مآهي العضله الأسرع نمواً وبروزاً ومآهي الأبطئ ؟ ( نقأش

.
.
.


السـلآأإم عليكم !

خلال الشهرين - 3 شهور الي طأإفوا في النادي
لآحظت اختلاف كبير في عضلات الصدر خلال كل
اسبوع امرنها احس ان العضله بدأت تنمو وتبرز
مع الوقت وهي اسرع عضله لاحضت فيها التغير
في جسمي !

لكن تبقى عضلات البآي والترآي هي الابطئ بنظري
رغم انه في تحولات بسيطه لكن مو بالمستوى
المطلوب او الي اتمناه !

يأتآر هل توافقوني الرآي ؟ وايش السبب ؟
وكيف اكسب عضلات اقوى ونمو اسرع !؟

وشكراً


.
.
.

على حسب الجينات في ناس عندهم عضلات افضل وابرز للجزء العلوي (صدر واكتاف) من عضلات السفلية (افخاذ و بطات) وفي العكس

انا عندي التراي والباي والظهر والاكتاف كبرت بشكل حلو ومقسمة مع شوية ضخامة لهم لأني نحيف بس عندي عضلة الصدر مرة بطيئة مع اني بحمل اوزان كويسة صدر بس مابحس انو صدري بيفرق لما العب وبحسه لسا زي ماهو

انا عكسك صدري ما اشووفه فيه تقدم ملحووظ حييل بس لكن بطيئة عندي اما الباي اهوو احسن عظلة عندي بسرعة تغير ماشاءلله

وعليكم السلام
ياعزيزي كل جسم فيه عضله بازه فيه حتى لو مالعب حديد هذآ من خلقة الله سبحانه يعني من كل شخص لشخص يختلف
مثال
انا الاكتاف معليهم كلام والباقي مع تمرين تحسنو


وبنسبه حق العضله الي ماتنمو بسرعه اعرف انك انت ضاقط عليه في التمرين يعني لازم تريحها طبعن كل لنا نعرف ان العضله ماتكبر اثناء التمرين تكبر اثناء الراحه
وتقبل المرور اخي الكريم
وشكرأ

وعليكم السـلام ورحمة الله وبركاته ..

نعم طويل العمر .. تختلف الاجسام من حيث جيناتها وبنيتها .. حتى اني قريت عن بعض الأبطال ..

كل واحد يمدح ويتميز في عضله معينهـ .. والمعروف انه الباي والتراي من العضلات الصغيره ..

والصدر والظهر .. والأرجل .. من العضلات الكبيره ..

تحــياتي ..

تدرّبت ثلاثة أشهر ولاحظت خلالها ،

عضلات تضخّمت سريعاً ولله الحمد / الساعد الباي الفخذ الترابيس ..

الكتف لم يتغيّر ولكنّه ضخم منذ الصغر والصدر تضخّم بسييييط ،

أمّا البقيّة فلم تتغيّر كثيراً والحمدلله على العافيّة أولاً وآخراً ..

أشكرك على الموضوع الاستطلاعي الجميل ، ودمت بودّ ..

انا مع ردود الاخوان scaryface و weld ad كل جسم يختلف عن الاخر !

شخصيا انا اكثر شي بارز الاكتاف والرقبه والضهر لكن هذا الشي يجي بمدة التمرين يعني من تكون لاعب ذو خبره ومن فتره طويله عضلات الجسم تتساوه عندك

صرااااحة الاخوان ما قصرووااا
وبالنسبه للباي والتراي اتوقع انك تتمرن زياده نفس الصدر عليهم وهذا الخطا 3 اربع تماريين بالكثير مع اوزان عاليه تكفي

بالنسبه لي الباي والتراي افضل من باقي العضلات الاخرى
والعضله بطيئة النمو الصدر . هبلبي صراحه

أولا أشكر صاحب الموضوع على الطرح، وبالتأكيد الجينات لها الدور الأساسي في الموضوع وهنا تأتي قدرات المدرب على إبراز العضلة الأفضل لديك وموازنة العضلات البطيئة النمو.

في المجمل كل واحد فينا وبدون استثناء لديه عضلة مميزة عن باقي العضلات، أنا مثلا عضلة الكتف ولاترابيس والصدر والظهر عندي عالمية (اللهم لا حسد).

الباي والتراي ضعيفة مقارنة بحجم باقي الجسم، الارجل عندي مرضية لكنها تحتاج إلى مجهود أكبر...

كل السر يكمن باختيارك للتمارين التي تعطي الحجم والعدات وعدد الجلسات وهنا يأتي التحدي الحقيقي لجسمك..

من وجهة نظري العضلة القوية لا تعني عضلة كبيرة فكم من الاشخاص الذين تجدهم يرفعون اوزان انت تسخن فيها لديهم مثلا الباي عنده اكبر من اللي عندك واجمل وتكويرتها بارزة؟ وكم نرى أشخاص يشيلوا اوزان خرافية على الصدر وصدورهم تكاد تكون مسطحة؟

لكن كما أشار الكابتن مع الايام تتعدى هذه المرحلة خصوصا في التركيز الصحيح وسؤال المدرب ومتابعة نصائحه

وبالنسبة لسؤالك ما هي العضلة الاكثر بروزا والاسرع انا في نظري هي الكتف وإذا بتسألني ليش بقولك بكل بساطة ان الكتف نقطة ارتكاز في كافة تمارين الجسم العلوية ويتأثر بها جميعا ويكون مساندا لها يعني تمارين الباي والتراي والصدر والظهر كلها تحتاج إلى ثبات في الكتف والثبات اثناء التمرين بحد ذاته تمرين، وقد لاحظت ان اكثر المبتدئين اول شيء يظهر عندهم الكتف ويبرز قبل باقي الجسم.

تقبل مروري يا كابتن وشكرا مرة ثانية على هذا الطرح الطيب

اقول ما ودك تبدل بس p:
انا الباي والتراي والكتف طلعو معي بسرعة خيالية
اما الصدر فاني اشيل اوزان ثقيلة عشان ابيها تطلع الى ما جالي تمزق في العضلة وعاد ليتها طلعت والحين موقف تمرين والسبة هالصدر لا هو الي خلاني اتمرن ولا هو الي طلع
على العموم في نقطة مهمه لازم تعرفها ان كل انسان يختلف عن الثاني وكل عنده ضعف وراثي في عضلة معينة وعليك بالتمرين والصبر وكل شي راح يظبط مع الوقت بس تمرن صح واكل صح وارتاح وبتشوف النتايج انشاءالله

مشاء الله الشباب هنا فاهمين صراحة ومبدعين .. :)
ولا يحتاج اتكلم غطو كل شي
المهم
انا الجينتك عندي الباي والظهر

عنـدي آلظهـر وآلكتـف أكثـر شي حصـل لهم تغـير ..
وحتى بآقـي آلعضـلآت فيه تغييـر طبعـاً ولكن بطيء وخآصـة آلصدر !

الصدر والظهر والأكتاف أسرع شي تغيروا :)

شكرا ع الموضوع