عرض للطباعة
السلام عليكم كيفكم عندي استفسار لو سمحتو انا صارلي شهر في صالة الحديد وابي ضخامه وعضلات وطولي 165 ووزني 51 و قبل ما ادخل وزني 50 ونص
و ما اقدر اشيل اوزان ثقيله واتعب يعني ما عندي قوة نهائيه عظامي لين وما اكل واجد حولت بس ما قدرت يعني وجبتين او ثلاث بكثير في اليوم تكفي
وفي واحد نصحني في حبوب امينو 10000 الي علبته سوده
تنصحوني في الحبوب ولا في ايش ابي انا ضخامه وعضلات واخاف اكل حبوب ويخترب جسمي كله شحم مثل واحد من الشباب
ابي نصحتكم الله يجزاكم خير
وعليكم السلام،
راجع قوانين المنتدى بما انك جديد ع المنتدى لان عنوان موضوعك مخالف
بالنسبة لحالتكو محتاج زيادة وزن 10-14 كيلو وبما انك كملت شهر ع الحديد، استمر شهرين زيادة ومن ثم ننصحك بأخذ المكملات لما يكون عندك أساس عضلي
حاول انك تقسم وجباتك من 5-6 وجبات كل 2-3 ساعات واكثر من الكارب ومن ثم البروتين واعتمد ع الدهون في وقت مبكر، وحاول انك تشتري حبوب فاتح الشهية وابتعد عن الأمينو وأصلا أمينو ماينفع بروحه
وابتعد عن الكارديو في التمرين، فقط امش 10 دقائق قبل التمرين ( للتسخين فقط)
تحياتي
مثل ماقال الكابتن يا وحش الامينو لوحدة مايكفي للضخامة في مكملات ممكن تاخذها مع الامينو وهو البروتين ومنتجات الطاقة يعنى لاتفكر تاخذ امينو لوحدة وتظن انك راح تضخم الاساس بالتضخيم يا وحش التغذيه + الراحة + المكملات +تمارينك = ضخامة والله يوفقك