اول شي السلام عليكم ورحمة الله وبركاته :o
هذي اول مشاركه لي ادري عيب علي اني ابدأ من البدايه اخش جامد واسأل وكذا بس عاد للضروره احكام المعذره اخواني :ee2:
طبعا انا مبتدئ في عالم الرياضه والحديد واللياقه ...الخ
سجلت قبل حوالي 3 اسابيع في وقت اللياقه (Fitness Time) بالضبط في تاريخ 8/7/2010
واول ماسجلت طلعوني على جهاز الفضايح :D
طبعا كلكم مريتوا بنفس حالتي اول مادخلوا عالم الحديد واللياقه
انا اول مادخلت صراحه كنت متحمس ومازلت متحمس الى الان الحمد لله
لكن يدور براسي مئة سؤال وسؤال ومتردد ومتحمس ومحتار من اشياء كثيره :boggled:
احس ودي استأجر مدرب لمدة شهر يصير خويي 24 ساعه واي سؤال ببالي اسأله :D
المهم ماطول عليكم بعطيكم معلوماتي اللي طلع لياها هذا الجهاز اللي اسميه ابو الفضايح :أفكر:
Length 178 cm
weight 66.9 kg
muscle mass 31.9 kg
fat mass 10.3 kg
TBW 41.6 kg
Protein 11.2 kg
FFM 56.6 kg
Mineral 3.79 kg
BMI 21.1
PBF 15.4
WHR 0.82
BMR 1593
Muscle control +2.6 kg
fat control +0.2 kg
طبعا ما ادخن الحمد لله :o
مادري وش تحتاجون وش ماتحتاجون من هالاشياء فا حطيت كل شي موجود بالورقه وانتم عاد خوذوا المعلومات اللي تحتاجونها :p
واسئلتي هي كالآتي
اولا: انا ما ابي ضخامه وعضلات كثيره مره زي اللي بالصور هذي انا كل اللي احتاجه جسم رشيق وعضلات مقسمه ((فرنسي)) والشي الثاني انا اذا لعبت كوره اتعب كثير يعني ما اكمل شوط واحد الا وانا خلاص داااااايخ واحيانا توصل لأني ماقدر امشي احس بدوخه واجلس شوي من التعب واحس بشوي ضيق تنفس
كثير شباب نصحوني بحصص اللياقه او الايروبيك يقولون زينه للياقه وعشان اذا لعبت كوره ماتتعب واكثر من واحد يقولون جربناها وحسينا بفرق من اول اسبوع
لكن المدرب حق وقت اللياقه يقول لا لاتدخل لياقه بتموت !! :02:
يقول انت ادخل حديد لازم تزيد وزنك وعضلاتك خاصه من كتوفك فا لاتقرب اللياقه
المهم جلست اتهاوش معه ههههههههههه انا اقول ابي لياقه ومره متحمس لها ودي اجربها وهو يقول لا اخر شي قال طيب جرب اليوم لياقه وشوف عجبك ولا لا جربت امس اول كلاس لياقه وكان ممتاز صراحه ومادري حيرني كلامه هو يقول خلك حديد وشوي كارديو قبل الحديد بس وانا اقول ابي لياقه
س1: هل اقدر اوفق بين اللياقه والحديد والكارديو؟؟ اذا اقدر كيف؟؟او ايش الجدول اللي اقدر اسويه عشان اجمعهم كلهم ؟؟
س2: وش المكملات اللي تنفع لي؟؟ وهل المكملات تنفع للي مايلعب حديد بس كارديو؟؟
المدرب قال لي امينو 2222 وويت بروتين قولد ستاندرد شرايكم فيهم؟؟
وايضا شرايكم في Nitro tech hardcore pro
هل ينفعوني ولا لا؟؟ او عطوني يعني المكملات اللي تنفع لي وجربتوها واهم شي كلها طبيعيه ومالها اعراض جانبيه ;)
س3: بالنسبه للأكل انا انسان عزوبي ساكن بسكن الجامعه فا اكلي كله اكل مطاعم ماعندي اكل بيت ولا اقدر اكل اكل صحي 100% كيف اتصرف بهالحاله او وش نوعية الاكل اللي تنفع لي من المطاعم؟؟
س4: احيانا اجي من التمرين واحس بآلام مو طبيعيه واخر مره امس لما جيت من حصة اللياقة حسيت بألم مو طبيعي في الخلف من خلف الركبة الى اسفل الظهر الم ماخلاني انام اكلت حبتين بندول اكسترا ودهنته بمرهم عضلات ويوم صحيت الصباح خف الحمد لله فهل هذا طبيعي؟؟
وبالنسبه للايروبيك سألت المدرب حق الايروبيك عن الحديد قلت له انا محتار بين الحديد والايروبيك اقدر اجمع بينهم؟؟ قال لي ممكن مثلا اذا تقدر تجي مرتين تجي مثلا الصباح وتاخذ عندي كورس ايروبيك وتريح وبالليل ترجع تلعب حديد
او يوم ايروبيك ويوم حديد بس لاتلعب كارديو كثير بس ربع ساعه فهل هذا الكلام صحيح؟؟
وبالنسبه للنادي انا ادرس ترم صيفي بالجامعه ودوامي ساعه وحده فقط من السبت للأربعاء فا عادي اقدر اروح للنادي بالصباح وبالليل مرتين باليوم لكن هل تنفع ولا بتضرني اكثر؟؟
واخر سؤال بالنسبه لفترة الامتحانات احيانا اضطر اوقف اسبوع كامل ماقدر اروح النادي لأني مضغوط بالامتحانات فا هل فيه تمارين اسويها بسكن الجامعه بحيث اني ماخسر شغلي كله بالحديد الفتره الماضيه ؟؟ :(
هذي الاسئله اللي حاليا تدور براسي وتحملوني يمكن انشب لكم بعدين بأسئلة كثير :silly:
يعطيكم الف عافيه واعذروني على كثرة كلامي وبربرتي لكن تعرفون واحد مندفع ومتحمس :D
وأحب اشكر الاخ بو راشد والاخ Legend of dark والاخ toto jeddah
وكل الاعضاء صراحه ماقصروا استفدت كثير من مواضيعهم وردودهم واستفساراتهم
الله يجزاكم خير الجزاء كلكم وان شاء الله تحققون كل امانيكم يارب
تحياتي لكم
