والله صدمني الميزان ( ساعدوني يااخوان والله قهر )

السلام عليكم

والله اني مقهور وقلبي متحسر على كل دقيقه قضيتها بالنادي :o

يا جماعه السالفه هي ...

انا عمري 17 صار لي بالنادي شهرين

الشهر الاول ما لعبت زين كلش لكن الشهر الثاني كرف والله

وهذا جدولي:

اقتباس:

---

العب على الغزاله لمده 30 دقيقه بسرعه 45

---

اقتباس:

---

http://www.screenservices.be/images/fitness.jpg

بعدها العب مشي لمده 10 دقايق بسرعه 5.0

http://www.indexsignal.com/vb/attach...1&d=1231177816

وبعدها دراجه ثابته لمده 30 دقيقه

http://www.u-mark.net/shopping/image...&image_id=1680

بعدها العب اجهزه المعده و الخواصر

وانتهي من الجدول

للعلم العب 5 ايام في الاسبوع + مشترك في دايت سنتر

---

اتوقعون شنو المشكله شنو الغلط الي انا مسويه

وابي جدول من تأسيسكم بس جدول نزله اكيد بالشهر من 8 الى 10 كيلو

طالبكم ردو بسرعه

مع العلم :الوزن المثالي 85 الى 80 نسبه الدهون 34 %

وزن الدهون الزايده 20 كيلو

الوزن الحالي 107 كيلو

السلام عليكم

افهم من كلامك اخوي انه في الشهرين ما نزلت ولا شي ؟

شنو كان الدايت الي تسويه ؟

وهل تستخدم اي مكملات او حوارق للدهون في هالفترة ؟

اقتباس:

---

المشاركة الأصلية كتبت بواسطة R . V . D

السلام عليكم
وعليكم السلام ورحمة الله وبركاته
والله اني مقهور وقلبي متحسر على كل دقيقه قضيتها بالنادي :o
يا جماعه السالفه هي ...
انا عمري 17 صار لي بالنادي شهرين
الشهر الاول ما لعبت زين كلش لكن الشهر الثاني كرف والله
وهذا جدولي:

اتوقعون شنو المشكله شنو الغلط الي انا مسويه

اخوي جهاز الغزاله او الدراجه ليست بفائدة السير
لابد تقعد على السير(كارديو) لمدة 45 دقيقه
او30 دقيقه والباقي وزعه على الدراجه

وابي جدول من تأسيسكم بس جدول نزله اكيد بالشهر من 8 الى 10 كيلو

طالبكم ردو بسرعه

مع العلم :الوزن المثالي 85 الى 80 نسبه الدهون 34 %

وزن الدهون الزايده 20 كيلو

الوزن الحالي 107 كيلو
يليت تكتبلنا نظامك الغذائي الي بدايت سنتر مفصل, وهل تستعمل اي مكمل او حارق دهون

[/CENTER]

---

ووجباتك قسمها ل5-6 باليوم
وخذ هالجدول
الوجبه الاولى/ 4 بياض بيض مسلوق + شوفان بحليب خالي الدسم
الوجبه الثانيه/ فواكه منوعه لايتجاوز مجموعها حبتين
الثالثه ( قبل التمرين بساعتين)/ صدردجاج مشوي او سمك فيليه او تونه + سلطه منوعه بدون ملح
الرابعه(بعد التمرين تقريبا)/ علبة تونا
الخامسه/ كوب لبن خالي الدسم

همسه
عملت جدول لصديق لي مشابه لهالجدول ونزل من 107 الى 99 ماشالله
في مايقارب الشهر ماني متذكر تحديدا

الفاصل بين كل وجبه واخرى مالايقل عن 3 ساعات

بالتوفيق

للعلم يا شباب ترا انا اروح للنادي الصبح الساعه 7 اول ما اقوم من النوم

اكل شي خفيف جدآ واروح

واذا في منشفات وحوارق تفيدني اتمنى تعلموني ماهي

انا ما استخدم اي حوارق او شي طبيعي 100%

نظام الغذاء مالي

3 وجبات : فطور بعده غداء بعده حلو بعده عشاء

ومنوع الدايت سنتر احيانآ يجيبون لي ارز في الغداء احياآ سمك احيانآ لحم

طبق المكتوب بردي الاول وان شالله تستفيد

بالتوفيق

شوف أخوي لازم تحط في بالك شي انه العضل اثقل من الشحم.

