جسمي مليان دهون اتمنى مساعدتكم

بسم الله الرحمن الرحيم

صبحكم الله بالخير اخواني


حقيقة اول مره ادخل منتدى وانزل مثل هالموضوع ولكن اشعر اني بحاجة لمساعدتكم
وان شاء الله مانتم مقصرين

يااخوان انا اعاني من نسبة الدهون الهائله بجسمي وكل مالها تزيد
حاولت العب رياضه واركض يوميا اخفف من الاكل
ممكن ينقص الوزن لكن جسمي باين عليه الدهون في الصدر والكرش وانتفاخ الوجه والرقبه
والمشكلة ماعندي امكانية ماديا ادخل نادي
فمادري تنصحوني بايش اتمنى مساعدتكم
انا ابي اقلل من الوزن اخفي الدهون من الصدر واخفي الكرشه
اتمنى يصير جسمي رياضي
ولكم جزيل الشكر

صبحك الله بالنور أخوي
ياليت لو تذكر وزنك وطولك عشان الأخوان يقدروون يفيدونك أكثر

صحيح البيانات مهمه لكن بقولك اخوي
اهم شي الدايت الرجيم تقريبا 80% على الاكل ومعروفه تسكر حلجك تضعف تفتح بالاكل يثبت وزنك او يزيد الرياضه تفيد بس مو بشكل خيالي مثل الناس تتخيله
وحاول تجرب رجيم دشتي (اكتنز) وعلى الاقل تمشي يوميا ساعه وراح تضبط الامور ان شاء الله وطول بالك بالرجيم عادي انا مثلا 8 اشهر رجيم سهاله
ولاحد يخدعك يقولك مثلا تنزل بالشهر 25 كيلو ولا 20 صعبه وهذا نزول غير صحي بالشهر افضل شي يكون بين 3-5 كيلو لكن ممكن اول شهر تنزل بين 6-10 كيلو وبعدها تقل العمليه
طول بالك وامسك نفسك عن الاكل وحاول تمشي وتزيد حركتك بكل شي تسفط السياره بعيد تمشي شغلك تجيبه بنفسك تتحرك وراح تضعف ان شاء الله وتضبط الامور

في أنتظار وزنك وطولك وسنك،
وتاريخك الرياضي لو وجد،

اقتباس:

---

المشاركة الأصلية كتبت بواسطة SportsMan

صبحك الله بالنور أخوي
ياليت لو تذكر وزنك وطولك عشان الأخوان يقدروون يفيدونك أكثر

---

حياك اخوي
وزني 110 :(

طولي 175

اقتباس:

---

المشاركة الأصلية كتبت بواسطة ابو مهاا

صحيح البيانات مهمه لكن بقولك اخوي
اهم شي الدايت الرجيم تقريبا 80% على الاكل ومعروفه تسكر حلجك تضعف تفتح بالاكل يثبت وزنك او يزيد الرياضه تفيد بس مو بشكل خيالي مثل الناس تتخيله
وحاول تجرب رجيم دشتي (اكتنز) وعلى الاقل تمشي يوميا ساعه وراح تضبط الامور ان شاء الله وطول بالك بالرجيم عادي انا مثلا 8 اشهر رجيم سهاله
ولاحد يخدعك يقولك مثلا تنزل بالشهر 25 كيلو ولا 20 صعبه وهذا نزول غير صحي بالشهر افضل شي يكون بين 3-5 كيلو لكن ممكن اول شهر تنزل بين 6-10 كيلو وبعدها تقل العمليه
طول بالك وامسك نفسك عن الاكل وحاول تمشي وتزيد حركتك بكل شي تسفط السياره بعيد تمشي شغلك تجيبه بنفسك تتحرك وراح تضعف ان شاء الله وتضبط الامور

---

عساك على القوة يالغلا وفعلا كنت اصدق كلام ان ممكن انزل 25 كيلو بالشهر
لكن خراطين وهالشي حطمني كثير لعدم مصداقيتهم

اقتباس:

---

المشاركة الأصلية كتبت بواسطة الرمـادي

في أنتظار وزنك وطولك وسنك،
وتاريخك الرياضي لو وجد،

---

حياك اخوي
تاريخي الرياضي مالي تاريخ
غير اني الى قبل سنتين كنت بشكل دائم العب الرياضه وانقطعت لانقطاعي عن مدينة تواجدي وسفري لمدينة ثانيه
واهملت الرياضه وصرت لاجيت اركض خمس دقايق اكره الدنيا

وزني 110 وطولي 175

مرحبا ياخوي.. شخبارك عساك طيب..

