ضع إنطباعاتك عن Final Fantasy XIV

السلام عليكم وحمة الله وبركاتة

كيف الحال شباب .. أبي كل واحد جرب فاينل فانتسي XIV يضع انطباعة هنا ويصوت على
التقييم التي تستحقة اللعبة.

بس في شي بودي أضيفة للموضوع هو تقييم موقع GAMASPOT :

4من 10

الإيجابيات

1-استخدام محرك مثير للإعجاب في صناعة اللعبة.
2-تقسيم الكلاسات بشكل مناسب

السلبات

1- اللعبة خارجة عن الموضوع Disappointing
2-تحكم سيء
3- لايوجد وضوح عند تسليم المهمات او فعل أي شيء آخر فتستغرق وقت طويل للأكتشاف
4-تشعر بأن اللعبة ينقصها الكثير أو كأنها نصف جاهزة للعب.
5-الإنطباعات الأولية سيئة للغاية

انطباعي ان اللعبة ليست user friendly

مع اني لاعب ffxi و لاعب wow لكني اول ما لعبت ffxiv حسيت اني ظايع ، ما في اي نوع من المساعده او التوجيه
في بداية اللعبة .

وعليكم السلام ورحمة الله وبركاته

بالنسبه لي مو مرتاح للعبه طبعاً بس شنو اسوي اللعبه شريتها وخلاص قلت اكمل فيها يمكن تتعدل وبصراحه اول مره اشوف لعبه ماقدر ارسل ايتمات الي شخص اخر ونظام الكويستات فيها معقده

تصويتي لها مقبول بما انها في البدايه وننتظر القادم من التحديثات

مساء الخير

من وجهة نظري ان الانطباع الحالي متسرع وغير عادل للعبة خصوصا ان موقع gamespot من المواقع الثقه لإبداء الرأي الحيادي

لأن اللعبة ببساطة ليست offline مغلقة بحبكة درامية والا حتى ثغرات في التحكم

اما العاب الـ online جميعها لم تبدأ كاملة

اللعبة تحتاج الى تطوير دائم وتعديل حتى وان اصبحت متاحة

ليس فريق التجربة والبيتا كافية بقدر المستخدمين الحاليين


اللعبة تحتاج الى وقت وفرصة


شكرا

اللعبه فيها عيوب واخطاء ..
بس لا ننسى ان اللعبه بـ اولها يعني للحين ماصار لها الا اسبوعين نازله تقريباً , فهي محتاجه شوي وقت وكم ابديت يعدلونها
اصبرو عليها شوي و بـ تشوفون الفرق 3> ..

مشكورين على هذا المرور الطيب وننتظر آرائ الأخرين

صارلي اسبوع العب واعتقد ان كافي عليها ! اللعبه معقده و ما فيها شي حلو حتى الناس اللي فيها غير متعاونين !

اللعبه غير اجتماعيه بالمره عكس FFXI كل اللي كلمتهم باللعبه نفسيه و ما في احد يساعد الثاني !

و في شي ثاني ... زين ابي اعرف بالله ال starting zone بره المدينه 10 مرات احارب فيها فيران و يقتلوني ؟

الوحوش اللي بره المدينه المفروض كلهم يصيرون سهلين بس المشكله اثنين نفس الفصيله واحد منهم يموت بضربه وحده

و الثاني كانه impossible to guage

اللعبة من أسوأ الالعاب اللي لعبتها في حياتي :bigeyes:
بلاش تكابرون ياشباب
اذا سكوير تبي اللعبه تنعدل لازم تغير طريقة القتال الخايسة وتضبط السبيل كاستنق البطيء وتسرع عملية التبادل وفتح الخيارات وتحط نظام بحث مثل اللي في فف11 وترجع ال AH وتشيل الfatigue system المتخلف وهذا أعتقد بيكلف الشركة كثير يعني انسوا الموضوع تنعدل ولاعبين فف11 يعرفون سكوير زين وتعاملها القبيح مع اللاعبين

وتبون الصدق؟
لو خلوها مثل فف11 بالضبط وصلحو القرافيك اعتقد قيم سبوت مايعطيها اقل من 9
بس الشركة تبي تتفشخر وتوري الناس انها قوية بالقرافيك اعتقد
انا أعطي اللعبه عمر افتراضي سنتين وبتموت وعلى مسؤوليتي

اقتباس:

