استفسار عن انقاص الوزن ارجو التكرم بالإجابة

السلام عليكم ورحمة الله وبركاته
ارجو من اصحاب الخبرة ان يفيدوني
انا وزني 100 وطولي 183
وابي انزله الى 78 لكي ادخل رياضة كمال الاجسام
مع العلم انه عندي ترهلات اسفل البطن ونسبة الدهون عندي جدا عالية
وش نصايحكم لي يا كباتن
وجزاكم الله خير

وعليكم السلام ورحمة الله وبركاته

اخوي انت يبيلك تنشيف

وان شاء الله الشباب مايقصرون معاك

الكلمة الافضل من التنشيف الي هي التخسيس لان تنيف يكون اذا الجسم فيه عضل ودهون شوي
ولو تاخذ لفه في المنتدى بتحصل الي تبيه

طيب هل تنصحوني اني استعمل حوارق الآن ولا باقي بدري

ليش تنتظر لين توصل للوزن حتى تدخل كمال اجسام استخدم كمال الاجسام كتمرينات للتخفيف وشد الجسم يا كابتن التغذيه المناسبة + تمرينات اللياقة + تمرين الحديد باوزان خفيفة وتكرار عالى + تمارين البطن والجوانب+ سباحة + الساونا كل هذي عوامل تساعدك للى تبي توصل له بالنسبة للحوارق كم عمرك لان بعض الانواع تنصح بعدم استخدمها للى اقل من 21 سنة وبالتوفيق ان شاءالله يا كابتن

اخي الكريم اولا انا كان وزني 85 والحين صار 75
طبعا بدون برنامج تخسيس ولا تنشيف ولا هم يحزنون
مجرد انك تطلع من البيت كل هو بحد ذاتها رياضه
وسبحان الله يختلف من جسم لي جسم يعني انا جسمي يحرق بسرعه
وكنت كل يوم اطلب من الوجبات السريعه واكل واقعد عالكمبيوتر لكن انا فيني طبيعه اطلع كل يوم وامشي والعب كره وهكذا
وبخلال 6 شهور نزلت عشره كيلو علما بانني لا كنت اريد انزل وزني بس جذي نزل
وكنت اشرب ماي بكثره
والماي هو يخرج السموم من الجسم
اذا تبي نصيحني انا واحد موطبيب ولا مدرب لياقه
لكن العب فنون قتاليه وكمال اجسام وقدم وجري من 8 سنوات
فنصيحتي لك كاخ لاتتبع اي نظام غذئي بالمره لانه بتستمر عليه سبوع وراح تزهق عمرك وتمل صح ؟
شوف خل حياتك طبيعيه بس حاول تقوم من الاكل ونت يوعان لانه الرسول صلى الله عليه واله وسلم كان يقوم من الاكل وهوه يشتهيه يعني يبي ياكل بعد
وبس مارس حياتك بشكل طبيعي ولا تحرق نفسك حرق تمارين وهكذا غلط
القليل المستمر افضل من الكثير المنقطع :)
امش كل يوم في ممشى نص ساعه يكفي وشوف النتائج ولا تفيس وزنك لمدة 6 شهور
ولاتفكر في وزنك زاد او نقص
تحياتي لك اخي موفق

يعطيكم العافية شباب ما قصرتو