سؤال عن Amino Fuel 2222 HMB

السلااااااااااااااااااااااااااااااااااااااااااااااام عليكم يا عرب



السموحة يا اخوان على التقصير والغيبة هالفترة

بس ان شاء الله كلي امل اني يوم ادش ادش بينكم وفي عندي شي مهم او مفيد او ملحوظة


اخواني الكباتن والرياضيين الاعزاء

اليوم وانا اتجول في سوق المكملات الغذائية شفت منتج اللي هو مذكور اسمه بعنوان موضوعي

ما ادري بصراحة من وين يطلعون لي بهالمتتجات وما عندنا اي خلفية عن هالمكمل الغذائي

يعني من الآخر يا اخوان اشتريته بس والله زغت وتندمت اني اشتريته

وبنفس الوقت قلت بيني وبين نفسي اذا انا سويت جي في غيري بعد بيسوي نفس الطريقة بيشتري شي او راعي المحل بيلس يقص عليه ويقوله هذا منتج فنان "نمبر وووووون أرباب"

ما اعرف شو اقول

بس حبيت استفسر عن هالمنتج

وهذا رابطه

http://www.body1supplement.com/ProductView.Asp?ID=21


ياريت حد يساعدني هل هالمنتج اوكيه ولا لا

لانه هو عباره عن كبسولات وريحته تزيغ شرات السمك يا ساااااااااااتر بس جنه سمك منتهي صلاحيته

عموما سؤالي هالمنتج او غيره من المنتجات هل لها علاقة بتنشيط الخلايا السرطانية او تؤثر على الانجاب

والسموحة ثقلت عليكم

اخوكم بو حمدان

وعليكم السلام ورحمة الله وبركاته
اخوي ذا منتج احماض امينيه والاحماض الامينيه معروفه فوائدها ..في مواضيع كثيره بالمنتدى تتكلم عنها
واحب اضيف ان نسب الاحماض مهي بذيك الكثيره يعني المنتج موب بذاك القوي
ايضا البائع ماكان صادق معاك ذا مو افضل امينو
افضل انواع الامينو تنقسم حسب الحاجه الى
للضخامه
امينو انابوليك 10000 سوبرامينو4800 او امينو 2222 سوفت جيل
للتنشيف
تلاقي فيها مادة اسمها كرنتين

الله يعينك بعد متنته من استعماله ..غيره خذلك الامينو4800 او انابوليك 10000 ان كنت تبي ضخامه
طبعا مع بروتين

والمفروض وانا خوك قبل لاتشتري اي منتج لازم تستشير وتسال سواءا في المنتدى او اي احد يعرف:)

ماشاءالله عليك يا ذا كست وربي ردودك تحطيم 100%

الله يعطيك العافيه

وصحيح يالغالي لابد قبل لا تفكر في اي شي لازم تسال عنه وتتعرف على الشي الي راح تستخدمه

وبخصوص سؤالك لا يالغالي لا تاثر ولا شي :)

وانت لابد تقول لنا شنو انت هدفك تبي تضخم تبي تنشف ... علشان نفيدك ومثل ما تفضل ذا كست الله يخليه الامينو انواع وكل نوع يفيدك بغرض معين :)

يسعد صباحكم يالغاليين

بصراحة في البداية كنت مفكر آخذ انمل كتس بس يوم قالي انت شو فيك لتنشف وزني 66 وطولي متر و66

ما تحتاجه

خذ هذا امينو يديد نازل في السوق وكثير يطلبونه

وبصراحة انصدمت من ريحته وجزيت منه

بس اشتريته للاسف وشكلي بكمل عليه

يعني معقول ما منه فايدة مولية ولا 50%؟؟؟

انا بغيت ابني عضل بس من دون دهون وماي زيادة بالجسم

وكنت محتار آخذ حوارق للدهون ولا تضخيم؟؟

وفي حالة الامينو بغيت اشتري امينو شو احسن نوعية الا الآن والجودة 100%

والسموحة ثقلت عليكم

والله يالغالي. انت جربه وشوف اذا جاب معاك نتايج ممتاز ان شاء الله

انت عندك زيادة في وزنك تقريبا من 6 الى 7 كيلو ومقدور عليها يالحبيب


استخدم المنتج وشوف يجيب معاك شيء او لا . ترى المنتجات ما تسوي لك سحر ولا عمل بدون تمرين صح فجربه وتاكد من تمارينك انها صح

بالتوفيق

المعذرة على الازعاج

بس سؤال آخر

اليوم مثلا عندي بريك

اقدر آخذ الامينو فيول ولا ما يحتاي وقت البريك؟؟؟

ملعقة واحدة بس يا اخى منة

واهم حاجة التغذية السليمة والنوم السليم المكملات ما سحر