وزني 66 وطولي 174 ابغى طريقة استخدام برو كومبلكس + نصائحكم ؟

السلام عليكم ورحمة الله وبركاته

ان شاء الله الكل بخير وعافيه ...

سالفتي ياجماعه

انا شاب متزوج وعمري 28 ووزني 66 وطولي 174

ونحيف وبالذات لايوجد عندي شيء اسمه باي وكنت في صاله قبل الزواج واستخدمت ميغا ماس 2000 وماشفت منه الا كرشه كبيره ودهون مادري يمكن لاني اتمرن خطأ لان المدربين اسيويين وكل همهم امور ماديه وانا بسبب رفضي لهالفكره ماقاموا يوجهوني رغم اني بحاجه لهم بحكم الخبره بتقولون غير الصاله باقول لكم الصالات الثانيه بعيد جداً وغاليه مقارنه مع هذي الصاله وباكون صريح معاكم انا مش مرتاح نفسياً في هذي الصاله ومع ذلك احب الحديد
والحين مشتري برو كومبلكس وللحين ماستخدمته وكيف هو استخدامه اذا تعرفون عنه شيء
وهل يفي بالغرض لوحده او لازم يكون معاه اشياء ثانيه واذا كان معاه كيف اتجنب اضرارها وطريقة استخدامه كيف اذا سمحتوا والحاجه الاهم انا انسان ماعندي لياقه نهائياً لو حبيت اركض كل يوم مثلاً هل تؤثر علي زيادة الوزن لاني حابب ازيد وزني

واسمحوا لي على الاطاله وشاكر تعاونكمـ

واسئل الله لنا ولكم العافيه والتوفيق

اخوى عنوان موضوعك مخالف للقوانين اقرا القوانين الاول

العنوان تعدل مع شكري للجميع الحين دور اهل الخبره وين الحل جزاكم الله خير

تم تعديل العنوان يا ليت تراجع قوانين المنتدى لا هنت


اخوي البرو كومبلكس ممتاز لك ووزنك معقول

بالنسبة للتدريبك والبرو كومبلكس راح تزيد وزن عضل صافي

وطريقة استخدم البرو كومبلكس هو سكوبين بعد التمرين وسكوبين قبل النوم
وتشربهم مع الماء

وبالنسبة للميغا ماس فاشل جدا وبالنسبة للكرشة عندك موضوعي عن البطن والـ 6 باك تقدر تراجع وتشوف شلون تشيلها

بالتوفيق

لاهنت يابو راشد ولاخلا ولاعدم

بس ماقلت لي الركض بيأثر على زيادة الوزن

لان فيه ناس قالوا لي لو ركضت بتنحف زياده .؟

اي برو كومبلكس تبي تاخذ العادي ولا الجاينر؟ بالنسبة لطريقة مثل ماتفضل ابو راشد مرة قبل التمرين ومرة بعد وبإمكانك تضيف مرة الصبح. بالنسبة لسؤالك عن الاضافات يلزمك امينو وانا افضل سوبر امينو 4800 حق ديماتيز معروف هذا وفيه مكمل إضافي وهو الجلوتامين، وهذا ما يحتاج تشتريه اذا كنت راح تشري البرو كومبلكس العادي لانه فيه كمية كبيرة منه. اما الجاينر ما فيه جلوتامين فتضطر تشتري جلوتامين معه (لا تشيل همه رخيص ) تبي تقول لي وش الفرق بين البرو كومبلكس العادي والجاينر؟ البرو كومبلكس العادي 1 فات (ويزيدك عضل صافي) اما الجاينر فات وكارب والسيرفينق اظن فيه 650 كالوري يعني راح يزيدك فات وعضل. وتبي تقول الاحماض الامينية وشي هذي وحبوب واخاف منه وله اضرار؟ الاحماض هي نواتج هضم البروتينات(اي نوع من البروتينات) يعني بروتين مهضوم بالاحرى . وتعطيك صلابة وقوة وزيادة عضلية. وفيه نقطة مهمة وهي (ان المكملات ليست كافية لوحدها) يعني لا تهمل نظامك الغذائي وانت متزوج يعني ما لك عذر بتاتاً. وبالنسبة للركض:(لا تركض أبد) والله الموفق .

مرحبا ارنولد يعطيك العافيه ان شاء الله

بس ماقدرت اعرف نوعه اذا هو الجاينز والا العادي كيف اعرفه ..؟

هذا الجاينر:
Pro Complex Gainer
http://www.optimumnutrition.com/prod...ner-p-207.html

هذا العادي:
PRO COMPLEX
http://www.optimumnutrition.com/prod...lex-p-205.html

هذا الامينو (الاحماض الامينية):
http://www.online-sportvoeding.nl/im...ery/116-t9.jpg
هذا الجلوتامين :
http://www.dymatize.com/clientupload...tamine_500.jpg

طيب يا ارنولد يعطيك ربي الصحه والعافيه والجميع ان شاءالله

المعلومه وصلت مع شكري وتقديري

بس كيف طريقة اخذ الامينو هذا لان البرو كومبلكس اللي عندي العادي

ولك شكري وتقديري

4 قبل التمرين بساعة و4 بعد التمرين مباشرة هذي طريقتي يا أخي وفيه الي ياخذون 4 الصبح و 4 بعد التمرين كلن ومزاجه وموفق

طيب بالنسبه للحبوب انا بآخذ سكوبين من البرو كومبلكس بعد التمرين وانت تقول اخذ اربع قبل التمرين بساعه واربع بعدهـ طيب اخذهم مع بعض مافيه مشآآآكل ..؟
ومشكورين والسموحه على الاطاله،

انت سئلت عن الامينو وارنولد جاوب عليك وش دخل البرو كومبلكس الحين ؟؟

البرو كومبلكس سكوبين فقط في الجرعة الواحدة

انت سئلت عن الامينو وارنولد جاوب عليك وش دخل البرو كومبلكس الحين ؟؟

البرو كومبلكس سكوبين فقط في الجرعة الواحدة

مرحبا ابو راشد انت قلت سكوبين من ال البرو كومبلكس بعد التمرين وسكوبين قبل النوم واخونا ارنولد يقول اربع حبات قبل التمرين بساعه وبعد التمرين مباشره يعني سؤالي بعد التمرين راح آخذ سكوبين من البرو كومبلكس حسب كلامك والاربع حبات اللي المفروض تكون بعد التمرين حسب كلام ارنولد متى تكون في نفس وقت البروكومبلكس والا بينهم وقت هذا قصدي من السؤال

ومشكورين جزيل الشكر

وينكمــــــــــــــــــــ