ابغى نصائحكم خصوصاً للكرشه لأني ناوي وبقووه على الـ six packs

السلام عليكم ..

مساكم الله بالخير جميعاً ..

ياليتي والله عارف المنتدى من زمان .. ماشاء الله فيه اعضاء عندهم خبره كبيره ان شاء الله نستفيد منها ،،

سؤالي اخواني .. انا عمري 18 لي اتمرن تقريباً حديد شهرين او شهرين وشوي بس المشكله انها متقطعه ،،

الكلام بدايتي الكبرى كانت بالكارديو قبل الحديد .. الحديد كان قبل شهرين بدايتي فيه .. وكان وزني 78 وطولي 175 ونسبة الدهون 24%

بعد شهرين نزلت تقريباً لـ 72 او 71 بنسبة دهون 21 او 20 ،،

بعد الحديد والقياسات الاخيره كانت نسبة الدهون 17 + وزني 68.5 .. القياس اللي قبل هذا وصلت 68 ونسبة دهون 18.6 ،،

مادري بشهر حلوه 1.6 + زيادة نص كيلو ..

استخدمت فقط ELITE فتره ولا جاز لي .. مشيت مع الـ procomplex + امينو 2222 والحمدلله فيه تغيير

المؤخره المشكله العظمى كان محيطها 111 صانتي والحين 93 بس لازلت اطمح للافضل ودي امسحها مسح !

الكرشه كانت 89 اعتقد او 88 الحين 80 ..

وشرايكم بالنتايج ؟ حلوه او مب حلوه .. المشكله ان للحين فيه كرشه بسيطه ومؤخره خفيفه ماتضيق الصدر زي اول

الباي عندي جيد جداً وتقدمه واضح وحلو لكن التراي نص ونص باقي لي شوي ..

ابغى نصائحكم خصوصاً للكرشه لأني ناوي وبقووه على الـ six packs .. هي المهمه الكبرى حالياً ..

بعدها وبعد ما اعرف تفاصيل جسمي ناوي اضخم واقسم ان شاء الله مع الوقت

مع العلم اني اخذ 15 دقيقه كارديو وبعدين اخش حديد واطلع ..

بزيد الكارديو بهرول بعد الحديد حوالي ربع ساعه .. ابي احرق الكرشه والمؤخره ..

نسمع نصائحكم وتوجيهاتكم خصوصاً للكرشه والمؤخره والسكس باكس ..

يعطيكم العافيه ..

تم تعديل العنوان راجع القوانين ..

ياهلا فيك بالمنتدى

اذ كنت حاب بـــ six packs

يستحسن انك تستخدم بروتين زيرو تشقر وزيرو فات وتنضم طريقة اكلك ويكون افضل اذ تستخدم دايت

اتمنى اكون افدتك,وان شالله الاخوان ماراح يقصرو

شكرا.

^

مو غلط يستخدم مكملات او هرمونات و هو لسه 18 ؟
اعقتد انها لل 20+ ؟

لاتفكر بهرمونات وانت صغير ومبتدأ لاتعتقد انها سحر الهرمونات تحتاج عنايه بالاكل وقوه فيه غير المكملات وزياده جرعاتها غير وقت التمرين وادقانك للتمرين
يالحبيب وينك رايح بس
شوف ال6 باك مو بس تلعب معده هذي اللتزام بالدايت والكارديو اقل شي 30-45 تلعب ومعده تلعبها ثلاث مرات بالاسبوع يوم وترك وشوف جدول اخونا بو راشد
وتحتاج انه تكون نسبه الفات عندك 10% تزيد او تنقص بشي بسيط عشان تبين وطبعا ماتبين الى ان كانت ضخمه ومشدوده المعده
وبالنسبه للمكملات مكملاتك زينه كمل على البرو كومبلكس و 2222 وان حبيت تقدر تضيف فات برنر لعمرك اوكسي اليت ممتاز

مو غلط يستخدم مكملات او هرمونات و هو لسه 18 ؟
اعقتد انها لل 20+ ؟
..

عادي يستعمل مكملات في ال18 باستثناء بعضها
اما الهرمونات لا

يعطيكم العافيه على النصائح ،، ان شاء الله بكمل عليها ..

وبزود مدة الكارديو لـ نص ساعه يومياً ..
:)

السلام عليكم ...
وما شاء الله الابطال ماقصرو بالردود ...

ولو تهتم بالتغذية اخوي وتركز على البروتين وان شاء الله بتوصل لهدفك

الله يعطيك العافيه ،،

ان شاء الله ببدا من بكرا برجع النادي لأن من قبل العيد بيومين او ثلاثه مارحت ،،

شكراً جزيلاً ..

شوف يا عزيزي..من واقع خبرة لمدة سنة لمحاولة اظهار الـ 6 باكس

أول شي لا تحاول ولا تفكر انك تذوب الكرشة و تكبر العضلات في نفس الوقت..
لأنه كل هذا راح يكون تضييع للوقت و للمجهود..و هذا الكلام من تجربة شخصية..
ثاني شي..لعب تمارين البطن بدون اوزان و لمرات تتكر بين ثلاث الى مرتين اسبوعيا..ما راح تكبر عضلات بطنك
لكن راح تزيدك قوة تحمل لا اكثر ولا أقل..
ثالث شي..مافيه تمرين معين يستهدف تذويب الكرشة بحد ثاتها..و من الأصل مافيه اي نوع من التمارين يستهدف منطقة معينة من الدهون
جسمك راح يذوب الدهون على حسب هرمونات جسمك..و انت استمر في التخسيس لين ما يبدأ جسمك بحرق الكرش بنفسة

الحين لازم تختار..يا انك تذوب الكرشة أول و بعدين تبني عضلات البطن
أو انك تبني عضلات البطن و بعدين تذوب الكرشة اللي مغطية العضلات

و أنا شخصيا أرشح انك تبني أول و بعدين تذوب..
لأنك اذا ذوبت اول..راح تطلعلك الكرش مره ثانيه و انت قاعد تبني

و بالنسبة للبناء..تلعب بطن مرة وحدة بالأسبوع..لكن بمجهود عالي

أربع تمارين

التمرين الأول طحن..بوزن عالي
التمرين الثاني بطن علوي بمسك وزن 10 إلى 25 باوند..
التمرين الثالث بطن سفلي بمسك وزن من 5 إلى 15 باوند بواسطة القدمين
التمرين الرابع جوانب البطن بمسك وزن من 25 الى 45

جميع التمارين بثلاث جلسات و بـ 15 عدة لكل جلسة..

