عرض للطباعة
يا جماعه انا صارلي 3 سنين العب حديد بس مقطع .. وشبعت من المكملات الغذائيه من بروتينات وامينو وجلوتامين وكرياتين وما زدت الا 3 كيلو وال 3 سنين مقطع بس الحين متواصل 6 اشهر وما زدت الا كيلو ومع مكملات لانه انا عودي ضعيف ومع المكملات في اغلب الاحيانا يجيني عوار بطن ومعدتي صغيره ما اتحمل آكل وايد ... وانصحوني بدكه هولندي وقالولي الدكه الهولندي تاخذ معاها تيستانون هولندي بشري ... ابي اعرف له اضرار وشنو هالكورس لانه انا ما عمري تعاملت مع الدكات ... وياريت الافاده انتظر ردودكم:32:
طيب عمرك ووزنك وطولك يا عزيزي
عمري 21 ووزني 62 وطولي 172
نصيحتي الك ابتعد عنعهن راح تتندم بالاخير والله شاهد عليه خليك على المكملات لكن ضبطهن ومع اكل جيد راح تبني احسن
المنشطات الي راح تزودنك من يكمل الكورس راح ترجع نفس مابديت اولا
1. فشل كلوي
2. امراض الكبد
3 . العقم
واخيرا اخي ولله الصحه لاتقدر بثمن !!!!!!!!!!!
شاكرلك مرورك اخوي
اخوي 3 سنين تلعب ما زدت الا 3 كيلو
والان ست شهور متواصل ولا زدت شي وش ذا الكلام في غلط بموضوع تدريبك
ولا يحتاج هرمون
المفروض في اسبوعين تزيد دبل زيادتك الي ذكرتها
لازم تاكل حديد من دون اكل ما ينفع اللعبة 70 بالمية تغذية من دونة ما راح يزيد وزنك شد حيلك وكل 4-5 وجبات في اليوم علشان تشوف نتائج
وحاضرين لأي سؤال
بالتوفيق
مشكور اخوي ابو راشد ... بس انا سؤالي عن الدكه نفسها مو عن لعبي واكلي لانه بس ابي استفسر عن هالشغله اذا ممكن
هلا اخوي ,,
ترى انا مثل حالتك تقريبا وكنت مثل وزنك قبل 6 شهور لكن الفرق بالعمر
عندك الشباب هنا الله يعطيهم العافيه استشير منهم وهم ينصحونك مايقصرون ..
انا عن نفسي وحتى الان مااكل اكثر من 3 وجبات يوميا لاني اشوفها صعبه خصوصا اذا كان عندك عمل او دراسه
اهم شي بالزياده الجدوول <--- حط تحتها خط عريض
تاكل وجباتك الثلاث الرئيسيه وبينهم طبعا البروتين لانه مهم وركز على الاكل اللي فيه بروتين واجد
وغير كذا اذا رحت للنادي اول شي تبدا فيه العضلات الاساسيه " الفخذ والصدر والظهر "
وبعدين العضلات الاخرى كالبطن والكتف لأن الاساسيه هي اكبر عضلات بجسم الانسان
وخذ احماض ومصدر طاقه مثل الاكسبلود في ايام التمرين
هذا اللي اشوفه والله اعلم ..
انا الصراحة ماعرف عن الهرمونات شي لكن هي معروفة انها مضره لدرجة الوفاة احيانا "
نصيحة بدال ماتدفع فلوسك على هرمونات ادفعها على مكملات غذائية واكل احسنلك ونظم اوقات الاكل زي ماقالو لك
لان 3 سنين ماذت الاا كم كيلو صعبة شوي اكيد في شي غلط في تمرينك او تغذيتك
اخي الديكا توجد هلوندي بلجيكي وسوسري الثلاثه اصليه وممتازه ويمكن ايضا في شركات ثانيه
احذر الديكا تره اغلبهن مضروب لازم تتاكد وهذا شي ماتكدر تتاكد منه اله تستعمله وتشوف النتايج او اسال واحد مجرب ! بالنسبه للديكا وحده ماراح تعملك ولا شي لازم تعمل كورس يعني مثلا معاه تيستوستيرون و ممكن ايضا داينبول تركيز 5 مل
اخ سامي انت شوي تنصح الرجال بترك الهرمونات والحين تقول له في انواع زينه ارسى على بر يا رجل وقلنا وش رايك بالهرمونات واضرارها وماهي تجربتك الشخصيه؟؟؟