@@ حالياً امينو انابولك 10000 مضرووووب @@

السلام عليكم ورحمه الله وبركاته

احب احذر الشباب اللي موجودين في السعوديه وبالتحديد في الرياض
وقد يكون موجود في اماكن اخرى غير الرياض

حالياً موجود في السوق السوداء امينو انابولك 10000 مضروب
تم تغيير تاريخه نظراً لقرب انتهاء تاريخ كل اللي كان موجود في
السوق كان تاريخه ينتهي بتارخ 12 / 2010 و الموجود
حالياً هو نفسه بس تم تغيير التاريخ ليكون الانتهاء 2012
ولكي يتأكد اي شخص قبل الشراء تاريخ المنتج يجي من الشركه
على جانب العلبه ويكون مكتوب باللون الابيض واللي تم تغيير تاريخه
يجي التاريخ مكتوب اسفل العلبه باللون الاسود

هذي صورة المنتج
ملف مرفق 330991

ارجو انه وصل التنبيه للجميع
طبعا يا اخوان الكلام هذا مهو من راسي
انا شغال في المكملات في السوق وشفت
هذا بنفسي وتأكد انه مغيير تاريخه

طيب انا اللي عندي نفس الكلام مكتوب اسفل العلبه على انه يخلص 9/2012
لاتقولي انه مضروب هو بعد وش باقي ماشريته وماطلع مضروب
ياساتر على عيال الحرام كل شي عندهم صار حلااال
مشكور اخوي kd939 وماهو بغريب على ابن ناس زيك يوضوح لناس
الله يسعدك ويرزقك ويحفظك

تحياتي لكـ

تأكد وانا اخوك لاتنزل شي الا وانت متاكد ياغالي
بالفعل الموجود فالسوق ينتهي في تاريخ 10/12 بس يمكن وصلت دفعة جديدة منه
هل يمكن احد يراسل الشركة ويفيدنا هل العلم صحيح او لا




راح انزل صورة للمنتج القديم واللى لازال عندي منه علبه شغال عليها ولله الحمد


ملف مرفق 330993



شكراً على التنبيه ياغالي

انا بصراحه طالع البحرين نهاية الاسبوع واخذ اغراضي بلا مضروب بلاهم اماكن مضمونه واسعار احلى


مشكور على التنبيه انا تو خلصت العلبه الي عندي ولاشريت غيرها نويت اغير النووع

!!!!! اخوي سؤال انت تاكدت من الشركه انه التاريخ الجديد يكتب فقط على جانب العلبه
ولا تفتي للعالم من راسك
كلم الشركه وتواصل معهم وقولنا وش يقولون لك
انا جايب من نفس الشركه مو معقوله انه هم غشاشين وبخربون سمعة المنتج حقهم
ترا هذي مسؤليه وانا اخوك تحاسب عليها
لا تقول شي الا تكون متاكد 100% لا تصير مثل واحد الله يستر عليه كل شوي وهو طالع من منتج ويقول مضروب
ولو انك صادق مثل ما قول انك شغال فيها كان عرفت الفرق بينها وبين القديم
اولا التاريخ المطموس يبين باي طريقه
ثانيا العلبه ولزقتها تختلف عن القديمة لو عندك ملاحظه
ثالثا والاهم الغطاء حق العلبه من الداخل الجديد لاصق بالعلبه والقديم ينفك على طول بمجرد فتح العلبه !!!!

