السيرياس ماس بنكهة الفراولة ..

السلام عليكم ورحمة الله وبركاته

طبعاً أمس اشتريت كيس السيرياس ماس على طعم الفراولة

اليوم الصبح فتحت الكيس .. حطيت مكيال واحد في الكاسة

وحطيت ماء وخلطته .. لحد ما داب المكمل بالماء

عاد صار وقت الشرب .. امم رفعت الكاسة بشربها :32:.. وأخ على الريحة هه :biggthump

ريحته فراولة على شي ما ادري شنو بصراحة ريحته خايسة هههـ :biggrin2:

الموهيم قبل لا اشربه ناديت اخوي الصغير قلت له اشرب شوي شوفه حلو

:D ويوم شربهـ وعلى طول قال لي الله يعينك ههه :boggled:

بعدين كان ولد اختي الصغير عمره ثلاث سنوات .. ناديته

وقلت له اشرب شوي هذا عصير .. وشرب شوي يمكن نقطة وحده :31:

وعلى طول ما ادري اشلون صارت عيونه :wow: هه :biggrin2: يعني مو حلو

اوووووف ما يصير اشتريته بـ ذاك السعر وما أستفيد منه :02:

عاد كل ما ابي اشربه اشم ريحته والله لا يورجيكم :boggled:.. عموماً حطيته وشربته انا مغمض :bigeyes:
و والله كنت راح اراجع أكثر من مرة وانا قاعد اشربه :ee2:.. معدتي بدأت تقلب :boggled:

بس الحمد لله قضيت عليه ووراه كاست ماااء :ponder:، والله يستر اليوم وقت التمرين :32:

اشلون بشربه هذا .. يلا يا أخوان الي عنده طريقة لشربه يقول لي

مع العلم هو على فراولة يعني .. ويسلمو }} :)

وعليكم السـلام ورحمة الله وبركاته ..
طويل العمـر .. انا عندي عقدة من نكهة الفانيلا .. اكثر من 3 سنين جربت ميقا ماس فانيلا والله لايراويك اسبوع وماقدر اشربه ..
نصيحتي كمجرب لاتغامر فالنكهات .. دائما توجه الى الشوكولا .. لانه الطعم الأفضل في نظرري
جربت البروكمبلكس بطعم الموز وتوقعت انه مب شي.. وربي انه رهيييب .. واعطاني الثقه اني اغامر في بروكمبلكس بنكهه ثانيه

الطريقة اللي اقترحها وممكن تساعدك .. حط (اوفالتين او نسكويك) يحطونه مع الحليب عشان يعطيه طعم الحلاوه
وافضل الاوفالتين .. واتمنى انه تساعدك هالطريقه ..
جرب حليب طازج مع اوفالتين وحط السيريس ماس ..
تحياتي
http://t3.gstatic.com/images?q=tbn:1...A9bec-2007.jpg والنسكويك معروف

اخلطه مع حليب راح يكون احلى
او حليب + موز + المكمل
عندك طرق كثيره يالغالي ....

مع العلم انا جربت وي بروتين بالفراوله بس طلع حلو واستعمله مع ماي بس
او ممكن انا من النوع الي ما يهتم بالطعم كثير !!!

اقتباس:

---

المشاركة الأصلية كتبت بواسطة Weld AD

وعليكم السـلام ورحمة الله وبركاته ..
طويل العمـر .. انا عندي عقدة من نكهة الفانيلا .. اكثر من 3 سنين جربت ميقا ماس فانيلا والله لايراويك اسبوع وماقدر اشربه ..
نصيحتي كمجرب لاتغامر فالنكهات .. دائما توجه الى الشوكولا .. لانه الطعم الأفضل في نظرري
جربت البروكمبلكس بطعم الموز وتوقعت انه مب شي.. وربي انه رهيييب .. واعطاني الثقه اني اغامر في بروكمبلكس بنكهه ثانيه

الطريقة اللي اقترحها وممكن تساعدك .. حط (اوفالتين او نسكويك) يحطونه مع الحليب عشان يعطيه طعم الحلاوه
وافضل الاوفالتين .. واتمنى انه تساعدك هالطريقه ..
جرب حليب طازج مع اوفالتين وحط السيريس ماس ..
تحياتي
http://t3.gstatic.com/images?q=tbn:1...A9bec-2007.jpg والنسكويك معروف

---

هلا أخوي ، أخوي انا عندي على الفراولة مو الفانيلا ..

والله شوف انا نفسك يوم اشتريت الشوكولاتة كان أول يوم شوي صعب

ولاكن تعودت عليه عادي .. ولاكن هذا طعمه وايد صعب

يعني ريحته قبل لا اشربه تجيب وجع الراس .. فـ شو تقول إذا اشربه

امس سألت واحد عندنا هذا بطل البحرين لكمال الأجسام .. قلت له احط حليب معه

قال لا ، لأن الحليب راح يثقله وايد .. وبعدين هذا على فراولة لو اخلطه مع الكاكو

راح يكون الطعم جهنمي هه .. أدعيلي اني امشي مع هالمكمل الي يجيب وجع الراس ..

}}

اقتباس:

---

المشاركة الأصلية كتبت بواسطة abood1190

اخلطه مع حليب راح يكون احلى
او حليب + موز + المكمل
عندك طرق كثيره يالغالي ....

مع العلم انا جربت وي بروتين بالفراوله بس طلع حلو واستعمله مع ماي بس
او ممكن انا من النوع الي ما يهتم بالطعم كثير !!!