دايماً يقولك اسأل مجرب ولا تسأل طبيب :silly:

انا عمري 24 طولي 175 سم.. وكان وزني 128 كجم

وكان حلم عمري من ايام المدرسة اني اوقف عالميزان ويطلع الرقم ثنائي :bigeyes:

المهم.. مافي شي ما جربته.. كنت احب الرياضة.. مع اني متين.. بس جسمي انسيابي واركض والعب بس اتعب بسرعة.. الرجيم.. انقص بالموووت.. وارد اردهم مثل قبل واكثر وبسرعة خيالية.. جتني عقدة نفسية.. من الرجيم .. من جسمي.. معاناتي مع الرجيم والرياضة بدأت وانا عمري 14 سنة.. الى الان :)

المهم.. واكتشفت السر :32:

خلال خمس شهور.. وصلت للوزن 99 وسويت احتفال بمناسبة هاليوم العالمي :cool:

وثبت وزني واذا بيزييد كيلوين ولا ثلاثة .. وارد انزل وزني بكل سهولة..

الله يسلمك الطريقة هي كالتالي

- اول شي تكون معنويتك عالية.. وما عندك مشاكل.. ونفسيتك مرتاحة
- تحط لك جدول حق الوزن وكل اسبوع توزن
- لا تتبع اي ريجيم غذذائي منتظم بجدول او كيميائي والخرابيط هذي
- خذ لك دوا مساعد لحرق الدهون.. تاخذه مع الرياضة
- المشي المشي المشي... (يوميـًا) من 30 - 45 دقيقة
- الاكل.. سو لك برنامج خاص فيك.. روح اتسوق.. واقرا عن الاشيا اللي ترفع الوزن.. والاشيا اللي تحرق الدهن.. وطبّق .. حاول ما تتعشى .. واذا بتتعشى خل العشا من وقت..
- كل اسبوع.. خذ لك يوم فريي .. كل اللي تبيه.. اللي فخاطرك كله.. بعدين كمل
- اشرب شاي اخضر بشكل يومي
- اهم عامل... واللي انا اكتشفته.. وهو اللي خلاني انقص... ( الـــصبـــر ) ... ( الإرادة ) .. ( الاسـتـمــرااااار ) ..
لا تنحبط .. لا تمل .. كمل كمل كمل... وايد ناس حاولوا يحبطوني... شكلك ما تغير... لا تحاول .. ما بتضعف.. مع ان وزني كان ينزل.. بس الشكل ما يتغير.. بــس فجأة تغير الشكل.. والأمور طيبة.. وصلت ان اهلي اللي ما شافوني من زمان.. يمرون علي وما يسلمون !! .. ما يعرفوني :أفكر:..

اتبع النصايح هذي.. وبشرنا.. اول شهر.. شهرين بتنزل.. بعدين يمكن يثبت وزنك.. لا تزعل اذا ما تغير وزنك.. بيتغير اذا صبرت.. وشكلك بيتغير بس يبيله فترة.. كل جسم يختلف عن الثاني... هالشي عن جسمي انا..

اشرب مااااي .. كل اناناس كيوي جريب فروت .. مرتدلا .. بياض البيض .. تونة .. دياي .. لحم .. مو مشكلة شوية عيش اذا فخاطرك .. اذا فخاطرك شي من قلب .. كل عادي .. ولا تنسى المشي يوميا.. حتى لو كنت مشغول حاول تمشي ربع ساعة عالسريع وكمل شغلك.. لان المشي السريع هو اللي يغير شكل الجسم.. واهم شي الاستمرااار.. استمر لي ما تحصل النتيجة اللي تبيها..

ان شاء الله اكون افدتك .. واذا عندك اي سؤال انا حاضر..

وبالتوفيق

السلام عليكم .

ترا الموضوع مو مستحيل بس اهم شي تخلي فيه حماس يعني ما تخليه شي لازم تسويه لكن خليه شي تتسلى فيه .
تحد نفسك او تحدي اي شخص انك تنقص الوزن .

و امشي علي دايت ز ابدا بالرياضه و صدقني بتنقص و ممكن بعد كم شهر تبدأ في مكملات و حوارق دهون و لعلمك احنا هنا اخوانك و محد بيقصر معاك .
اقرأ في المنتدي و طبق دايت من الي موجوده و سوي تمارين و الشباب ما بيقصرو معاك

و تقبل مروري

والله ماقصرتم يااخوان الله يبيض وجيهكم
طيب بالنسبة لشد الجسم هل اكتفي بالمشي او فيه تمارين ؟
وبالنسبة للكرش هل فيه تمارين توخر الكرش

وجهك ابيض يخوي..

المشي يساعد على كل شي .. حتى الكرش .. تمارين البطن تساعد طبعاً وتمارين الخصر بالعصا
الكرشة من اصعب المناطق.. بس مع المشي بتخف ان شاء الله