استشاره للكورس القادم .. لا تبخلون علينا :)
السلام العليكم ورحمه الله
يعطيكم العافيه جميعا وعساكم على القوه
عندي تجهيز حق كورس قادم وحبيت استشيركم بعده منتجات
أولاً :
كـ محفز غروث قوي شرايكم بـ ( لاكيك ) من شركه ماسل تيك
قريت جدوله ببدي بيلدنق وكان شي قوي صراحه
لأني استخدمت الكورس اللي فات " باور فل " من شركه يو اس بي لابس كمحفز غروث
وعطاني نتيجه حلوه بس شفت ان الاكيك أقوى ومدحولي اياه
وبشكل عام شرايكم بمجموعه مسل تيك كامله اللي هي : جاكيك - لاكيك - كريكيك
واللي عنده فكره عن محفزات غروث أقوى لا يبخل علينا
ثانياً :
كـ محفز تستسترون أستخدمت " تستو فريك " وكان قوي وعطاني نتيجه
بس مادري هل أظل عليه ولا أغيره لان في ناس قالوا ان " كاريوتيست " من شركه ماسل تيك أقوى
وفكرت هم بالـ " هالو هاردكور " بس مشكلته ان طلعلي حبوب بجسمي
مع ان قوي حيل وعطاني نتيجه حلوه بس هذا عيبه
وهم ارجع واقول اللي عنده فكره عن محفز تستسترون قوي لا يبخل علينا
ثالثاً :
كـ نيترو أكسيد وأرجنين في آقوى من النانو اكس ناين هاردكور ؟
وشنو اللي له نتايج اقوى من ناحيه البمب النانو اكسن ناين ولا النيتريكس ؟
وبالنسبه " للجاكيك " هل يغنيني عنهم ولا اضعف منهم بالنتيجه ؟
ملاحظه أخيره :
لا تنسون تفيدوني عن مجوعه ماسل تيك كامله : جاكيك - لاكيك - كريكيك
وأعتذر على اطالتي ويعطيكم الف عافيه جميعاً
رد: استشاره للكورس القادم .. لا تبخلون علينا :)
السلام عليكم
بالنسبة للجزء الاول: عموماً شركة ماسل تيك منتجاتها مثل (الجراغي) العاب نارية. دعاية قوية بس اكثر مكملاتهم ما تعطي نتيجة الي يتوقعها الواحد.
والمحفز الي ذكرته للجي اج لو ترجع موقع بودي بلدنق تصنيفه متوسط.
ولو بغيت افضل محفز قرث عند GH MAX من شركة يونيفرسل ممتاز ومجرب.
ثانياً: حفز تستسترون " تستو فريك " نوعية ممتازة، لو بتضل عليه يكون زين بس لو تبغي شي ثاني عند انيمل تيست من شركة يونيفرسل. ممتاز.
ثالثا: النانو قوي بس الي اقوه منه السوبربمب 250 والي مستوى أفضل عند Hemo-Rage Black..
المنتجات الثلاث الي ذكرتهم لشركة ماسل تك تقييمها متوسط وسعرها مبالغ فيه. والموجود في السوق افضل وارخص.
رد: استشاره للكورس القادم .. لا تبخلون علينا :)
عطاك الصافي دانون الرمادي
كمل على تيستو فريك تراه وحش وضيف عليه جي اج ماكس او اج جي اج برو ان حصله
وخر عن الكورس جيكك وليكك وفلسكك هههههههههه عادي حيل هل كورس
رد: استشاره للكورس القادم .. لا تبخلون علينا :)
بلنسبه للحبوب شي طبيعي تضهر ,, كل مازاد التيست في الجسم رح تضهر حبوب وزيادة الشعر >>> بس لاتخاف مو بهذيك القوه لان انت تاخذ محفز وليس هرمون اصطناعي !!
رد: استشاره للكورس القادم .. لا تبخلون علينا :)
الرمادي ، بو مها ، سامي
يعطيكم العافيه على الافاده بس حبطتوني على مجموعه مسل تيك ههههه
بالنسبه للمحفزات الجي اج والتستسترون انشالله ببحث فيهم
اما السوبر بمب اللي ذكره اخوي الرمادي مشكلته الصوديوم اللي فيه
لأن كورساتي مادخل فيهم السكر والصوديوم والكلسترول
يعطيكم العافيه على الافاده
رد: استشاره للكورس القادم .. لا تبخلون علينا :)
المشكله عزيزي الصوديوم تحتاج منه جرعه يوميه واهو مهم جدا للجسم بس بكميه بسيطه
وبعدين الصوديوم مهما تحاول بكل اكل لازم فيه نسبه خفيفه يعني مابيضرك الموجود في سوبر بمب واعتقد خفيفه
الصوديوم موجود بكل الاكل المحفوظ الوجبات السريعه سلطات الملح بالاكل المخللات بكل شي موجود
ومثل مانت عارف الاكل والله يعين بس
موفق ان شاء الله وانصحك بجي اج ماكس مع انيمال تست تكملهم شهرين وراها شهرين انيمال ام ستاك للمحافظه على الي اكتسبته حسب توصيات الشركه
رد: استشاره للكورس القادم .. لا تبخلون علينا :)
منور ابو مها
صدفت الصوديوم مثل ماتفضلت موجود بكل شي
انا الحمدلله مستمر على نظام غذائي معين وعندي يوم واحد بالاسبوع مفتوح بس
يعني الصوديوم اعوضه بالماي بس لاني اشرب كميه كبيره حفاظاً على الكليه
هذا سبب ابتعادي عن الصوديوم في كورساتي وفي اكلي احياناً لاني اعوضه بالماي
وماقصرت حبيبي على المنتجات اللي ذكرتهم انشالله بركبهم بكورس قوي
