اريد نصاائح بخصوص البروتين

السلام عليكم ورحمة الله وبركاته

قبل كل شي احب اشكر القائمين على المنتدى للتميز والابداع
وبصراحه صار المنتدى مرجع لي في الامور الخاصه بالحديد واللياقه البدنية

عشان كذا عندي كم سوؤال اتمنى ان احد يجيبني عليها


اولا انا لي اربعه شهور العب حديد وجسمي اصبح مقبول يعني صار عندي بروز في اماكن كثيره وطبعا ما اخذ بروتين او اي نوع من المكملات بس فيه معلومه قريته من يوم ما بديت الحديد هو انك لازم بعد التمرين لابد تاكل وجبه غنيه من البروتينات خلال 45 دقيقه ومن يومها وانا اطلع من النادي وعلى طول حبه تونا بس صار الوضع ممل لاني انا دخاخل على الشهر الخامس ,, عشان كذا كتبت موضوع في المنتدى قبل كم شهر اطلب من الاخوان يعطوني بروتين استخدم بعد التمرين ونصحوني الشباب ب Why Protein او Pro Complex العادي ,, للمعلومه انا ما ابحث عن الضخامه الزائده انا ابي جمسي مقسم وفيه بروز واضح ....

لذا انا قررت اشتري واحد من المنتجين هذولي بس عندي بعض الاستفسارت

1- وش الفرق بين Why Protein و Pro Complex و ايهم افضل ؟

2- كنت اقرء في المنتدى ان المكملات تسبب ترسبات في الكبد فهل احد هذه المنتجات يفعل ذلك Why Protein و Pro Complex ؟

3- كيف اعرف الكميه المناسبة لي ؟

والف شكر مقدماً وانشاء الله ما اكون طولت عليكم ,, والرجاء من الاخوان ابي اهل الخبره هم اللي يردون ولا يهونون الباقين :)

هلا فيك يالغالي

ياريت لو تذكر لنا طولك ووزنك علشان نقدر نعطيك اكثر الي يفيدك عزيزي

وهذي اجابات الاسئلة

1-الاختلاف في كمية البروتين .. البروكومبلكس =بروتين 60 والسعرات الحرارية =270 ,والواي =24 والسعرات الحرارية=130 بالاضافة الى الاحماض الامينية
وهذي المكملين للعضل الصافي ولكن ما راح تشوف النتايج الا بعد ما تكمل علبتين الى 3 :)

2- لا عزيزي مالها اثر على الكبد .... ولكن لا ننسى انه يكون الاستخدام صحيح بما يحتاجه الجسم وغير هذا لا تنسى الماء كثرته فيها صحة وحفاظ ...

3- هذا تعرفه من طولك عزيزي ...... وفي موقع ايضاً يعطيك الكمية الي يحتاج لها جسمك من تغذية علشان جذي قلت لك اذكر طولك ووزنك :)

بالتوفيق عزيزي

الطول 184
والوزن 70

كلام الكابتن منادة صحيح واحب اضيف بالنسبه لسؤالك عن اثاره على الكبد فلم نسبق وسمعنا بها في الاولين لكن احتياطاً وكما يعمل كثير من الشباب استعمل منظف للكبد وهو عباره عن مستحضر طبيعي اسمه لايف 12 ابحث عنه في المنتدى وتجد عنه الكثير


تحياتي

liv 52 هاي منظف الترسبات

إضافة لشرح اخوي منادة

البروك كومبلكس يتكون من انواع كثيره من البروتين لكن اهمها ثلاث انواع ( بروتين الجبن او ما يسمى الواي و بروتين البيض والثالث بروتين الحليب او ما يسمى بالكازين )

طبعاً فترة امتصاص العضله لهذا لبروتين هو الفرق ..

الواي العادي ( القولد ستاندرد ) يمتصه الجسم على طول .. وهذا ينصح فيه بعد التمرين ..

البروكمبلس بما انه مكون من 3 انواع هذا يا طويل العمر يمتص الجسم منه بروتين الواي خلال ساعه وبروتين البيض خلال 3 الى 4 ساعات ويمتص اخيراً بروتين الحليب خلال 6 ساعات ..

فأنصحك أنا في البروكملبكس تآخذه بعد التمرين على طول سكوب حالياً وبعد فتره تخليها سكوبين .. وقبل النوم ( ضروري جداً ) سكوب لأن مرحلة بناء العضله من جديد يتم في حالة النوم وتحتاج بروتين في هذا الوقت في الدم ..