيق لصاحب الموضوع
مشكور كل الشكر على الاخوان الي اعطوني نصايحهم و تعبتهم معاي
اخي وحش جده والله لو اخذ منتجين اخاف اتخربط و انا عارف راسي فيه الف شغله بس لو تكرمت علي تعطيني من عندك منتج واحد يكون نوعيته ممتازه و تعطيني اقل الاقل كميه ممكن اخذها بليوم و قبل او بعد الاكل و و عن كميه الماي الي اشربها بليوم حتى اتوكل على الله . و يعطيك الف عافيه و ماقصرت يا غاااااالي
مشكور كل الشكر على الاخوان الي اعطوني نصايحهم و تعبتهم معاي
اخي وحش جده والله لو اخذ منتجين اخاف اتخربط و انا عارف راسي فيه الف شغله بس لو تكرمت علي تعطيني من عندك منتج واحد يكون نوعيته ممتازه و تعطيني اقل الاقل كميه ممكن اخذها بليوم و قبل او بعد الاكل و و عن كميه الماي الي اشربها بليوم حتى اتوكل على الله . و يعطيك الف عافيه و ماقصرت يا غاااااالي