حاب اخذ رايكم يا وحوش في جدولي الغذائي والرياضي وعندي سؤال؟

السلام عليكم


والله يا شباب مع الحديد حماااااااس للامانه النادي صار لازم اروحه لو ايش صار وحبيت استشيركم في جدولي الي ماشي عليه لي الان اسبوعين.

اولا انا هدفي تنشيف الجسم لانه مليان دهون بصراحه خصوص منطقة البطن والجوانب والصدر مع الافخاذ فاستشرت الاخوان هنا وما قصروا الله يجزاهم الف خير.

الوزن: 85 قبل اسبوعين حاليا لم اقس وزني
الطول:165
العمر:25

اولا المكملات الي بستخدمها:

1- الليبو 6
2- الامينو 2222
3-بروتين البيض

طريقة الغداء يوميا كالتالي:

اصحى الصباح الساعه 6و نص حبتين ليبو 6 على الريق بعدها بنص ساعه سكوب بروتين مع حبه موز.

وبعدها بساعه ونصف الساعه 8 ونص اخذ 3 حبات ايمنو 2222 وبعدها بنص ساعه اكل تونه حجم الصغير واحط معاها اربع معالق شوفان ومعاه شطه.

وبعدين الساعه 2 ونص او 3 اخذ حبتين ليبو 6 معاها سكوب بروتين وبعد نص ساعه اشد على التمرين.

وارجع بعد ساعتين ونص او 3 تقريبا على 6 وربع المغرب وانا خارج من النادي اشرب عصير برتقال طازه بدون سكر واشتري لي صحن مشاوي مشكل مع سلطة ارجع البيت اكل 3 حبات امينو222 وبعد نص ساعه اكل المشاوي مع السلطة.
( بعض الاحيان وجبة المشاوي تكون سلكه مع لبن زبادي خالي الدسم)

وبعدين قبل ما انام تقريبا على الساعه 11 اكل 3 حبات امينو مع اسكوب بروتين وانام وهكذا

التمرين كالتالي:
طبعا قبل ما ادخل حديد اروح السير نص ساعه وبعدين العب عصا جانبي اسوي عدد 500 عده
وبعدين ادخل بطن 100 عدة للبطن السفلى والوسطى والعلوية يعني المجموع 300 عده

اليوم الاول:
صدر وباي \ التكرارات 25 عدة و تكون اربع مجموعات بحيث يكون المجموع 100 لكل تمرين

ثاني يوم :
ظهر وتراي \ التكرارات 25 عدة و تكون اربع مجموعات بحيث يكون المجموع 100 لكل تمرين

ثالث يوم:
راحة

رابع يوم:
اكتاف ورقبة وسواعد \ التكرارات 25 عدة و تكون اربع مجموعات بحيث يكون المجموع 100 لكل تمرين

خامس يوم:
ارجل وبطات\ التكرارات 25 عدة و تكون اربع مجموعات بحيث يكون المجموع 100 لكل تمرين

اليوم السادس:
اعيد صدر و باي\ التكرارات 25 عدة و تكون اربع مجموعات بحيث يكون المجموع 100 لكل تمرين
اليوم السابع :

راحة

وبعدها اليوم الثامن اكمل بعد اخر شيء وقفت فيه يعني ابداء الاسبوع بالظهر والتراي وهكذا

زيما قلت لكم هدفي تنشيف خصوصا المناطق الي بيها دهون

سؤال بسيط:للاحبة متى أعرف اني بديت انشف وامشي في الطريق الصحيح هل نزول الوزن معناته اني في الطريق السليم الان ليه اسبوعين وكم المدة المتوقعه حتى انشف مزبوط.

شاكر لكم :)

شوف أخوي إذا تبي تعرف أنك تنشف صح .. لازم على الأقل تلعب تنشيف شهر
وتشوف النتيجة إذا في تغير وتحول من الدهون إلا العضل فـ يعني أنك ماشي تمام
وهو بالنسبة للوزن فـ مدام تاخذ بروتين وأمينو فـ أنتَ قاعد تبني عضل وتحرق الدهون
يعني عملية تحويل وبناء .. واصل جدولك خطير والله 25 ما شاء الله عليك
بس عاد الله الله بالأوزان حتى لو صار التكرار 10 / 10 / 10 / 10 / 10 احسن
كل ما كان الأوزان ثقيلة تشوف تحول حلو .. :! موفق

برنامجك حلو لكن تكراراتك كثيره !

