استشارة ... الم اسفل الظهر + تخسيس

في البدايه تحيه طيبة للأعضاء المميزين في هالمنتدى المتميز ...

انا احس إني وجدت ضالتي عندكم اخيرا .. واريد ارائكم .. لا عدمناكم

_ انا عندي الام اسفل الظهر من 9 شهور تقريبا وبعد الأشعه قالو عندك انزلاق غضروفي :cray: لكن قالي الدكتور إذا سويت تقويه لعضلات الظهر ماراح تحتاج عمليه لأنه في ناس عنهم خمس فقرات فيها دسك ولأن عضلاتهم قويه ما يحسون بأي الم ولا يحتاجون عمليه ....

_الأمر الآخر انا وزني زايد واريد اني اخسس وبعد عناء طويل قالي احد الزملاء انه افضل شي انك تعلب حديد ، لأنه في ميزه إذا خفيت ماراح ترجع ، المشكله اني ما اقدر اسوي رياضه وريجيم بنفس الوقت ، وسمعت انه فيه حبوب تعطيك نشاط في التمرين .. مع اني مثل غيري نخاف من شغلت الحبوب .

_ الأمر الأخير أنا مسوي عمليه في الرباط الصليبي قبل 6 سنوات وبعد ما زاد وزني جاني الام في الركبه فالظاهر اني احتاج اقوي عظلات رجلي ...

علما ان وزني 94 وطولي 168
وعندي بعد مقاسات جسمي إذا كانت مهمه


انا عارف اني طولت عليكم ... بس الصراحه مع ها الإصابات وعمري صغير نويت اغير نظام حياتي الأكل والتمارين ... وحسيت ان هالمكان افضل مكان ابتدي منه ..



_

أخوي ماتشوف شر والله يكتب لك الشفا ان شاء الله وكل شي سهل بس حسب خبرتي المتواضعه افضل شي تستشير طبيبك المختص بالظهر وتسوي تحليل دم على الاملاح لانها انا مسببه لي مشاكل في الركبه وألام والظهر نسبتها مرتفعه عندي وبالنسبه للانزلاق الغضروفي اخوي في اتمنى صراحه انك تستشير الدكتور بخصوص التمارين الي تسويها لانه في تمارين ممكن تنفعك وفي تمارين تضرك ولله يبعد عنك وعنا كلنا والمسلمين الضرر وانا الي اعرفه بالانزلاق الغضروفي الي بالظهر الناس ان كانت بتنزل وزنها تمشي وسباحه لانها ماتأثر عليه والله يكتب لك الشفاء العاجل والصحه والعافيه طول العمر وسامحنا ان قصرنا حبيت افيدك بالي اعرفه وبالتوفيق

الله يعطيك العافيه يابو مهاا ...ومشكور على ردك ... الطبيب عطاني بعض التمارين واتبعتها في البيت ، لكن انا ابغى العب حديد منها اقوي عظلات الظهر ومنها اخسس ...

فياليت لو فيه احد الشباب يعطيني جدول يكون مناسب لي ... بالإضافه للحبوب المناسبه

اخوي الاصابات ما تنفع في رياضه كمال الاجسام الا بعد استشاره طبيب يعني اجباري يكون واحد يعرف حالتك ويكون معاك بالتمارين لو الطبيب نصحك بهالحديد !

ما نقدر نعطيك شي وانت بهالحاله ابدا نحن هنا نكتب على ما نقرأ فنفيد اللي يستفسر بنسبه 70% اما ال 30% فهي امور غائبة عنا لانها تحتاج للنظر

مثال نقول لواحد العب ظهر فقط وما ندري شنو الاوزان اللي يحملها واللي يتحملها ولا ندري هل طريقة لعبه صح ام خطأ لاننا نعطيه الصورة فقط وهو يطبق

بعدين اخوي انت تقول عمرك صغير ؟ يعني كم ؟ اذا اقل من 18 سنه لاتفكر باي مكملات او حبوب للتخسيس لانها مضره لك

موفق خير

اول نقولك طهور والف لا باس

انا سبق اصبت بتحرك بالغظروف والحمدلله لم يصل لدرجة الانزلاق لكن الطبيب منعني من حمل اي وزن ثقيل ناهيك عن ممارسة رياضة عنيفة مثل كمال الاجسام والاصابة اتت اثناء ممارستي لرياضة كمال الاجسام وتوقفت عن اللعبة لمدة تقريبا 7 شهور وبعد رحلة مع العلاج الطبيعي وتمارين التقوية لاسفل الظهر سمح لي الدكتور بالعودة لمزاولة اللعبة مع الحذر بالنسبة للتمارين اللتي تسبب ضغط على فقرات اسفل الظهر

انصحك بمراجعة اكثر من طبيب لاني وجدت اكثر من راي من اكثر من دكتور فهناك من قال انه انزلاق وهناك من قالي انه التهاب بالعضلات فقط واخر قال تمزق الى ان وصلت لدكتور ممتاز شخص الاصابة بتحرك بسيط بالغظروف واكد على تشخيصه طبيب ثاني واتكلت على الله وابتديت بالعلاج معه