ابي ارجع زي ماكنت فقررت اخذ كورس ابر تنشيف ابي نصيحتكم

السلام عليكم شباب

انا تمرنت حديد 6 شهور لياقتي ارتفعت مره صرت اقدر اسوس 60 بوش اب اول كنت اسوي 10

جسمي ولياقتي ارتفعت صرت افه في البيت من كثر الأكل كل يوم اسبح 250 متر على الاقل وسويدي وحديد

تركت الصاله بعد الحاح من الأهل :boggled:

لمدة عام دراسي كامل وزني زاد 30 كيلو الدبه طلعت الجسم تغير 180 درجه

ابي ارجع زي ماكنت فقررت اخذ كورس ابر تنشيف ابي نصيحتكم :)

بالنسبه للأبر اخوي انا ماعندي اي فكره عنها بس انا انصحك انك تكتب الطول والوزن والعمر ونسبه الدهون ان امكن عشان الشباب يفيدونك اكثر
ونصيحه قبل لاتفكر بالهرمونات فكر تسوي دايت وترد سويدي وحديد شامل + حبوب تنشيف مثل الليبو 6 او هيدروكسيد كت او اي نوع حوارق دهون معروفه جرب منت خسران شي وانا الي اكلمك الحمد لله كان وزني اوفر حيل ولله الحمد وصلت لمرحله قربت من وزني المثالي مايحتاج هرمون ولله ياخوي الى لما تجرب كل الاوراق الي بيدك حاول تحرقها كلها ان ماقدرت عاد انت ونفسك وبالتوفيق ان شاء الله

طولي 173

وزني 90

وانا اتمرن وزني 70

نسبة الدهون مدري والله

العمر 18

عمرك اقل من 21 فلا انصحك تستخدم حوارق الدهون مثل ليبو 6 بلاك لانه قوي جدا عليك او هيدرو كسيد كت كذلك قوي ومابي افتي بنسبه لحوارق الدهون الثانيه لاني ماجربتها عموما الابر وانت بهل عمر خطره عليك ولاتفكر فيها نهائيا والي يقولك خذ وجرب او اشتر هذا مايبي مصلحتك وانتظر ردود الشباب بحكم خبرتي المتواضعه بالتوفيق لك

لكن ابي ارجع زي اول في شهرين :( او 3 بالكثير

في حل ؟؟

في حل بدون ما انك تاخذ كورس ابر
اهتم بغذائك الى مدة 3 شهور مع التمارين
يعني خل المدرب مالك يسوي لك جدول غذائي + جدول تمارين + كثر من المشي +العب بطن+خواصر
واضمن لك ان راح يرجع جسمك احلى من قبل

واسمح لي اذا قصرت في ردي

اي ابر تقصد ؟؟ وكم مدة الكورس ؟؟

مرحبا اخوي ..

الشباب ماقصرو الله يحفظهم بالردود الطيبه واايد كلام اخوي علي فيصل ..
بس أضيف ((ممكن تاخذ كرناتين من جي ان سي وانشاء الله بيفيدك مع النظام الغذائي والتدريب المتواصل))

ياالحبيب عمرك صغير على الهرمونات اهتم في الاكل واعملك دايت برنامج غذائي وبعدين استغل رمضان في التنشيف وممكن تاخذ امينو 2222 تابلتس مع الليبو 6 واترك عنك الدهون في الاكل وارفع نسبة البروتينات و قلل الكاربوهيدرات واسمع النصيحة واترك عنك كلام الكابتن اذا هو الي قالك ادخل ابر هرمون لانك راح تدمر جسمك وانت في قمة القوة وجسمك ايضا في قمة افرازات الهرمونات وهذا راح يساعدك على التنشيف وايضا العزيمة والصبر

انتبه انتبه

اللهم قد بلغت اللهم فشهد

تسلمون ع النصايح بس معليش وش هذا امينو 2222 تابلتس مع الليبو 6 وكرناتين من جي وين اقدر القا هذي الاشياء وش وظيفة كل وحده ونصايحكم

معليش تعبتكم معي

انا ساكن في الدمام احد يقدر يدلني عليها :)

و لها آثار جانبيه ؟؟

الليبو 6 بلاك اقل من 21 سنه ماينصح فيه اذا تبي تاخذه اخذ العادي والامينو عباره عن احماض امينيه تساعد على بناء البروتين بلعضله وفيه نسبة كارنتين تساعد على حرق الدهون

وبالنسبه للاخير هل تقصد كرياتين او كارنتين ؟ اذا كنت تقصد الاول فهو يعطيك باور وتضخيم وينصح فيه في فترة التضخيم , الكارنتين حارق دهون لكن مو بهل قوه الليبو افضل ,,,,

شكرا بس من وين احصل عليهم ؟؟

اسماء محلات؟؟

GNC اترك عنك الليبو 6 وخذ امينو زي ما قالك سامي 1989 واعملك برنامج غذائي

عمرك 18 سنة ,, في قمة النشاط وعز الشباب
جسمك مستعد يحرق في اليوم فوق الـ 1000 سعرة حرارية

ليه تفكر بحلول اخيرة قبل تهيئة نفسك نفسيا وذهنيا ,,

ولو حتى اخدت هرمونات ,, مستحيل جسمك يتعدل الا بالعزيمة والاصرار ومن ثم تغذية سليمة و تمارين تخسيس قوية ,,

يا اخي التزم مع شباب تلعب يوميا كورة ,, تتدرب معاهم وتجري ع المضمار وتلعب تمارين سويدية وبعدين تلعب كورة لشوطين حتى ولو حركة قليلة ,, انتا المستفيد ,,

استمر لسنة كاملة ع النشاط العالي من حركة وخرجة ,, خلي فيك روح الشباب وابتعد عن الكسل وابتعد عن العادات السيئة مثل التدخين والاكل الضار بالصحة مثل البرقر و البروست والوجبات السريعة ,,

,,

رح ينزل جسمك طبيعي + يكون جسمك لياقي وقوي كمان ,,


بالتوفيق

صح كلامك بس انا متأثر نفسيا من وزني الزايد ابي اتخلث منه بسرعه الناس الي يعرفوني مستغربين ثقتي في نفسي معدومه

ومحل GNC اعرفه باخذ الي تنصحوني فيه :) وشكرا لكم

بالنسبه للكوره ما احبها افضل تمارين سويديه وسباحه؟؟
:)