---

المشاركة الأصلية كتبت بواسطة abdullahmurano

اللعبة من أسوأ الالعاب اللي لعبتها في حياتي :bigeyes:
بلاش تكابرون ياشباب
اذا سكوير تبي اللعبه تنعدل لازم تغير طريقة القتال الخايسة وتضبط السبيل كاستنق البطيء وتسرع عملية التبادل وفتح الخيارات وتحط نظام بحث مثل اللي في فف11 وترجع ال AH وتشيل الfatigue system المتخلف وهذا أعتقد بيكلف الشركة كثير يعني انسوا الموضوع تنعدل ولاعبين فف11 يعرفون سكوير زين وتعاملها القبيح مع اللاعبين

وتبون الصدق؟
لو خلوها مثل فف11 بالضبط وصلحو القرافيك اعتقد قيم سبوت مايعطيها اقل من 9
بس الشركة تبي تتفشخر وتوري الناس انها قوية بالقرافيك اعتقد
انا أعطي اللعبه عمر افتراضي سنتين وبتموت وعلى مسؤوليتي

---

بتموت ، ما اعتقد ، بس بيكون عدد اللاعبين ما يتعدى ميتين الف ، يعنى كافى حق انه اللعبه تستمر لمدة 4 سنوات مغطيه كامل مصاريفها مع اشوية ربح بسيط ، بس ما تتوقعو اي باتشات جباره ومكلفه بالمستقبل ، على سبيل المثال ، اضافة اصوات لل NPC وفيديوهات و مقاطع مكلفه ، حتى AH راح ينزل متأخر ، هذا اذا نزل من الاساس ، تعرفون SE لما يصممون على شىء راسهم والف سيف ما يغيرونه الا لما ينقرصون عدل ، اهم مبسوطين على فكرة البازار لانه من اختراعهم ، بس غرورهم راح يكلفهم وايد
الماونت ما راح ايكون مثل واو ، راح ايكون مثل ffxi يعنى محدد من مكان لاخر وما تقدر تستدعيه فى اي وقت.

على العموم ما فيه اي جيم فى السوق حاليا يستاهل ينلعب ، و FF دائما بتظل قصه مثيره ، وبعد ما اتوصل لفل 25+ باكثر من كلاس يصير من الصعب انك تترك الجيم لانه بظل عندك الفضول انه شنو بصير بعد شذيه ، وهذا اللى تبيه SE

أوووف

والله حبطتوني يا جماعه انا ما لعبت اللعبه و قاعد أفكر أكنسل اللعب نهائيا الأن

شباب انا ما ادري كيف تحكمون على اللعبه وهي مالها شهر ؟

شف الحين لو يروح اي احد فيكم يلعب من جديد فف11 ويلعب الين لفل 30 بيمل على لفل 10 وما راح يكمل

فف14 كبدايه اشوف انها اكثر من ممتازه
عيوب اللعبه في رايي :
1- طريقه الباتل , مشابهه لـ فف13
2- الـ gears اللي بحاجه انك تصلحها كل شوي

ولا الباقي جيد الى ممتاز والمفروض نحكم على اللعبه بعد 6 شهور من الحين واذا كان اقل شي الـ Rank يكون 30 او اكثر

انا اشوف العيوب الي فيها
طريقة عرض الايتم والجير غير متناسق ومب مناسب بتاتا

يخلون كل واحد لحاله
ولما تبغي تسوي ريبير لازم تدخل للinventory وما تقدر اذا دخلت عند الequipments

همممم

ماني معطي انطباعي لين 1\1\2011 بعد التحديثات.

الصراحة اعتقد اغلب اذا مو كل الي متابعين اللعبة كانوا عارفين وضعها لما نزلت, فمالهم حق يتذمروا.

ومع زيادة الايام المجانية ل60 بدال 30 (يعني بدال 22 اكتوبر صارت 22 نوفمبر للي سجلوا 22 سبتمبر اما الي مسجلين في الايام ذي او حتى 30 سبتمبر بيلعبوا بلاش لديسمبر, يعني على الابديت الكبير الي وعدونا انهم يصلحوا كل شيء فيه و قريب من الابديت الثاني في ديسمبر)

اللعبة حالينا تنلعب و ممكن تستمتع فيها, مو مدمرة وماتقدر تسوي شيء.

المهم الانطباعات الصح وقتها في ديسمبر و تقييم اللعبة الحقيقي ان شاء الله في مارس لما تنزل لل بي اس 3 وتجي التقارير الجدية.

قهر ، يوم رغبت بتجربة اللعبة ودخول عالم الـmmo تجيب اللعبة العيد و تفلب تفليب اليم ! الحمدلله انها ماصدرت للبس 3 على طول ، عالاقل ممكن يعدلوا شي قبل صدورها ( عالرغم من شكوكي من شغل هالشركة المخيس ) ، حسافة الحماس و الهايب اللي راح عليها لول

تحديث ضخم يوم الاربعاء.