طيب شنو المهم، أنت في حال تقوم بالتمارين وصار لك شهرين، او شي لازم تعرفه انك راح تقوي عضلات الرجلين ، وهما من اكبر عضلات الجسم.

صح ما بيكون شي واضح بس الكتلة العضلية راح تقوى وتكبر.

وفي نفس الوقت الي انت تفقد فيه شحم راح يرفع وزنك عضل.

وفي هالحالة لازم تلتزم الاشهر الاولى بالتمارين ولا تشوف الميزان..

احول يكون جدولك للكارديو ساعة ونصف في اليوم، 45 دقيقة سير 25 دراجة 20 تسلق الدرج.

وتمارين البطن مو لازم تسويها كل يوم لازم تريح عضلة البطن علشان تقوى.

وبخصوص الحوارق انصحك انك تستخدم الليبو 6 العادي في البداية، وراح يعطيك نتيجة ممتازة مع الكارديو.

انا في اول مرة كنت بنزل وزن ما خسرت شي في شهرين بالعكس زدت خمس كيلو، والمدرب قالي عادي بعد فترة راح ينزل وزنك بشكل ملحوض وهذا الي صار. بعد الشهر الثالث خسرت 9 كيلو في شهر.

في رحلة انقاص الوزن لا تهتم بالميزان ركز على تمارينك ولا تفقد الدافع.

نصيحة أخيرة، خذ لك (متر) الي يقيسون فيه (نفس الي عند الخياط) وقيس جسمك وسجله ، الرقبة و الصدر والذراع والبطن والخصرة والخلفية والفخذ.

وراجع القياسات كل شهر.

ووقتها راح تشوف الفارق حتى لو ما تحرك ونزنك بشكل كبير. راح تفهم ليش وزنك ثابت

صحيح يالرمادي

انا والله ملاحظ ان جسمي متغييييييييير بشكل كبير وكل من شافني قال انت ضعفان

حتى بالنادي بس الميزان يقول نسبه الدهن بجسمك 34% وزنك 107 وما نقصت الا 2 كيلو

والمطلوب هو انقاص نسبه الدهن الي تعادل 20 كيلو

وياليت يالغالي تحط نظامك الغذائي وجدولك

كم طولك يا اخوي ؟؟؟

ترى مرات الجسم يخزن ماي بعد خسارة الدهون فاصبر اشوي حتى تتاكد وهذا يعتمد على نوعية جسمك وعملية الايض اللي عندك

واذا حسيت انه جسمك ما ينزل حاول تقلل من الكربوهيدرات وابتعد عن دايت سنتر لانه هدفهم هو كسب المادي ولازم انته تتعلم كيف تاقلم نفسك وتعلم نفسك اي انواع الاكل تناسبك ... لانه كل انسان عارف اللي يصلحله واللي ما يصلحله

بالتوفيق

طولي 180 سم

اخوي الكبتن ذا كاست كاتبلك جدول غذائي
امشي عليه تراه مفيد

السلام عليكم

اخوي راح اخلي لك جدولي الغذائي للفترة الي راحت، انتظرني بعد قليل ............ (طالع من الدوام >>>> رايح البيت)

اخذ راحتك يالرمادي

يا اخوي انته حاليا تاكل من دايت سنتر واكلك عبارة عن كربوهيدرات وبروتين فقط ؟؟!! فلو ما استفدت هذا يدل انه يمكن الكربوهيدرات تقلل من حرق الدهون عندك او انك مكثر من الاكل

فنصيحة حاول تبتعد عن الكربوهيدرات ( حتى الحليب) لانه جلوكوز (سكريات) تقلل من حرق الدهون اذا تواجد بالجسم يعني اكلك بيكون عبارة عن خضروات وبروتينات وبعض انواع الدهون مثل زيت السمك والكتان.

للرفـــــــــــــــــــــــــــــــــــــــــــــــــــــــــــــــــــ الله اكبر ــــــــــــــــــــــــــــــــــــــــــــــــــــــــــــــــــع