اوكسي ايليت برو .. حارق دهون ممتاز

http://www.bodybuilding.com/store/us...450_white.jpeg

شباب صراحه انا كتبت هذا الموضوع لان هذا المنتج عجبني .. وانا انص به للي يلعب حديد وعمل اشوية عضلات ويبي ينشف

لان من خلال تجربتي ومقارنتي بينه وبين الليبو 6 اكس لقيت

الليبو 6 اكس استخدمته كورس 8 اسابيع وكان ممتاز ونزلني 10 كيلو اغلبها دهون الي انزلت (3%) لكن اوزاني في الحديد انزلت اشوي وماكان فيني حيل صراحه .. جربت النانو عشان البور لكن جابلي صداع وتركته

وريحت اسبوع وبعده جربت الاوكسي ايليت برو

الحين باقيلي يومين على الاسبوع الرابع

وليحد الحين نزلت منه 4 كيلو تقريبا ... بس نسبة الدهون انزلت (2%) اكثر من الليبو 6 اكس والحلو رغم مع اني ماغيرت كمية الاكل اوزاني بالحديد زادت ولما اتمرن فيني طاقه بدون اي منتج اضافي

عموما بعد ماخلص الثمان اسابيع معاه برجع وباخبركم بالنتايج

والي عنده تجربه معاه يخبرنا

تحياتي

والله يا خوي هو منتج ممتاز لكن المشكلة انه جديد وللحين مافي ابحاث كثيرة عليه انا خايف ان يطلع فيه مواد منشطة وما يتم الكشف الا بعد فترة زي ماعملو مع الهيدروكسي

انا جربتت الليبو بلاك ماضبط معاي
لكن الهديرو كسيد كت شراب تفجير والظاهر بستخدمه جابها من الاخر
بس الاوكسي اليت متحمس عليه ووببلش فيه بعد رمضان لانه باقيلي حاليا جم كيلو بتخلص منها ولله كريم بالتوفيق

اقتباس:

---

المشاركة الأصلية كتبت بواسطة بعارين

والله يا خوي هو منتج ممتاز لكن المشكلة انه جديد وللحين مافي ابحاث كثيرة عليه انا خايف ان يطلع فيه مواد منشطة وما يتم الكشف الا بعد فترة زي ماعملو مع الهيدروكسي

---

والله ياخوي بعارين كلامك سليم ومنطقي والمنتج جديد ماكمّل السنه ...لكن انا مرتاح للشركه المصنعه USPLap احس معظم انتاجها من الاعشاب الطبيعيه والله اعلم

لكن الله يستر علي :D

اقتباس:

---

المشاركة الأصلية كتبت بواسطة ابو مهاا

انا جربتت الليبو بلاك ماضبط معاي
لكن الهديرو كسيد كت شراب تفجير والظاهر بستخدمه جابها من الاخر
بس الاوكسي اليت متحمس عليه ووببلش فيه بعد رمضان لانه باقيلي حاليا جم كيلو بتخلص منها ولله كريم بالتوفيق

---

اخوي ابو المها .. روح والقلب داعيلك :biggthump

بس خبّرنا بالنتيجه ..
الله يحفظك

على فكره انا اخر ثلاث اسابيع بالكورس معاه بيكونون برمضان .. مادري شلون بدبر نفسي .. بس شكلها بتدّبر:D

ماكس ماستر

موضوعك جاي عالجرح ياسيدي لاني دوبني مخلص الهيدروكسي كت ونتائج الهيدروكسي كانت واضحه الحمدلله

بس ودي ابدا كورس جديد واول ماطاحت عليه عيني موضوعك :)

فيا اخوان مالي يومين مخلص الهيدروكسي كت هل انفع ابدا بكورس جديد؟؟؟؟
وهل انفع اخذ حارق الدهون في رمضان؟؟؟

اقتباس:

---

المشاركة الأصلية كتبت بواسطة no gain without

ماكس ماستر

موضوعك جاي عالجرح ياسيدي لاني دوبني مخلص الهيدروكسي كت ونتائج الهيدروكسي كانت واضحه الحمدلله

بس ودي ابدا كورس جديد واول ماطاحت عليه عيني موضوعك :)

فيا اخوان مالي يومين مخلص الهيدروكسي كت هل انفع ابدا بكورس جديد؟؟؟؟
وهل انفع اخذ حارق الدهون في رمضان؟؟؟

---

يا مرحبا اخوي no gain without

انا ريحت بعد الليبو6 اكس اسبوع بس لان كان مكتوب على العلبه الكورس او السيكل 8 اسابيع وستوب اسبوع وتقدر تعيده
"The suggested Cycle length is 8 weeks followed by a 1 week break."

