استفسار من الابطال بخصوص المكملات

السلام عليكم ورحمة الله وبركاته
اول شي انا سعيد بكوني معكم في المنتدى الاكثر من رائع
وهذي اول مشاركه لي في المنتدى وانشاء اله اكون عضو فعال بينكم
سؤالي انا لاعب من مده طويله تقريبا من 8 سنوات امارس لعبة كمال الاجسام
وهي رياضتي المفضله ولاكني لا اتمتع با الاستمراريه ادخل 3 اشهر وافصل فتره
وعلى هذا المنوال
واليوم صار لي شهر داخل على التدريب وفي راسي حب ما انطحن ههههههه
وناوي ادخل في عالم المكملات الغذائيه لاني من خلال تجربتي السابقه ما استفدت شي خلال رحلتي الطويله
المهم ما اطول عليكم
وزني 88
طولي 173
عمري 30 سنة
عندي عضل بس يحتاج صلابه وتقسيم
وحاب استخدم مكملات
واستشرت المدرب
ونصحني في استخدام ثلاث مكملات
كلين باترول 150ريال
امنيوفيول او امينيو نيول طبعا على شكل سائل مش متأكد من الاسم 350 ريال
جلوتامين 300ريال
طبعا اعطاني سعر مبالغ فيه بحككم اني عليمي هههههه:33:
قلت اسئل الابطال قبل لا اشتري او استخدم اي شي
سؤالي ياوحوش
هل هذا الكورس مفيد في ازالة الشحوم الزائده وبيعطي تقسيم للعضل
وبنفس الوقت هل يعطي باور عالي
انا الي محتاجه الي ذكرته عضل صلب وتقسيم وابي بور عالي في القيم
ايش تنصحوني وهل قيمة المكملات الي عند المدرب سعرها مبالغ فيه لاني احس انه بينصب علي
وياليت تدوني الاسعار عن المكملات ومن اي مكان موثوق اقدر اشتري
اذا كانت ارخص من سعر الي عند المدرب
والله يوفق االي يجاوبني وعنده خلفيه تامه لاني ماودي اضر نفسي في شي لم يجرب
ولكم مني جزيل الشكر
اخوكم ابو سعد

من جهة بتضر نفسك فانت بتضر نفسك

الافضل لك انك تبتعد عن الكلين باترول

وانت عندك دهون

خذ لك الوي بروتين

+

الليبو 6

+

امينو 4800

ولا تبعتد منهما وان شاء الله نشوفك معنا وتستمر في اللعبة ولا تقطع

تسلم اخوي ابو راشد على تفاعللك مع الموضوع
والله يكثر من امثاللك
انا عندي امينيو 2222
وعندي كرياتين مينو هيدرات حبوب من gnc
بس وقت استخدامه لاني احس اني ملخبط بينهم
يعني اخوي ابو راشد االي ذكرتهم انت الحين
يعطو الي انا طلبته تنشيف وعضل صافي وبنفس الوقت بور عالي
وياليت اخوي اسعارهم وافضل شي من هذي الانواع اذا سبق للك التجربه
وايش رايك في الي عندي اوقفهم والا اضيف عليهم شي
لان الامينيو 2222 صراحه عجبني بس الكرياتين ماعجبني ابد

وش نوع الامينو الي عندك تابز ولا كابسل

وكرياتين مونهيدرات راح يعطيك موية بجسمك لانة كرياتين بيور ما ينفع للتنشيف

دائما تفيد الجميع يابوراشد فلك الشكر ووافر التقدير الله يعطيك الصحه والعافيه

اخوي ابو راشد الله يبيض وجهك
با النسبه للاحماض الامينية الي عندي
هي الامعروفة 2222 على شكل كبسول
اخوي ابو راشد والله اني ضعت وضيعت بين المنتديات من كثرة
الاستشارات بس انا واثق فيك المهم يا الغلاء
انا ابي صلابه وتنشيف وبنفس الوقت ابي باور لاني لسى راجع للقيم
صار لي 15 يوم اتمرن وصار لي في اللعبه 8 سنوات وجسمي ماتغير ابد
اذا لعبت ضبط واذا تركت اللعبه فتره ينهد كل الي سويته
فلذلك ابي صلابه وابي جسم ثابت هذا حلمي
وفديتك ياةحش على تفاعللك والله لايحرمني منك ياوحش

السلام عليكم ورحمة الله وبركاته..

