عندي بروتين بيج مكس + أمينو10000 +الداينابول methandienone

السلام عليكم ،،،

للي عندهم خبرة يساعدوني ابي ازيد وزني
العب من اربعة شهور زيادة في الوزن فقط 8 كيلو بس طولي 179وزني الحين 78 .
عندي بروتين بيج مكس + أمينو10000 +الداينابول methandienone
بالنسبة للداينابول كورس لمدة شهرين وبوقف عنه .

وعليكم السلام

حياك الله مع احترامي لك هذا هبال مو حديد

عندك احد امرين يا انك تتمرن وتاخذ لك كورس منشط كامل بمواد تنظيف او لا تاخذ

دينبول كذا لحالة انت ما تبحث الا عن نتائج سريعة ومؤقتة

بالتوفيق لك

يعطيك العافية بوراشد

هذا الكابتن اللي قال لي خذا امينو 10000+بروتين + دينبول.لاني قلت له ابقى كورس يرتب جسمي كيف الطريقه صحيحه حق الكورس

وهل الامينو مع البروتين استخدامه على طول او فترة و اوقف عنه ومشكورين

بالنسبة للمدرب لا عاد تاخذ منة كورس لانة يعطيك اشياء غبية ومؤقتة


بالنسبة للأمينو نعم هذا شي ضروري للكورس مثلة مثل البروتين

الداينبول اذا خذيته لازم منظفات و منشط للكبد انا انصحك ابتعد عنه لانه لو تدخلك كورس هرمون افضلك

يعطيك العافيه بو راشد

(معليش تحمليني أسألتي كثيره )
طيب وش اسوي الحين

ادخل كورس مكملات فقط ,, بروتين + امينو وخذلك منتج بمب اذا كنت فوق ال18 ! كامثال n.o.xplode او غيرهن ,,,وثاني شي الديانبول ماينفع لحاله مثل ماقال اخوي ابو راشد نتائج مؤقته + اضرار كثيره اوله اقماع التيست الطبيعي في الدم ! يعني باختصار لو اخذت الديانبول لازم تاخذ معاه عل اقل تيست وغير هرمون علشان النتائج تكون افضل بجانب مواد التنضيف والخ ,,,,,

يعيطكم الف عافيه
انا عندي liev>52 يقول المدرب انه سفتي ...
يعني الحين أستخدمه او لا .
عمري 22
طولي 179
وزني 78

ماينفع استخدام الديانبول لحاله ,, لان ماراح يزيدك شي ! مثل ماقتلك عل اقل بجانبه التيست ,, وعلى فكره مافي استخدام شهرين ! اقصى حد 6 اسابيع لتاثيره الضار عل كبد ومن فوق ال6 اسابيع النتائج تبدي تنخفض ,,,,, وممكن لحاله يسببلك عقم على فكره يعني , لهذا اي كورس هرموني لازم يكون بجانبه التيستوستيرون لتفادي مشاكل انخفاض التيست في الجسم وهذا شي جدا خطر ! انتبه !

نصيحتي لك لتجرررب الدينابول نهائين عن تجربة طبعن


الدينابول طبعن في فترت الاستخدام راح يفجر جسمك انة خذته على هيئة كوورس وبصراحة اوزاان كل فوق واداء جدا جدا روعة


لكن من عيوبه ان يتسر لك العضلة كله مااي يعني لو خلصت الكورس لزم اتسوي تخسيس لان العظلة بتصير مثل البالون وطبعن راح اتعاني معا هل مشكلة مثل ماعانيت


وراح يترس جسمك كله حرار في الظهر فترت استخدامه

ابصراحة هرمون فاشل وخطر ومانصح احد في استخدامه

ماشاء الله عليك ,, زدت 8 ك في 4 شهور ,, انجاز بعينه
ودليل ان جسمك له قابلية البناء من غير منشط يتلف الكبد مثل الداينبول ,,

نصيحة ,, خليك ع المكملات وابتعد عن الداينبول لانه رح يكون مضر جدا من غير تستسترون

بالتوفيق

الكورس اللي ماخذه انا بالطريقة هذي على كلام المدرب
كل اسبوع ازيد حبة
2-3-4-5-5-4-3-2
انا ابي أضخم جسمي ابيه يصير تمام وش الحل ؟؟ وأتمنى أن تجدون لي حل
على فكرة انا كلمت كذا شخص قلت ابي اضخم طبيعي يقولون ما في امل
البروتين مع الامينو شي اساسي..وانعرض على الداينابول وانتو ماراح تقصرون معي ان شاء الله بتفيدون اكثر.

ويعطيكم الف عافية مشكورين؟؟؟

اقتباس:

---

المشاركة الأصلية كتبت بواسطة متدرب حديد

الكورس اللي ماخذه انا بالطريقة هذي على كلام المدرب
كل اسبوع ازيد حبة
2-3-4-5-5-4-3-2
انا ابي أضخم جسمي ابيه يصير تمام وش الحل ؟؟ وأتمنى أن تجدون لي حل
على فكرة انا كلمت كذا شخص قلت ابي اضخم طبيعي يقولون ما في امل
البروتين مع الامينو شي اساسي..وانعرض على الداينابول وانتو ماراح تقصرون معي ان شاء الله بتفيدون اكثر.

ويعطيكم الف عافية مشكورين؟؟؟

---

افتح موضوع خاص بك

وكيف مافي امل ..مواي كلام تسمعه ياثر فيك