طبعا شي طبيعي جدا انك راح تستمر على هذي الحال لمدة توصل الى 6 شهور من دون ما تبين اي عضلات في بطنك
راح تحس بزيادة قوة بطنك بين كل شهر لكن ماراح تلاحظ بروز للعضلات..و السبب ان الكرشة الحلوه الأموورة مغطية العضلات مهما كانت كبيرة

و بمجرد ان تنتهي من تضخيم العضلة و تلعب تنشيف لشهر واحد فقط (لعب بجدية و التزام)..راح تتفاجأ بالنتائج..!!
و ماراح تصدق انه كان عدك هذا المقدار الجيد من عضلات البطن
و هذا اللي صار معي و راح تدعيلي ان شاء الله

استفدت مرره ماشاء الله عليك ..

بس المشكله 6 شهور .. شيء يضيق الصدر اذا فكرت بالوقت ... لأني نحيف اصلاً بس زوايد بسيطه وهذا بعدي عن السكس باك ...

المشكله انا ودي اذووب الكرشه اول وعجزت وشكل الخطا اللي انا طايح فيه اني احاول ابني + احرق مثل ماقلت

يعطيك العافيه والله يجزاك خير من جد استفدت ..

اقتباس:

---

المشاركة الأصلية كتبت بواسطة fares allil

التمرين الأول طحن..بوزن عالي
التمرين الثاني بطن علوي بمسك وزن 10 إلى 25 باوند..
التمرين الثالث بطن سفلي بمسك وزن من 5 إلى 15 باوند بواسطة القدمين
التمرين الرابع جوانب البطن بمسك وزن من 25 الى 45

جميع التمارين بثلاث جلسات و بـ 15 عدة لكل جلسة..

طبعا شي طبيعي جدا انك راح تستمر على هذي الحال لمدة توصل الى 6 شهور من دون ما تبين اي عضلات في بطنك
راح تحس بزيادة قوة بطنك بين كل شهر لكن ماراح تلاحظ بروز للعضلات..و السبب ان الكرشة الحلوه الأموورة مغطية العضلات مهما كانت كبيرة

و بمجرد ان تنتهي من تضخيم العضلة و تلعب تنشيف لشهر واحد فقط (لعب بجدية و التزام)..راح تتفاجأ بالنتائج..!!
و ماراح تصدق انه كان عدك هذا المقدار الجيد من عضلات البطن
و هذا اللي صار معي و راح تدعيلي ان شاء الله

---

أسف للممداخلة ... لكنيأعاني من نفس مشكلة تقريبا

ماهي تمارين البطن العلوي و السفلي و جانبي .... ؟

اتمنى من احد الاخوه يفيدني بخصوص البرو كومبليكس ..

لأني اخذ سكوبين مع حليب قبل التمرين وسكوبين بعد التمرين مع مويه ،،

والامينو اخذ حبتين قبل التمرين وحبتين بعد التمرين..

واحس ان البروتين طول معي ! .. له شهر ونص او شهر وشوي تقريباً وباقي فيه الربع .. فيه شيء خطا ؟

والبطن والارداف مسويه مشكله معي حارمتني من الاداء والتفائل بصراحه ،، :(

انتظر نصائحكم :)

اقتباس:

---

المشاركة الأصلية كتبت بواسطة alsqar

استفدت مرره ماشاء الله عليك ..

بس المشكله 6 شهور .. شيء يضيق الصدر اذا فكرت بالوقت ... لأني نحيف اصلاً بس زوايد بسيطه وهذا بعدي عن السكس باك ...

المشكله انا ودي اذووب الكرشه اول وعجزت وشكل الخطا اللي انا طايح فيه اني احاول ابني + احرق مثل ماقلت

يعطيك العافيه والله يجزاك خير من جد استفدت ..

---

دام الزوائد بسيطة ان شالله تقدر تخلص في اقل من 6 شهور .. لكن من المعلوم انك ما تقدر تشيل الكرشة باي تمرين لعضلات البطن كان .. لازم تلتزم بحمية وكارديو لازالة الكرش وبالنسبة للسكس باك فباذن الله تقدر تطلعها في فترة بسيطة بتمارين البطن اذا ماكان عندك كرش .. انا اعرف 2 من اصحابي نحاف جلد على عظم .. سووا شوية تمارين وطلعوا السكس باك بسرعة .. واحد منهم طلعها في اقل من شهر

المشكله بالتخبط العظيم ..

بعض الناس تقولي لاتسوي ريجيم بس التزم بالاكلات اللي فيها بروتين حاول تركز عليها ،، وابتعد عن البطاطس والطقه هذي ..

والثانين يقولون سو حميه ،،، وبعضهم يقول لا عشان وزنك نازل شوي بس عندي زوائد تجيب الهم ..

وزني 68 وطولي 175 ونسبة الدهون 17 وعندي شوي كرش ومؤخره !

شيء يجيب الهم :( !

الله يعطيك العافيه ،