---

حليب وموز وفراولة .. أحس ثقيل

أنا أبي شي يخفف طعم الفراولة .. يعني يخليني ما أحس بطعم الفراولة

هه عكسي تماماً .. أنا أهتم بالطعم كثييييير .}}

حط فيه 3 ملاعق ملح كبار
ههههههههههههههههه

شلون تبي ما تحس بطعمه

اسألني ياخوي عن الفانيلا والفراولة اخ

الله وكيلك ياخوي قلعت ضرسي من سبته هههههه لانه ما مشى معاي لوووووووول

على كل حال بما انك اخذته واصل عليه ترى اول يومين بس راح يكون صعب والله بعدها راح يكون عادي :)

يعني لا تقول ابي شي يخليني ما احس في طعمه

جرب اول يومين راح يكون صعب بعدها بيكون عادي جداً

هلا اخوي

بدل الماء حط حليب وراح تنحل مشكلتك !

اذا تشوف ان الحليب و الفراوله راح يكون ثقيل
اختار اي عصير فاكهة واخلطها مع الفراوله
او جرب هذي الطريقه خذ عصير فراوله جاهز واخلطه مع بودرة المكمل وشوف كيف راح يكون طعمه ..!!!

اشترلك عصير حليب بالشوكولا .. واخلطه وجرب .. وان شاء الله بتفيد .. لانه دايما الحلو يغطي على العيوب :)

اقتباس:

---

المشاركة الأصلية كتبت بواسطة Yousif Alsaqer

الموهيم قبل لا اشربه ناديت اخوي الصغير قلت له اشرب شوي شوفه حلو

:D ويوم شربهـ وعلى طول قال لي الله يعينك ههه :boggled:

بعدين كان ولد اختي الصغير عمره ثلاث سنوات .. ناديته

وقلت له اشرب شوي هذا عصير .. وشرب شوي يمكن نقطة وحده :31:

وعلى طول ما ادري اشلون صارت عيونه :wow: هه :biggrin2: يعني مو حلو

---

وعليكم السلام
اخوي انت تعرف ان المنتجات ذي اغلبها ماتصلح للي اقل من 18 سنه فمابالك.تجربها على الاطفال!!
لاتتهور مره ثانيه الله يحفظك :)
بخصوص الطعم الله يعينك في الايام الاولى وبعدين بتعتاد عليه


بالتوفيق

اقتباس:

---

المشاركة الأصلية كتبت بواسطة منادة الليل

حط فيه 3 ملاعق ملح كبار
ههههههههههههههههه

شلون تبي ما تحس بطعمه

اسألني ياخوي عن الفانيلا والفراولة اخ

الله وكيلك ياخوي قلعت ضرسي من سبته هههههه لانه ما مشى معاي لوووووووول

على كل حال بما انك اخذته واصل عليه ترى اول يومين بس راح يكون صعب والله بعدها راح يكون عادي :)

يعني لا تقول ابي شي يخليني ما احس في طعمه

جرب اول يومين راح يكون صعب بعدها بيكون عادي جداً

---

ههه والله جبتها .. احط ملح وفلفل .. يا عيني يطلع مو طبيعي

امم يالحبيب أول كاسة دوختني .. على فكرة الموز كان عندي شوي أهوون

هذا طعمه وريحته خلها على الله هه .. فراولة على ما بعرف شو

شي بيخلي الواحد ينفجر .. بس الزين الي فيه انك ما تحس انه ثقيل على المعده

عكس الشوكلاته .. احس انه ثقيل وايد على المعده

اي شو بدنا نعمل مطر أصبر هه هاليومين الي راح اختنق فيهم هه

ان شاء الله بتعود بس ادعيلي

اقتباس:

---

المشاركة الأصلية كتبت بواسطة فيصل 2003

هلا اخوي

بدل الماء حط حليب وراح تنحل مشكلتك !

---

هو الحل الوحيد الماء .. بس ما ادري خايف اجربه وبعدين اكرهه من قلبي

وأروح واتهووور وأرمي الكيس هه

اقتباس:

---

المشاركة الأصلية كتبت بواسطة abood1190

اذا تشوف ان الحليب و الفراوله راح يكون ثقيل
اختار اي عصير فاكهة واخلطها مع الفراوله
او جرب هذي الطريقه خذ عصير فراوله جاهز واخلطه مع بودرة المكمل وشوف كيف راح يكون طعمه ..!!!

---

اه يمكن بهذي الطريقة حلوة .. عندنا احنا عصير برتقال مركز

بس طعمه وايد حلو .. يمكن يضبط بجرب ان شاء الله

:}

اقتباس:

---

المشاركة الأصلية كتبت بواسطة Weld AD

اشترلك عصير حليب بالشوكولا .. واخلطه وجرب .. وان شاء الله بتفيد .. لانه دايما الحلو يغطي على العيوب :)

---

هه اي والله ..} بجرب ان شاء الله اكثر من طريقة .. والي تضبط راح اقولها لكم

}} بس ادعيلي ما اتهور وأرمي الكييييس :biggrin2: :32:

اقتباس:

---

المشاركة الأصلية كتبت بواسطة THE CAST

وعليكم السلام

اخوي انت تعرف ان المنتجات ذي اغلبها ماتصلح للي اقل من 18 سنه فمابالك.تجربها على الاطفال!!
لاتتهور مره ثانيه الله يحفظك :)
بخصوص الطعم الله يعينك في الايام الاولى وبعدين بتعتاد عليه

بالتوفيق

---

هـلا أخوي .. أي نعم .. لالا بس شي اقل من نقطة

بس أبي أجوف رده فعله ، لأن تعرف الطفل كل شي ياكل

فقلت ان شاء الله يقول حلو طعمه علشان يشجعني شوي

وبالنهاية هه :09: .. تسلم وما تقصر يالطيب .. على راسي مرورك