عرض للطباعة
السلام عليكم ورحمة الله وبركاته
اخواني انا في شي محيرني ومافهمت لحد الحين
دايم الاحظ في جداول التمارين نحصل ان العضلات تمرن مرة وحده في الاسبوع
يعني مثلاً عضلت الذراع تحصلها في الجدول تمرن يوم السبت وباقي الايام صدر ورجل وظهر ,, الخ
يعني احس العضله محتاجه تمرين يوم واليوم الثاني راحه
يعني راحه يوم واحد بس ,, << صح ولا غلط ؟؟
اتمنى من اصحاب الخبره التوضيح
شكراً مقدماً
من جد والله يا اني افكر كذا من زمان شسالفة العضلة الوحدة بالاسبوع < بيجون الكباتن ويجاوبون ويكفون ويوفون
على حسب خبرتي المتواضعه ان لازم العضله ترتاح ما يصير تكرفها 24 ساعه او يوم بعد يوم لازم تريح
تريا اهل الخبره
عزيزي كل مدرسه لها وجة نظر مختلفه, وبرضوا كل لاعب كمال اجسام له وجهة نظر مختلفه في جدوله.
مثلاً عن نفسي أنا كنت امرن الأذرع بيوم واحد (باي, تراي, أكتاف اماميه وخلفيه, سواعد) والجذع (ظهر+صدر) بيوم, والأرجل بيوم, هذي مجموعها 3 ايام وبعدها 3 ايام ثانيه نفس الموضوع ويتبعها يوم راحه
وفي ناس تمرن عضلتين عضلتين في اليوم وإذا كان فيه وقت او باور مرنوا ترابيس او بطن مع اي عضلتين
مثلا: ظهر وتراي وأكتاف خلفيه, صدر وباي وأكتاف اماميه, أرجل وبطن وترابيس(إختياري) (المغزى من هالجدول من وجهة نظري طبعاً انه جالس يمرن اجزاء لها علاقه ببعض, مثلا عندك الصدر لما تدفع او تتمرنه تحرك معاك الأكتاف الأماميه والتراي
وبرضوا يمدي اللاعب يقلب الموضوع, مثلا: (ظهر وتراي ب يوم, صدر وباي بيوم (بكذا يحرك عضلات الباي والتراي مرتين في اليومين, مرتين بإرادتته ومرتين غصب عنه لما يدفع او يسحب بالظهر او الصدر, يعني مجموعها 8 مرات بالأسبوع وكوجهة نظر للتقويه والتنشيف والبناء بنفس الوقت)
وطبعا ماننسى الشيء الأهم للاعب وهو يوم الراحه والنفسيه الممتازه والنوم الكافي لبناء العضله, لأن النوم يعتبر المصدر الأساسي لبناء العضله بعد الهدم اللي يتم في النادي.
عزيزي بإمكانك بناء اي جدول تبغاه انت حتى لو تخترع جدول معين, لو تشوف له وجهة نظر معينه ( من تنشيف او تضخيم او تنشيف وتضخيم بنفس الوقت, او إعطاء العضله قوه) وطبعاً تستشير وتوضح وجهة نظرك للناس اللي هم اقدم او اكثر خبره منك
وموفق عزيزي
ياكابتن مو شرط تمرن العضله يوم واحد بالاسبوع ولاكن تحتاج تريح العضلة 48 الى 72 ساعه يعنى ممكن مرتين بالاسبوع هذا الشي الى ماشي عليه الكثير طبعا البعض يمرنها ثلاث مرات وهذا نادر ويكون الشخص بكورسات مو سهله يعنى عملية استشفاء العضله تكون سريعه بتاثير الكورس هذا حسب خبرتى وعن نفسي امرن العضلة مرتين بالاسبوع على سبيل المثال الصدر والباي السبت ارجع صدر وباي الاربعاء طبعا مجرد راى شخصي وانتظر باقي الاراء
شوف يا سيدي في الحقيقة لما تلعب اليوم مثلا صدر وباي اعلم ان جميع عضلات الجسم كلها تتحرك بنسبه وبجزء معين ,
وتمرين العضله في الاسبوع مره واحده كافي جداً
معضل محترف
عزيز
جسم فرنسي
كذا صح
الله يعطيكم الف عافيه وماقصرتوا