يوميـات صنهـــات

يوميات صنهات


بسم الله الرحمن الرحيم
السلام عليكم ورحمة الله وبركاته ......... اما بعد
انا اول مرة اشارك هنا ويا ليت تقبلوني صديق عندكم (مسوي فيها اخلاق)
المهم انا حبيت اشارك مشاركة بسيطة ويا ليت تعجبكم ........
وعلى فكرة : ترى من دون تشجيعكم ما راح استمر.........

(يوميات صنهات) الحلقة الاولى

كان صنهات طالب مثالي في الديرة ويحب المدرسة لدرجة انه ما يحضر في الشهر الا يومين وكان صنهات مشهور بعمامته البرتقاليه طبعا اللي وارثها
من جده وكان شاب وسيم بس فيه شوية عيب مع انه ما يعيبه واجد بس كان الوح صنهات اكمل الدراسة المتوسطة وقالوا اهل الديرة لازم نرسله برى عشان يدرس الثانوية ( على بالهم ماخذ دكتوراه ) وقالوا ما فيه الا واحد يذكرونه في المدينة جاهم قبل تسع سنين وما يكلمهم ابد ( نشبات صح )
وجاء يوم الوداع يوم وداع صنهات وكان مجهز شناطه قبل السفر بأسبوع
(اول مرة يسافر ) المهم اهل الديرة كلهم قامو يودعونه اخخخخخخخ لو تشوفون الموقف كله دموووع وصياااح لدرجة ان تيس صنهات قام يغني وداااعيه (عنده ثلاث تيوس ودجاجتين ) كان الموقف صعب مررة
ورااااااح صنهات على النقل الجماعي (اكيد عشانه طفران ) ويوم وصل
صنهات استقبله ولد عمه اللي في المدينة والرجال شخصية وكشخة ومنحرج من الناااس يشوفونه يوم ياخذ صنهات سلم عليه وقال يالله اركب السيارة قال صنهات : علي الحرام ما يسوقها الا انا ( مسوي فيها يمون ) الرجال استحى وخلاه يسوق والله لا يوريكم ذاك اليوم سوى البلاوي (جيمس بوند على غلفة)
وابلش الرجال قال اول شيء ابي اصلي في الحرم الرجال قال خله انشاء الله العصر (الساعه الحين 2 الظهر ) صنهات الله يهديه ملزم يصلي الظهر وخلاه يصلي ومن يوم دخل الحرم وهو راااااسه فوووق الظاهر انكسرت رقبته يطااالع في الرخام الي فوق لا والاخس من ذلك انه طلع نبيطته من جيبه وقام
ينبط الحمام الحرمي (حمام يعيش في الحرم ) وسوى الفضايح ..........
المهم صنهات يوم دخل فيلا ولد عمه انهبل يوم شافها ويسميها قصر (مع انها شقه بسيطة ) وكان ابوه قبل لا يمشي موصيه من شيء اسمه خدامات
وطوالي قال للرجال عندكم خدامه ؟؟ (تراه ما يدري وش الخدامه )
قال الرجال ايه .. .. ليه؟؟ قال صنهات غريبة ما اكلتكم الخدامه ابوي يقول انتبه منها تراها تاكل الناااس ..... قال الرجال يا ولد استح ورح ارقد بس..
صنهات لقط وجه وراح يدربي راسه للملحق (لقى المكان اللي يصلح له )
اليوم الثاني راحو للمدرسة يبون يقدمون والغريب ان ملف صنهات مو زي الملفات الثانية ملفه لونه اصفر من الشمس ومع كذا رافض يعطيه احد حتى ولد عمه يقول بقراه ويقوله لالالا ...... المهم راحو للمدرسة واول ما دخل المدرسة لقى طالب مو لابس شماغ قام صنهات معصب ويقول للطالب ورى ما تلبس شماغ وانت رجال ؟؟؟ الطالب قام يضحك وقال له : هيا دردح يا جلف (دردح في المدينة يعني اقلب وجهك ) صنهات تحطم من هالكلمه
وما رقد ذاك اليوم نفسه يعرف وش معناها ......
++++++++++++++++++++++++++++++++++++++
(لانطول عليكم نكمل يوميات صنهات في الحلقة القادمه )
لا تفوتكم الحلقة القادمة صنهات في المدرسة والمشاكل اللي يسويها.......
والى اللقاء:D :D :D

http://naif1.jeeran.com/majeed2.jpg