انا بفيدك بالسعر ولكن سعر دبي ما اعرف كم الفرق بينا وبينكم.. وانا صراحة اشتري البروتين مررررررررة رخيص وكل المكملات الغذائية بالنسبة للأسواق..

يعني انا اليوم اشتريت امينو 4800 الكبيرة 500 حبة ب 130 درهم.
والواي بروتين يا طويل العمر اشتريته ب 170 درهم اماراتي.
والليبو يا غالي اشتريته ب 150 درهم.

والبروكمبلس العادي اشتريته ب 180 درهم..
محد يقولي الجي ان سي احسن والنيوترشن.. المحلات العادية تبيع اكثر وتجدد منتجاتها على طول

الامينو والبروكمبلس اشتريتهم اليوم وببدأ فهم غدا ان شاءالله..

يعني لو زاد عليك ما تخليه يزيد عليك وايد.. بعدين نصيحة ما تشتري من النادي اشتري انت من رة لان هو جايب المكملات ليربح ويستفيد مو ليفيدك..

وكلام ابو راشد مزبوط احرق الدهون الي عندك وبعدين ابني عضل افضلك.. لو تاخد بروتين متل الكلين باترول فيه دهون بهالحالة انت تكتسب عضل مع دهون..

خد واي بروتين وليبو وامينو واشتغل صدقني قد ما كان عندك يروح وبسرعه حسب جهدك

بالتوفيق

حياك الله...

اقتباس:

---

المشاركة الأصلية كتبت بواسطة تـائب

السلام عليكم ورحمة الله وبركاته..

انا بفيدك بالسعر ولكن سعر دبي ما اعرف كم الفرق بينا وبينكم.. وانا صراحة اشتري البروتين مررررررررة رخيص وكل المكملات الغذائية بالنسبة للأسواق..

يعني انا اليوم اشتريت امينو 4800 الكبيرة 500 حبة ب 130 درهم.
والواي بروتين يا طويل العمر اشتريته ب 170 درهم اماراتي.
والليبو يا غالي اشتريته ب 150 درهم.

والبروكمبلس العادي اشتريته ب 180 درهم..
محد يقولي الجي ان سي احسن والنيوترشن.. المحلات العادية تبيع اكثر وتجدد منتجاتها على طول

الامينو والبروكمبلس اشتريتهم اليوم وببدأ فهم غدا ان شاءالله..

يعني لو زاد عليك ما تخليه يزيد عليك وايد.. بعدين نصيحة ما تشتري من النادي اشتري انت من رة لان هو جايب المكملات ليربح ويستفيد مو ليفيدك..

وكلام ابو راشد مزبوط احرق الدهون الي عندك وبعدين ابني عضل افضلك.. لو تاخد بروتين متل الكلين باترول فيه دهون بهالحالة انت تكتسب عضل مع دهون..

خد واي بروتين وليبو وامينو واشتغل صدقني قد ما كان عندك يروح وبسرعه حسب جهدك

بالتوفيق

حياك الله...

---

وعليكم السلام ورحمة الله وبركاته

اخوي دامك تعرف وين تييب الاسعار الزينه هذي ,, دلنا ع المكان الي تشتري حتى اانا بعد والاعضاء من الامارات يشترون منه :)

اخوك من بوظبي ,, يعني ساعتين بس لـ دبي :D

ان شاءالله اخوي بنزل موضوع بالعنوان على الخريطة..تكرم بس لازم تكون حذق بالبيع والشرى جادل يبوي جادل :)

