عرض للطباعة
السلام عليكم ..
اشحالكم شباب ان شاء الله طيبين ..
ابي نصآيح كيف ابدا بالتمآرين الرياضيه وهذه البيانات :
العمر : 18
الوزن : 85
الطول : 171
نسبه الدهون : 27% (غير متأكد لاني طلعت النتيجه من الموقع)
حاليا وقبل كل شيء لازم اوصل للوزن المثالي وهو 70 كيلو واخفض نسبه الدهون فايش الحل ؟ ..
وطبعا ياليت لو في نظآم غذائي يناسب ووزني .
وطبعا بدون حبوب << كل من اسال وآحد ينصحني ابتعد عنها وانها غير صحيه ولها مضاعفات (اتمنى حد يصحح لي المعلومه) :silly:
بآنتظآر ردودكم :)
اخوي وزنك مثل وزني في بداياتي قبل لا ادش الجيم وطولك تقريبا قريب من طولي
اول شي لاتسوي مثل ماسويته انا اني عملت رجيم قاسي وماكنت العب حديد فنقص وزني بسرررررعه وصار لي ترهلات كثيرة والحمد لله الحين بعد 5 اشهر الترهلات خفت وصار احسن
واول شي تفكير فيه انك تعمل نظام غذائي خالي الدهون والكاربوهيدرات فيه فليلة والبروتين يكون عالي وثاني شي الكارديو الي اهوة المشي ونط الحبل والدراجة وووو وثالث شي الحديد
وانتظر ردود الكباتن وبيقولون لك نظامك الغذائي
تسلم اخوي يوسف ع الرد السريع ..
بخصوص الحديد ابدا من الحين ولا اول شيء تمآرين سويديه وبعدها انتقل للحديد ؟ بصراحه حاليا يهمني التقسيم الفرنسي لاكن مأعرف متى ابدأ
نط الحبل ؟ هذا في ايش يفيد بالضبط (اي عضله بالجسم ؟)
ومشكور اخوي على النصايح . موفق
اقتباس:
المشاركة الأصلية كتبت بواسطة w4rr10r
نسبة الدهون عندك مرتفعه لذلك
دايت صحي + رياضه + حارق دهون (غيرضروري) = نزول صحي
انصحك بالبدايه لاتلعب حديد بل اتجه للتمارين السويديه و الكارديو لمدة 45 دقيقه, بحيث تكون فترة ممارستك للرياضه من ساعه ونصف الى ساعتين
الدايت
الفطور
3 بياض بيض مسلوق + نصف رغيف بر + قطعة جبن خفيفة الملح + كاس حليب قليل الدسم
الغدا
صدر دجاج مسلوق اوسمك مشوي + صحن سلطه كبير اوشوربة خضارطبعا بدون ملح
العشا
3 بياض مسلوق + زبادي قليل الدسم
ملاحظات
- لاتشرب الماء قبل او بعد الاكل مباشره بل قبله بنصف ساعه وبعده بساعه على الاقل
- استعمل سكر ستيفيانا لتحلية مشروباتك الساخنه
- ابتعد عن الغازيات جميعها
- خذلك من الصيدليه منتج اسمه دايناميزن بعد الفطور خذ منه حبه
موفق باذن الله
اخوي بالنسبة للكارديو افضل شي الجري وهو الي بينزل دهون الجسم كامل
اما الدراجة ونط الحبل وهذلين ماله تأثير كثر الجري وكل سبوع حاول تغير في الكارديو والعب 5 ايام في الاسبوع
ولاتنسة الاكل الصحي مثل ماقال ذه كاست وابتعد عن المقلي والدهون اهم شي وحاول انك تاكل بروتينات كثيرة علشان لاتخسر عضل مع الدهون
ملاحظه
اقصد بالكارديو على المضمار او السير
دقيقه مشي ثم دقيقتين مشي سريع ثم دقيقه هرولة ثم دقيقه جري وتعيد الكره..
يعطيكم الف عآفيه ياشباب ع المسآعده والله يزيدكم علم ويحقق مرآدكم ..
بخصوص حآرق الدهون لو شريتها متى اكلها بالضبط وهل لازم التزم فيها ؟اقتباس:
دايت صحي + رياضه + حارق دهون (غيرضروري) = نزول صحي
شلون يعني تحليه ؟ مآفهمت :(اقتباس:
- استعمل سكر ستيفيانا لتحلية مشروباتك الساخنه
وش وظيفه الحبه بالضبط ؟ واسمحلي اخوي على كثر الاسئله لا تلومني تراني مبتدأ واتعلم منكم :)اقتباس:
خذلك من الصيدليه منتج اسمه دايناميزن بعد الفطور خذ منه حبه
واخوي يوسف ان شاء الله راح التزم بكل نصآيحك بس شددتني كلمه من ردك
ممكن اخسر عضل ؟ في حال مآكلت بروتينات !!اقتباس:
لاتخسر عضل مع الدهون
الله يعين والله كمال الاجسام طلعت قصتها طويله
..............اقتباس:
المشاركة الأصلية كتبت بواسطة w4rr10r
بالتوفيق
وياك اخوي ذآ كآست ..
في امان اللهـــــــــ,