التنشيف في رمضان ... استفسارات .. ارجو دخول أهل الخبرة

السلام عليكم ورحمة الله وبركاته

شلونكم شباب شخباركم
يا جماعه انا باختصر
عمري 21
طولي 166
وزني 66
نسبة الدهون %16

الحمد الله الحين العضل زين وحجمه بالنسبة لطولي انا راضي فيه ولكن في شوية دهون خصوصا منطقة البطن ودي انشفه في رمضان لانه انا يالله يالله آكل 6 وجبات باليوم ويالله ازيد فبرمضان اكيد راح يوقف او ينقص وزني مستحيل يزيد فقررت اني انشف وهذا برنامجي
اليوم الاول صدر وتراي
اليوم الثاني معده وخواصر
اليوم الثالث بيطان وباي و ظهر
اليوم الرابع اكتاف ومثلثات وسواعد
اليوم الخامس معده وخواصر
اليوم السادس راحه
اليوم السابع معده وخواصر
وانا ما العب رجول هادها من 6 اشهر ما احبها
وبالمعده راح اتبع جدول ابو راشد في حقق حلم السكس باكس و زياده عليه جم تمرين لكن عندي استفسار انا نشفت قبل وكنت العب كارديو فقط 10 دقايق لمده اسبوع قبل كل تمرين معده صحيح قلت نسبة الدهون وبينت السكس باكس اكثر من لعبي من غير كاريدو لكن العضل نشششف ايدي وصدري وبيطاني صغروو واوزاني قلت فمادري العب كاريدو والا اهده انا جسمي بسرعه يحرق وقبل لا ابلش حديد كان وزني 50 يعني بنيتي وجيناتي وعظامي صغيره

المنتجات اللي راح استعملها
نيترو تيك هاردكور الجديد
هايدروكسيد كت شراب
اشرايكم ادخل معاهم شي مثل امينو مفكر اخذ امينو 4800 من ديماتايز او من نفس الشركه شراب 230000
وفي منتج اسمه هايدرزايد من مصل تك لتنشيف الماء ادخله معاهم لانه جسمي من بعد الكرياتين معبي ماي كثير ومابي اخسر العضل وهذا هو رابط المنتج
http://www.bodybuilding.com/store/mt/hydrazide.html

واهو كورس مع الهايدروكسيد كت
وراح يكون اكلي كله بروتين ناشف وعندي استفسار هل البطاط المفيوح ينفع وقت التنشيف او يعبي كرش ؟

اسف على استفساراتي الكثيره لكن انتوا ما تقصرون ان شاء الله وهذا العشم فيكم
انتظر الردود

والله ماعندي معلومات صحيحة تفيدك لكن اكلك كله بروتين غلط والف غلط
ان شاء الله الاخوان مايقصروا ويفيدوك تقبل مروري

صراحه ناصر الهيدرو كسيد كت شراب نتائجه خرافيه بالنسبه لي
كنت مركز على الكارديو ساعه وربع تقريبا مشي 45 دقيقه قاري 20 وجهاز الاوربتراك يمكن 10 لي 15 دقيقه وراها اللعب سوييدي يوميا نزلت خلال ثلاث اسابيع فتره الاستعمال تقريبا 8 كيلو ماشاء الله بس بعد ماتركته فعلا وزني وقف ليش كنت ماخذ قبله ليبو بلاك شهرين قلت اريح عرفت منتج قوي فعلا وجبار بنتائجه والمنتج الوحيد الي بحياتي ماشفت احد يقول استعملته ولا نزلني انا انصحك فيه وبالنسبه للجدول
خله مثلا نفس الي محطوط للاخوان لانه البور ينزل برمضان بقله الاكل والنفسيه
اليوم الاول صدر ومعده
بيطان
راحه
اكتاف
باي وتاري ومعده
أرجل كامله
راحه وتعيد
والامينو انصحك تستخدم امينو تك منتج انا مجربه وصراحه ماقدر اوصفلك شكثر اهو روعه وحتى فيه ماده ال كرنتين تركيز اعلى من اي امينو بالسوق كله وتركيز الامينو فيه قوي حيل يصلح حتى ضخامه يعني الي بينشف ماله الى هل منتج وحبوبه صغار احسن من العله الثانيات ويكفيك شهر
والكارديو حاول انك توصلها مشي 30 دقيقه ادري غثه انا من 6 اشهر وانا على هل حاله والحمد لله تعودت
خلها مثل الاخوان دقيقه مشي دقيقتين مشي سريع دقيقه هروله دقيقه ركض راح يمشي الوقت بسرعه وماتحس
وموفق ان شاء الله وانصحك توقف الكورس برمضان لا تستخدم خلها بعده وانت قبل هل فتره مستخدم منتجات ضخامه ريح برمضان ولاحق خير ان شاء الله

ا

يعطيكم العافيه ويعطيك العافيه ابو مها ما قصرت ... انتظر باقي الوحوش للرد على باقي الاسأله

وين باقي الوحوش !!!