ياليت تنصحوني بمكملات تحافظ على العضل مع تقليل نسبة الفات

السلام عليكم ورحمة الله وبركاته

شباب ابي مكملات تساعد على الحفاظ او تساعد على ابراز العضلات مع تقليل نسبة الفات

طبعا انا كان وزني فوق ال 100
وحاليا وبفضل الله وزني قدرت اني اثبته مابين ال 74 و 73
ونسبة الدهون والله محتار اي نسبة دقيقه اكثر الجهاز اللي بالصيدليه 18%
اما طريقة قياس محيط الخصر 16%
على العموم انا مثل ماسمعت ان اقل من 18 يقدر الواحد يدخل ضخامه
انا عمري ماستخدمت اي منتج لما كنت مسوي رجيم فكرت ادخل ضخامه بس بالاول
ابي ادش كورس تنشيف عشان اقدر اقلل من نسبة الدهون اكثر
انا اقدر انزل من وزني من غير اي منتج بس انا خايف على العضلات لاتروح مع الرجيم ههههه
انا المدرب نصحني في امينيو وصراحه ماذكر لي شنو نوع الامينيو

وياليت تنصحوني بمكملات مع طريقة الاستعمال

السلام عليكم

ما شاء الله شغل ممتاز ويعطيك العافيه عليه،،ن

اجهزة قياس الدهون ما تكون دقيقة دائماً، لانه تقيس على اساسا الجسم العادي ما يدر الجهاز الشخص معضل أو لا.

في حال انك تسوي رجيم مع ضخامة ما يصير ابد،،،
لان الضخامة تحتاج تغذية قوية وسليمة في نفس الوقت،،

عدل تغذيتك بحيث تقل النشويات والدهون السكريات فيها وكثر من البروتينات في وجباتك،، بس لا تمنع نفسك من شي،

ومع استخدام بروتين وي أو ايسوليت مع امينو اي امينو ويمكن يناسبك سوبر أمينو 4800 راح تحصل نتائج طيبة إن شاء الهل

بالنسبة للأمينو ثلاث حبات بعد الفطور وقبل التمرني وبعد التمرين ويوم الراحة نفس الشي بعد ثلاث المساء.

والبروتين ثلاث جرعات في اليوم الصبح وبعد التمرين وقبل النوم.

عليكم السلام اخي
ما شاء الله يا بطل عاشت ايدك على الشغل الصح
بالنسبة لسؤالك حول المكملات التي تحافض على العضل استعمل الواي بروتين و الامينو و الجلوتامين فهذه المكملات تحافض على العضل و لكن طبعا بنظام غذائي و اذا عندك اي سؤال احنة حاضرين
بالتوفبق

مشكورين والله يجزاكم خير

بخصوص الامينيو اللي اخذته من المدرب امينيو 2222 استعمله ولا اشوف غيره وانا شباب راح ابلش الكورس
بعد العيد ان شاء الله ياليت لو تشرحون لي المكملات اللي احتاجها وطريقة استعمالها انا المدرب قالي
ثلاث حبات قبل التمرين وثلاث بعد التمرين هل هذا صحيح ولا لأ وبخصوص الامينيو 2222 زين ولا اغيره
ومشكورين

اقتباس:

---

المشاركة الأصلية كتبت بواسطة SportsMan

مشكورين والله يجزاكم خير

بخصوص الامينيو اللي اخذته من المدرب امينيو 2222 استعمله ولا اشوف غيره وانا شباب راح ابلش الكورس
بعد العيد ان شاء الله ياليت لو تشرحون لي المكملات اللي احتاجها وطريقة استعمالها انا المدرب قالي
ثلاث حبات قبل التمرين وثلاث بعد التمرين هل هذا صحيح ولا لأ وبخصوص الامينيو 2222 زين ولا اغيره
ومشكورين

---

امينو2222 ضعيف وحبوبه كبيره يعني لوبلعومك صغيروماتقدرتبلعه الله يعينك.
استعمال 2222
4 قبل التمرين بمده (للهضم) + 4 بعده +2 مع العشا
....
فهمت من موضوعك انك تبغا تنشف وتحافظ عالعظل
اذا انسب كورس
بروكمبلكس أو واي بروتين(لواخذته فخذ ملتي فايتمن) + امينوتك او10000 + جلوتامين اواكستند
وتقدر تضيف حارق دهون

بالتوفيق

ماقصروا الاخوان انصحك حاول تضخم ونسبه الفات بحدود 8-13% عشان ماتتعب بعدين لما تنشف صدقني
لما تلعب ضخامه وانت 18% وتوصل نسبه الفات لي 25 او 30 بتتعب حيل وبتقول شلون بنشف واحافظ على العضل وبتدخل بدوامه انت بغنى عنها
حاول لما تبلش تكون مثلا 10% حتى لو ضخمت بتوصل ممكن 16 او 18 بالكثير حيل يعني
ولما تنشف شهرين مع فات برنر ودايت محترم وتمرين الى شغلك تمام وترد للنسبه المثاليه 10% نصيحه وعسى الله يوفقك استمر لاتوقف وبالنسبه للمكملات ماقصروا الاخوان
خذ برو كومبلكس + امينو تك او سوبر امينو او 10000 مع جلوتامين مهم عشان الحفاظ على العضل ويحفز القروث مهم جدا تستخدمه ولاتتركه
ولكن بالبرو كومبلكس موجود فيه جلوتامين ,, فماتحتاجه اما ان خذيت وي بروتين لازم تضيف جلوتامين والفات برنر انصحك بالاوكسي اليت انا بجربه بعد العيد ان شاء الله
وكل عام وانتم بخير