عندي مشكلة في الدهون في جسمي اتمنى اجد الحل

السلام عليكم

أنا جديد بالمنتدى وهي أول مشاركة الي بعد ما شفت أنو المنتدى يحوي خبراء وعالي المستوى ومنتدى ناجح باذن الله

أنا عمري 22 سنة طولي 183 وزني 87
عندي كتلة عضلية لا بأس بها يعني ماني نحيف وماني صاحب كرش
المشكلة هيي أنو عندي شوية دهون على الخواصر لا تزيد عن 2 كيلو تقريبا
وبدي نشف وأظهر المعدة
بالاضافة أنو ضخم الكتلة العلوية من جسمي الي هيي الصدر والأكتاف واليدين بنفس الوقت
برنامجي هوي التالي
بفيق الصبح باخد 3 حبات ليبو 6 بلاك عالريق
بعد نصف ساعة بفطر 4 بيضات بلا صفار مع معلقتين لبنة بلا دسم مع مع 3 ملاعق شوفان مع كوب حليب كبير خالي الدسم
بعد الافضار فورا بشرب ملعقة خل التفاح
بعد 3 ساعات باخد سكوب بروتين بروكومبليكس
بعد 3 ساعات بتغدا اما شيش مشوي أو ستييك لحم أو رز مسلوق أو بطاطا مسلوقة أو معكرونة مسلوقة بدون أي زيادات أو ملح أو توابل
بعد الغدا مباشرة ملعقة خل تفاح
بعد 3 ساعات بشرب سكوب بروتين بروكومبليكس مع 3 حبات ليبو 6 بلاك مع ملعقة صغيرة ممسوحة كرياتين مونوهيدرات من نيوترشن
بعد ذلك بربع ساعة بروح بركض لمدة 20 دقيقة بعدين بفوت النادي وببلش العب تمرينات معدة فورا مع خواصر
بلعب 150 تمرين علوي +150 تمرين معدة سفلي + 1000 تمرين خواصر متقطعة
بخلص تمرين المعدة تقريبا خلال 35 دقيقة أو 45 دقيقة
بعد ذلك ببلش بتمريني اليومي يلي هوي عضلتين كل يوم
بعد النادي بطلع بركض لمدة 5 دقائق
بعد ذلك باخد سكوبين بروتين بروكومبليكس مع ملعقة ممسوحة كرياتين مونوهيدرات
بعد الحمام باخد علبتين تونة أو علبتين فول أو علبة تونة مع علبة فول للعشاء بدون اي اضافات
بعد العشاء مباشرة باخد ملعقة خل التفاح
ثم سكوب بروتين بروكومبليكس قبل النوم


هذا هو يومي
بدي أعرف شو الشي الغلط يلي عم اشتغلو وشو فيني أعمل شي تاني بلا ما ألجأ للهرمونات لحتى زيد الكتلة العضلية بمقدر أكثر من 10 كيلو خلال شهرين وأظهر عضلات المعدة وأتخلص من كل الدهون الزائدة
أنا ما عندي مشكلة مهما كان النظام قاسي بس المهم أطلع بنتيجة سريعة وماني ناوي أترك اللعبة رح أستمر بس منشان لحق الصيف بجسم أجمل شوي


شكرا كتير كتير وأتمنى لاقي المساعدة والفائدة

موضوعك مخالف اقراء قوانين القسم ولحق عدل اسم الموضوع قبل ماينغلق وبعدين نرد عليك

اخويعنوانك ضروري جدا جدا وما ادري حسبنا فيك شي ؟؟!


راجع القوانين يا كابتن

تم تعديل العنوان هذا المرة

بعتذر أخواني عالخطأ وانشالله ما بيتكرر
لكن كتبت العنوان هكذا لأنو ما عم لاقي حلول
ومتل ما ذكرت أنو هي أول مشاركة الي لهيك أعذروني

يا جماعة الخير صارو 32 مشاهدة
أرجو الرد والمساعدة

??????????????????????????????????????

لا جدول حلو بس فيه كم ملاحظة :

- كمية البروتين كثيرة جدا جداً !!
نصيحة : الغي السكوب الي بعد الافطار بــ 3 ساعات
خل السكوب الي قبل التمرين
و سكوب واحد بعد التمرين
و سكوب قبل لا تنام !!

