حاب اشتري من موقع bodybuilding ياليت تعلموني الطريقة وهل منتجاته موثوقة ؟

السلام عليكم ورحمة الله وبركاته

شباب انا حاب اشتري من موقع bodybuilding بس ماني عارف الطريقة يعني لازم يكون عندي حساب بنك ؟ وكيف يوصلولي هوا وباقي الخطوات وهل ممكن يتوقف المنتج اللي ابغاه بالمطار ؟؟

بصراحة الموقع اسعاره رهييبة مثلا الليبو 6 عندهم بــ 89 ريال بدون مصاريف الشحن يعني تقريبا كله يوصل 100 اليوم كنت ابغا اشتريه من عندنا بالنادي قالي بــ 250 العن ام النصب

الموقع ذا جناااان والله بس ماني عارف كيف اشتري منهم

موقع BodyBuilding معروف وما يحتاج تسأل عن جودة بضاعته
لكن المشكلة اللي نعاني منها هي الجمارك و هيئة الغذاء والدواء
ما تقدر تشتري أي مكملات من الخارج من غير تصريح من هيئة الغذاء والدواء

مستحييل مصاريف الشحن فقط 10ريال !!!!!!! والله لو انه زاجل وترا سعره 250 معقول نسبيا
وبعدين لا تنسى حوسة الجمارك انا اجيب كميات ويالله متعذب من وراهم!!

على العموم يالغالي موضوعك مكانه غلط هنا لو كتبته عند قسم البيع والشراء افضل
وبالتوفيق

اخوي بالنسبه للبدي بيلدنق فعلا جميل لكن انصحك بأمازون فرق بالسعر وانت قارن
امازون اكبر موقع الكتروني لكل شي موجود لكن ميزه بدي بيلدنق انه يعطيك عروض وفيه عروض ان كنت بتي تشتري ستاك او مثلا نو اكسبلود تاخذ ثلاثه يعطونك واحد هديه او ثنين بس ماتحتاج مثل هل عروض
انصحك بأمازون بخصوص الطريقه تختلف من دوله لدوله ومن شركه للأخرى وانا من الكويت وماعرف طريقتكم
بالتوفيق

اول شي انا من الكويت يعني ما ادري عن السعوديه

ومثلك عارف كل بلد وله قوانينه الخاصه فيه

_______________________________

اول شي روح لشركة اراميكس وافتح حساب وقيمته تقريبا بالريال السعودي 120 ريال سعودي مدي الحياة

ومقابل هالمبلغ يفتحون لك حساب في امريكا
وحساب في بريطانيه .

والشي الثاني تحتاج الي كريم سبلا (بطاقة فيزا - او - بطاقة ماستر كارد)


وسلامتك وتعيش تطلب من الموقع وتحط عنوانك اللي بامريكا بما ان الموقع من امريكا

والسداد عن طريق الفيزا او الماستر

واتمني اني قدرت افيدك


تحياتي