يعطيك العافية


الله يعين كل ما اروح دبي اضيع فيها ههههههه

,,

والله الاسعار خيالية يابطل ,,

ابتعد عن الكلين باترول خدلك ليبو 6 بلاك بـ 300 ريال كأقصى سعر ,,
والجلوتامين من اقوى شركة on سعرها لا يتجاوز 170 ريال والعلبة تكفيك 3 شهور
و الوي بروتين بسعر 320 ريال تكفيك شهر ونص لـ شهرين حسب استخدامك ,,
والاحماض الامينية 2222 من شركة on تابلتس بسعر لا يتجاوز 160 ريال ,,

ابتعد عن الكرياتين رح يزيدك مويات ويضخم وانصحك تحبب قلبك للكارديو لان الكارديو رح يزبط جسمك طالما ان عندك اساس عضلي ,,

وبالتوفيق يابطل

ماشاءالله ما قصرو بوراشد وتوتو جده الله يحفظهم

يعطيكم العافيه

بالتوفيق يا صاحب الموضوع

abood1190
دامك في بوظبي .. روح الماريه مول .. ومحل اسمه فايتمن شوب الطابق الثاني اول ماتصعد الدرج .. يسار سييده وبتحصله :)
محله صغيرون وفالزاويهـ .. وبيعطيك اسعار حلوهـ .. بس انته حاول معاهـ قبل .. لانه مايعرفك

انا اخر مره اشترت امينوا 4800 300 حبه .. بـ 130 درهم ..
واشترت سيريوس ماس الحجم الكبير 5 كيلو اظن من مركز زايد .. محل اتعامل وياه بعد .. عطاني بـ 200

تـائب .. انته سعرك وايد اوووكيه .. انا كل ويكند في دبي .. :) وين هالمحل يطولي بعمرك

اقتباس:

---

المشاركة الأصلية كتبت بواسطة Weld AD

abood1190
دامك في بوظبي .. روح الماريه مول .. ومحل اسمه فايتمن شوب الطابق الثاني اول ماتصعد الدرج .. يسار سييده وبتحصله :)
محله صغيرون وفالزاويهـ .. وبيعطيك اسعار حلوهـ .. بس انته حاول معاهـ قبل .. لانه مايعرفك

انا اخر مره اشترت امينوا 4800 300 حبه .. بـ 130 درهم ..
واشترت سيريوس ماس الحجم الكبير 5 كيلو اظن من مركز زايد .. محل اتعامل وياه بعد .. عطاني بـ 200

تـائب .. انته سعرك وايد اوووكيه .. انا كل ويكند في دبي .. :) وين هالمحل يطولي بعمرك

---

يعطيك العافيه ولد بوظبي ... ان شاء الله اذا فضيت بسير الماريه بشوف اسعاره
و في محل صراحه رووووووووعه مشكلته ما اقدر اوصف مكانه بالضبط والسبب انه في النادي السياحي - ومنطقه النادي السياحي تعرفها كيف الحين كل شوارعها تصليحات
اسم المحل فتنس شي ( مب مذكر :D )
اشتريت منه امينو2222 بــ 110 درهم
راعي المحل عربي فلسطيني

وننتظر تـــائب مووضعه وخرائطه :)

ولد بو ظبي و عبووود

بعد الاسعار عندي ارخص,, ما ابغى نتكلم بموضوع مختلف على شان ما يعطون مخالفة.

ولد بو ظبي السيرياس ماس الكيس الكبير ب 160 شد ليه ب 150.. انا ما استخدمهم ولكن حب استطلاع واي واحد كنت ادله على المكان ومو بس مكان ولكن بدلكم على اقرب مكان...

الامينو 2222 ب 100
الامينو 4800 ب 90 درهم شد عليه بتاخده ب 80 :)
الواي بروتين ب 170 د
انتظروا الموضوع ان شاءالله بعد صلاة الجمعة بنزل الموضوع.. مع العنوان.. وانا برفق الاسعار على شان ما يضحك عليكم ... بالنهاية انت وشطارتك يا بطل..

بس صراحة اسعار السعودية ناااااااااار جدا الله يكون بعونكم.