* انت من الغذاء تاخذ كمية بروتين عالية من التونة و و اللحم و البيض و غيرها و تاخذ من المكمل كمية عالية جدا جدا و الكمية العالية ماراح تنفعك و ستتحول دهون *

- الليبو 6 بلاك ؟؟!!!!!
6 حبات في اليوم ؟؟!!
نصيحة : حبتين الصبح قبل الفطور بنصف ساعة و حبتين قبل الغداء بنصف ساعة
*
الـ 6 حبات في اليوم فيها نسبة كافيين عالية جدا جدا !! و راح تضرك لا تعتقد انك اذا زودت الجرعة راح تضعف لو السالفة بهذه الشكل كان خذيت العلبة كلها بيوم واحد و ضعفت في يوم واحد ...

- الكرياتين ما ينفع وقت التنشيف !!
نصيحة : الغي الكرياتين و استبدله بجلوتامين !! <<< ضروري

* الكرياتين و خاصة المونوهيدريت يحبس الماء في الجسم و يستخدمه الأغلبية في وقت الضخامة و هو يتعارض مع الليبو6 بلاك لانه ينشف الجسم من الماء *
و الجلوتامين ضروري جداً وقت التنشيف لانه يحافظ على العضلات من الانهيار *



" هذه نصائح ضرورية يجب انك تلتزم فيها و لا يعبر عن رأي شخصي "





بالتوفيق

مثل ما قال الاخ اللي قبلي .. كمية البروتين عالية عندك و ما تاخد كرياتين في التنشيف...

حاول تغير الجدول و لا تلعب كل يوم بطن .. يعني خلي يوم بطن و يوم ركض و خليهم بعد التمرين احسن..

هذا رأيي ...

شكرا كتير شباب رح أعمل بالنصيحة أكيد
بس عندي كم سؤال بعد أذنكون
هل الفول عالعشاء كويس أو أبقى على التونة وحدها على العشاء
الغلوماتين شو هيي فوائده لأنو ما عندي معلومات عنو أبدا
هل يساعد الغلوماتين على أظهار العروق والشرايين مثل الكرياتين
الموضوع الصعب عندي أنو أنا أريد أن أنشف منطقة الخصر والمعدة وأضخم اليدين والأكتاف والصدر بنفس الوقت
بعرف أنو هالشي صعب جدا لكن ممكن
هل البرنامج صالح لعمل هذا الشيئ
وااذا في أي زيادات أو تمرينات مساعدة أرجو المساعدة
شكرا كتير شباب :]

عامه في فتره الضخامه لو تاخذ اللبو 6 ولاتكثر شغلات ثانيه من تبدي تخس ارجع ضخم وخذ الي تبي عموما الامينو 2222 راح يفيدك والكرياتين افضل بعد التخسيس

الجلوتامين

http://www.montada.com/showthread.php?t=647855

شكرا كتير أخي سامي
لكن ما لقيت جواب لسؤالي في الموضوع
هل الغلوماتين يساهم في بروز العروق والشرايين مثل الكرياتين؟؟

^^^^^^^^^

لا

اقتباس:

---

المشاركة الأصلية كتبت بواسطة bassel z bassel

شكرا كتير شباب رح أعمل بالنصيحة أكيد
بس عندي كم سؤال بعد أذنكون
هل الفول عالعشاء كويس أو أبقى على التونة وحدها على العشاء
الغلوماتين شو هيي فوائده لأنو ما عندي معلومات عنو أبدا
هل يساعد الغلوماتين على أظهار العروق والشرايين مثل الكرياتين
الموضوع الصعب عندي أنو أنا أريد أن أنشف منطقة الخصر والمعدة وأضخم اليدين والأكتاف والصدر بنفس الوقت
بعرف أنو هالشي صعب جدا لكن ممكن
هل البرنامج صالح لعمل هذا الشيئ
وااذا في أي زيادات أو تمرينات مساعدة أرجو المساعدة
شكرا كتير شباب :]

---

البرنامج جيد لعمل هذا الشيء مع النصائح الي عطيتك ياها
و يا كابتن انا ذكرت لك الجلوتامين على اساس انه لا تحرق العضلات وقت التنشيف ,,
و ماله دخل بالشرايين و العروق

و في عندك أنظمة للتنشيف في المواضيع المميزة ...

بالتوفيق