ازيد اوزان ودش في كمال الاجسام والتضخيم .

السلام عليكم ورحمة الله وبركاته

بعد التحيه :

انا مبتداء بعالم الحديد وكمال الاجسام وعلى حسب علمي او اللي بسويه اني اشيل الدهن من جسمي وبعدها

ازيد اوزان ودش في كمال الاجسام والتضخيم .

هل كلامي سليم او لاء ؟ :blackeye:

________________________________

اما سؤالي وكل الخوف اني شريت 3 اشياء واسالكم هل يتعارضون مع بعض او فيهم غلط او لاء ؟

المنتج الاول : oxy elite pro

ملف مرفق 329800

رابط الصوره هنا

المنتج الثاني : ultimate carnitine liquid

ملف مرفق 329801

رابط الصوره هنا

هل المنتجين يتعارضون مع بعض وشنو الكميه والقدر اللي راح اخذهم .. علما اني داش جدول من اسبوع فقط

طبعا المنتج الثالث هو :amilean كريم

ملف مرفق 329802

رابط الصورة هنا


وهذي بياناتي : بالاسفل

ملف مرفق 329803

http://files03.arb-up.com/i/00209/beend4ym8l7r.jpg


اليوم يالذيابه لاني ببلش فيهم وتحياتي لكم :blackeye:

وعليكم السلام
كلامك مضبوط بس ياريت الوزن والطول والعمر ونسبة الدهن
لا مافيه تعارض وكورسك ممتاز اذا كان متبوع بنظام دايت وتمرين قاسي خصوصا الكارديو
تعرف طريقة الاستخدام اذا ما تعرفها قول وانا اعلمك
موفق اخوي بس انصحك تبلش فيهم بعض رمضان لانه هالمنتجات ان خذتهم لازم تشرب ماء واجد و الوجبتين برمضان متأخرين يعني جسمك راح يعبي كرش فاضل شي تنتظر ليمن يخلص رمضان وهيأ نفسك حاليا بالدايت والكارديو والسويدي ولا تنسى تلعب حديد اوزان خفيفه واتبع موضوع ابو راشد حقق حلم السكس باكس كل 3 ايام وترك تلقاه بالمواضيع المميزه
بالتوفيق

شكرا اخوي ناصر ..

يعبي كرش @@ وبعدين بقولك شي يمكن يسمح لي اني اخذهم انا انام 8 او 9 الصبح وقعدتي 6 المغرب ماعدا اوقات الصلاة ورد انام لاني مجاز هالشي ما يخليني اخذهم ؟

وكم مقدار الماء الطبيعي اللي اشربه باليوم جم اقلاص ؟


عمري 31

اما البيانات كلها باخر صوره

طولي 164
وزني 76
الدهن 26

علماً باني مسوي رجيم من شهر ابريل (4) الماضي لان وزني كان 90 :)

تعرف طريقة الاستخدام اذا ما تعرفها قول وانا اعلمك

ياريت اتعلمني واكون لك شاكر ..


انا العب حديد الحين مسوي ناديشامل بالبيت وداش بجدول صارلي اسبوع اما سالفه موضوع ابو راشد .. فكل الشكر لبو راشد فهو من حفزني للتسجيل معكم ولا يهونون باقي الاعضاء


بس ما قلتو لي طريقة الاستخدام و المقادير بالنسبة للكورس سواء برمضان او بعده ؟


تقبل تحياتي وبانتظار ردك ..

السلام عليكم

بخصوص الاوكسي اليت

اول ثلاث ايام تاخذ حبة وحدة قبل الفطور بنصف ساعة وبعد 8 ساعات حبة ثانية.

بعد الثلاث ايام تاخذ حبتين قبل الفطور بنصف ساعة وبعد 8 حبة واحدة فقط.



بخصوص carnitine liquid ملعقتين شاي في اليوم فقط، يعين شوف لك وقت بعد المغرب مثلاً تكون فيه معدتك فاضية، ويكون الاوكسي اليت صار له وقت,

وبخصوص المنتج الثالث ما قد جربته، بس الي اعرفه انه للتان (يعني للسمار) ويعطي تقاسيم.

شكرا لكم قررت اني ااجل الكورس بعد رمضان بعد الاخذ بنصائحكم

والله يوفقنا شكرا لكم علي وقتكم لي