^^^^^^
كلام الوحش ذا رووك 10\10

اقتباس:

---

حالياً موجود في السوق السوداء امينو انابولك 10000 مضروب
تم تغيير تاريخه نظراً لقرب انتهاء تاريخ كل اللي كان موجود في
السوق كان تاريخه ينتهي بتارخ 12 / 2010 و الموجود
حالياً هو نفسه بس تم تغيير التاريخ ليكون الانتهاء 2012
ولكي يتأكد اي شخص قبل الشراء تاريخ المنتج يجي من الشركه
على جانب العلبه ويكون مكتوب باللون الابيض واللي تم تغيير تاريخه
يجي التاريخ مكتوب اسفل العلبه باللون الاسود

---

طيب يا ذكي اللحين الي طمس التاريخ ليش ما كتب التاريخ على نفس المكان التاريخ القديم !!!!
وبعدين بدون ما اكثر كلام والاخ الي فوقي ما قصر انا اعرف ناس في امريكا ووالله بدون حلف ايمان اني سالتهم عن الامينو 10000 الي عندهم قالوا بنفس الحرف التاريخ الجديد لشركة الانابولك يجي تحت العلبه .....
بالتوفيق وشاكر لك على اهتمامك

الله يستر عندى واحد بينتهى بعد 3 شهوور
مع انى مرتاح لهذا المنتج وان شللله مايكوون مضرووب

انا والحمدلله المحل الي اخذ منه ما يجلس عنده المنتج اسبوعين،،

ما شاء الله شباب الشرقية سحبين السوق سحاب

حاليا العلبة الى عندى ليس مكتوب عليها اى تواريخ بجانب العلبة

اسفل العلبة يوجد ورقة بيضاء لاازق مكتوب عليها التاريخ

11/2012

اقتباس:

---

المشاركة الأصلية كتبت بواسطة الرمـادي

انا والحمدلله المحل الي اخذ منه ما يجلس عنده المنتج اسبوعين،،

ما شاء الله شباب الشرقية سحبين السوق سحاب

---

انا من الشرقية اخوي ولا عليك امر وين المحل .. بالنسبه للامينو 10000 ولله الحمد جبته من برا

اولا اشكر الجميع على مرورهم
ثانيا انا مالي مصلحه اني اقول عن منتج مضروب من راسي زي ما يقول بعض الاخوان
للاسف خير تسوي تلاقي في المقابل شر
ياعزيزي انا شغال في بيع المكملات وللمعلوميه ما عندي هنا موضوع لبيع المكملات عشان تقول بمشي سوق
البضاعه اللي عندي وانا اعرف المنتج الاصلي من المضروب انا طالب كميه كبيره منه الانبولك 10000 وشغال
فيه من زمان وعارف وين يجي التاريخ ولما جات الدفعه الاخيره واطلعت عليها وواجهت المورد بهذا الكلام
وهو من كبار الموردين في الرياض بالجمله ويعرف اني عارف السوق واللي يحصل فيه من تغيير تواريخ
ولعب رد علي وقال والله المنتج مغير تاريخه وهو الموجود سابقا اللي ينتهي نهاية 2010 .
ثالثاً واخيراً هذي نصيحه قلتها لوجه الله وسوف أحاسب أمام الله على كل حرف كتبته
اللي يبغا النصيحه ياخذه والا ابي منه جزاء الجزاء من الله سبحانه
واللي ما عجبه كلامي ولا هو مقنعه يستخدم المنتج عليه بالعافيه ( بس لا يجي يقول انت تقول كلام من راسك ) .

ملاحضه المنتج اللي تم تغيير تاريخه هو نفس العلبه القديمه

مكتوب عندي اسفل اللعبه انه ينتهي في 2012

طيب أنت تقول انه ينتهي في12 / 2010

باقي على شهر 12 تقريباً أكثر من شهرين

اقدر استعمل المكمل عادي ؟ راح اخلصه قبل شهر 12

ولا راح يكون علي ضرر ؟

تقدر تخلصة قبل موعد تاريخ ولا عليك ضرر باذن الله

انا عندي علبتين

علبة فالدوام اقصد ربع علبة

وعلبه كامله فالبيت والنادي

واعرف انها راح تخلص حتى قبل بداية شهر 11

دام انك بتخلصها قبل شهر 12 لاتخاف وانا اخوك

الله يسعدك ابومالك ,,

دليل على حبك للخير لاخوانك وان شاء الله من موازين حسناتك