لان الجسم يتعود ويتاقلم وانا لاحظت ان مفعول الليبو اخر اسبوعين مو مثل البدايه دقات القلب بالعافيه ترتفع وبمجهود اكبر من الاسابيع الاولى

بس كل منتج غير فترة التوقف الي له .. مثل الاوكسي ايليت بعد ماتنهي 8 اسابيع لازم تريح 4 اسابيع
"DO NO USE PRODUCT FOR LONGER THAN 8 WEEKS FOLLOWED BY A SUBSEQUENT 4 WEEK BREAK"

لكن انا بالنسبه للهيدروكسي كت انا ماعرف عنه شي ولالقيت اي معلومه عن السيكل او مده البريك في النت

لكن اتمنى الاخوان يخبرونك

اما بالنسبه لرمضان نظريا انا اشوف مافي مشاكل اعتقد يبيله اعادة ترتيب الجدول ليتناسب مع الصيام ... لكن التجربه خير برهان مع اول يوم بحدد اذا باستمر لو لا

تحاتي لك :biggthump

ماكس ماستر الله يسعدك ماقصرت يالغالي ,,,

وفي انتظار الوحوش


اخوي نسيت اقلك كيف الاوكسي اليت معاك؟؟؟

سمعت عن المنتج في المنتديات الخاصة بالبودي بلدنق وكان يمدحونه كثير

بس ما لقيته في السوق عندنا، فخذيت الليبو 6 بلاك حق بعد رمضان

اقتباس:

---

المشاركة الأصلية كتبت بواسطة no gain without

ماكس ماستر الله يسعدك ماقصرت يالغالي ,,,

وفي انتظار الوحوش


اخوي نسيت اقلك كيف الاوكسي اليت معاك؟؟؟

---

اخوي no gain without وحوش المنتدى نايمين :أفكر:

مع اني اشوف كثير منهم جربوه لكن محد تكلم عن مده البريك ... الغريب صار لي ساعه ادور مالقيت اي معلومه ..

نصيحتي احتياط وقف 4 اسابيع او بلش بعد العيد معاه او اي منتج ثاني

وبالنسبه لسوالك عن الاوكسي ايليت معاي انا كتبت فوق اشويه معلومات وذكرت انه ممتاز (معاي) وحط خطين تحت معاي لان موشرط الي نفع معاي ينفع مع الغير
عشان كذي كنت اتمنى نشوف نتايج حد غيري

عموما اليوم اخر يوم بالاسبوع الرابع وخلال هالمده نزلت 4.5 كيلو

بس في ملاحظه بالاحمر .. للمتزوجين الليبو افضل بمراحل هذا مب شي كلش :ee2:

لكن مو شرط الي يستوي معاي يستوي مع غيري

بالتوفيق اخوي:biggthump

اقتباس:

---

المشاركة الأصلية كتبت بواسطة الرمـادي

سمعت عن المنتج في المنتديات الخاصة بالبودي بلدنق وكان يمدحونه كثير

بس ما لقيته في السوق عندنا، فخذيت الليبو 6 بلاك حق بعد رمضان

---

مرحبا اخوي الرمادي .. فعلا انا عرفته من هناك موقع البودي بيلدنج وتحمست له بعد تجارب الناس وردودهم

واتوقع انه ياخذ جائزة افضل حارق دهون عن 2010 في الموقع من الشعبيه الي حصل عليها وهو الان رقم 6 في اكثر المبيعات في الموقع

وطلبته من نفس الموقع ووصل لي بالفدكس بعد اسبوع بالضبط:biggthump

السلام عليكم يا وحوش
الموضوع حلو وانا عرفت معلومات كويسة منة
بس اية الفرق بين الليبو 6 والهيدروكسى كت من حيث كل حاجة والفائدة

اقتباس:

---

المشاركة الأصلية كتبت بواسطة بسام حسنى

السلام عليكم يا وحوش
الموضوع حلو وانا عرفت معلومات كويسة منة
بس اية الفرق بين الليبو 6 والهيدروكسى كت من حيث كل حاجة والفائدة

---

وعليكم السلام اخوي بسام

ماقدر افيدك بشي في الهيدروكسي كت لا املك ولا معلومه عنه وانشاء الله اي حد من الي جرب الاثنين او من يملك الخبره يرد عليك

تحياتي لك :biggthump

السلام عليكم

طبعا شهادتي في المنتج هذا مجروحة لاني ابيعة....لكن يعلم الله انه افضل حارق دهون مر عليا...مخلص كورسي قبل اسبوعيين نازل 8.5 كيلو تقريبا كلها دهون (ماشاءالله)....

استخدامة
اول ماتصحى على بطن فاضية من حبة لحبتيين(افضل انك تبدأ بحبة واحدة) وبعدها بنص ساعة او اكثر افطر
من بعد اول استخدام من 6 الى 8 ساعات على بطن فاضية خذ حبة ثانيه...يعني اذا اول ماصحيت عالساعة عشرة اخذت حبتين موعد السيرف الثاني راح يكون بين الساعة 4-6 مساء...
انتبة تزيد مدة الكورس عن 8 اسابيع...يتبعها 4 اسابيع راحة ...
لاتستخدم اكثر من 3 كبسولات في اليوم..
ابعد عن اي منتج بور في كافيين....

المنتج بصرااحة وعن تجربة شخصية راح يعطيك طاقة وتركيز في التمارين وحرق للدهون بشكل مو طبيعي..واهم شي انه راح تلقى نفسك تغصب نفسك على الاكل...
اهم شي في معظم حوارق الدهون انك تعرف انه مافي حبوب سحرية...
لازم تمشي على اكل صحي وماتوقف تمارينك..

تحياتي للجميع

طيب هل اعراضه مشابه لليبو 6 بلاك ولا ارحم عنه (طبعا السؤال اللي جربو الليبو و الاوكسي)