عرض للطباعة
السلام عليكم ورحمه الله بركاتة
كيفكم يا جماعة الخير ؟ ان شاء الله بخير ؟
المهم حبيت أستفسر عن شغله ..
تعرفوا الآلة الي تكون مقعدها على الارض و أرجولك ترفعها على سطح مستوي
و عليها ثقل معين .. و انت مره تضم رجولك و مرة تفردها للأمام ..
وظيفتها تقوية عضلة البطـة + عضلة البطن ..
المهم حبيت اسال هل تأثر طول ؟
و ايضا ممكن تمارين إلي تسبب في توقف طول عشان اتجنبها ؟
و أيضا إيش التمارين الكويسة لزيادة الطول ؟
وشكرا :biggthump
هلا اخوي
الحديد شي اكيد يوقف الطول
شوف طبيعة الانسان طوله يتوقف بين الــ18 الى 21 سنة يعني في ناس تشوفه ماشاءالله عليه عمره 18 سنة وتلاقي طولة يوصل 185 فهذا الطول تلاقيه يثبت عليه خلاص ما يعلو وفي ناس لا ماشيه تطول تطول لما توصل الــ21 سنة وفي معلومة مو متاكد منها وهي انه الــ25 هذا قفل على العضام يعني ما تنمو بعد هذا السن نهائياً
واما الي اقل من الــ18 سنة طوله ماشي ولكن في حال يرفع اوزان اكيد طولة بيوقف لانه اقل من 18 سنة هذي فترة النمو للانسان يعني موبس في الطول في كل شي ...
شوف يقول لك لما الانسان يوصل الــ18 سنة يتخلص من فترة المراهقة ....
ولما الانسان يكمل 21 سنة يكون في سن الرشد
ولما الانسان يوصل تقريباً 40 سنة ومافوق في سن الشيخوخة ...
يعني سبحان الله هذا شي من ربنا ...
ولكن لما تجي اقل من 18 سنة وترفع اوزان راح تضغط على العضل والعضل راح تسكر على العضام بهذا يتوقف نمو العضام :)
وانتظر رد الشباب يمكن اكون مخطأ في بعض الامور
بالتوفيق
بالاضافة يالغالي
الحديد تقلل من طول الارجل :)
وانت كم عمرك علشان نفيدك اكثر
لانه توقف الطول له علاقة بالعمر
اسمح لي المفترض اسالك باالرد الاولي
عادي أخوي خذ راحتك ,, انا عمري 18 شهرين طولي 172
فهذا يعني لا خوف على الطول حالياً يالغالي
وتقدر تلعب اوزان طولك ممتاز شكثر تبي تصير ههههههههه
الله يحفظك عمرك ممتاز يعني وطولك ممتاز جداً فلا حرج على لعبة كمال الاجسام
الحديد لاعلاقة له بالطول ،، أنضر لأرنولد متى بدأ رياضة كمال الاجسام !؟ وكم طوله يارجل ،، وحش بدون تعليق ؟
اقتباس:
المشاركة الأصلية كتبت بواسطة The Coleman
:wow::wow::wow: غريبه يالغالي ممكن مصدر المعلومة هذه ماعليك امر
وبعدين بنعلق على ارنولد
انتظر ردك يالحبيب
قرأت عدة مقالات سابقا عن الموضوع ذا...لكن اكثرالاطباء يقولو ماياثر على الطول
والحديد يوقف الطول مجرد افتكاسه مالها اساس
وبالنسبة لك يامناداة الليل ..نعم ارنولد بدا يلعب .في سن 14او13(ماني فاكر بالضبط)
موفقين باذن الله
انا عمري 16 6 اشهر عادي مايأثر على طولي
انتظر ردك
هلا اخوي ذا كست
عارف يالغالي 13 سنة بدا مشوار الحديد :)
السؤال , كما قرات في تاريخ ارنولد انه التحق بالصالة من هذا السن ولكن ما ذكر في تاريخه انه في هذا السن كان يرفع الاوزان الثقيلة :)
وترى اقول لك ارنولد بطل ماله مثيل وكلمة بطل قليلة وحش وحش ما شاءالله عليه في تاريخه .....
ولكن هل قرات انه كان في هذا السن يرفع الاوزان ...؟؟؟؟
والله يالغالي انا على حسب معلوماتي انه يوقف الطول والله اعلم والكلام هذا جاي من كلام اطباء مو عبث :)
واترك المجال للخبراء اكثر مني :)
انتظر الردووووود
ابي اعرف من الخبراء الحديد يوقف الطول ولا لا؟؟؟؟؟؟!!!