لكن في غذائك دائما اعتمد على بروتين طبيعي وليس من المكملات يعني تقريبا اكلك وجبتين اساسيه والباقي مكملات ! حاول تكثر نسبة البروتينات اكثر الطبيعيه

تمارين الكارديو عامه لازم تلعبه البايسكل والحبل الدرج والخ وليس فقط جري

والبطن قسمهن على مدار الاسبوع وليس كل يوم دفعه واحد مره سفلي ومره جانبي وهكذا

متى تعرف تنشف من تلاحض فرق نزول الدهون في جسمك يعني قيس نسبة الدهون حتى تعرف متى توصل الوزن المثالي وبلتوفيق

اقتباس:

---

المشاركة الأصلية كتبت بواسطة Yousif Alsaqer

شوف أخوي إذا تبي تعرف أنك تنشف صح .. لازم على الأقل تلعب تنشيف شهر

وتشوف النتيجة إذا في تغير وتحول من الدهون إلا العضل فـ يعني أنك ماشي تمام
وهو بالنسبة للوزن فـ مدام تاخذ بروتين وأمينو فـ أنتَ قاعد تبني عضل وتحرق الدهون
يعني عملية تحويل وبناء .. واصل جدولك خطير والله 25 ما شاء الله عليك
بس عاد الله الله بالأوزان حتى لو صار التكرار 10 / 10 / 10 / 10 / 10 احسن

كل ما كان الأوزان ثقيلة تشوف تحول حلو .. :! موفق

---

هلا اخوي يوسف شاكر لك مرورك يا غالي انا بصراحه اشيل 20 باوند وبعد مشاورات مع الاخوان هنا وبالنادي كلهم اجمعو انو الوزن يكون خفيف والعدات كثيرة حتى احرق الدهون
شاكر لك يا وحش :)

اقتباس:

---

المشاركة الأصلية كتبت بواسطة sami1989

برنامجك حلو لكن تكراراتك كثيره !

لكن في غذائك دائما اعتمد على بروتين طبيعي وليس من المكملات يعني تقريبا اكلك وجبتين اساسيه والباقي مكملات ! حاول تكثر نسبة البروتينات اكثر الطبيعيه

تمارين الكارديو عامه لازم تلعبه البايسكل والحبل الدرج والخ وليس فقط جري

والبطن قسمهن على مدار الاسبوع وليس كل يوم دفعه واحد مره سفلي ومره جانبي وهكذا

متى تعرف تنشف من تلاحض فرق نزول الدهون في جسمك يعني قيس نسبة الدهون حتى تعرف متى توصل الوزن المثالي وبلتوفيق

---

هلا والله سامي نورت الموضوع يا غالي بخصوص العدات والله الاغلب اتفق على هذا الامر عشان كذا انا ماشي على كلام الكباتن وبخصوص الغداء والله يا خوي عزابي وانا اخوك مافيه اسوي صدر دجاج ومدري وشو صراحه صعبه لكن بحاول بس وش ممكن فيه وجبات تكون غنية بالبروتين وتكون اكل طبيعي وان شاءا لله بقيس نسبة الدهون عندي واتمنى من ربي انو ييسرلي ويساعدني شاكر لك يا وحش مشاركتك موضوعي

تعرف يالغـالي .. كتبت لك رد حلو وطويل .. :) وللأسف علق النت ..

في وجهة نظري وباختصار .. اشوف انك تبدأ تخفف وزنك وتنشف .. وبعدين تبدأ بالحديد أفضل.. حتى تحس فالفرق .. وبعدها ابدأ بالحديد .. وشد وضخم الجسم

يعني الحينه .. خلك عالكاارديو .. لين ماتنزل الوزن وتخفف الدهن صوب البطن والأرداف ..

وبعدها تبدأ حديد جامد .. وتضخيم ..


تقبل مروري .. وخذلك لفه على المواضيع المميزه .. وبتلقى معلومات بتفيدك أكثر

اقتباس:

---

المشاركة الأصلية كتبت بواسطة Weld AD

تعرف يالغـالي .. كتبت لك رد حلو وطويل .. :) وللأسف علق النت ..

في وجهة نظري وباختصار .. اشوف انك تبدأ تخفف وزنك وتنشف .. وبعدين تبدأ بالحديد أفضل.. حتى تحس فالفرق .. وبعدها ابدأ بالحديد .. وشد وضخم الجسم

يعني الحينه .. خلك عالكاارديو .. لين ماتنزل الوزن وتخفف الدهن صوب البطن والأرداف ..

وبعدها تبدأ حديد جامد .. وتضخيم ..

تقبل مروري .. وخذلك لفه على المواضيع المميزه .. وبتلقى معلومات بتفيدك أكثر

---

هلا اخوي والله خسينا من 116 الى 73 وبعدين لعبت حديد الين وصل وزني 77 لمدة سنة وبعدين اصبت في الركبة وزاد وزني الى 85 ولا رضي يطلع ولا ينزل والان حاب انشف عشان كذا دخلت حديد مع العلم اني قعدت تقريبا 7 اشهر سويدي وما نزل وزني بس حسيت انو نفس الوزن بس الجسم شد خلالها شاكر لك ردك ونصيحتك يا وحش

UP وين الشباب