عرض للطباعة
السلام عليكم
شخبار الوحوش ..
ياجماعه انا استخدمت السيريس ماس بس ماشفت انه عطاني الفايده المتوقعه
بس عشان مانظلم المنتج في بداية الاستخدام عطاني كم كيلو حلوين وبعدها مافي اي زياده
المهم ودي اغير واستخدم شي ثاني ويكون فعال وقوي وش تنصحوني فيه يا ابطال ؟
مع العلم اني استخدم سوبر امينو 4800 اللي ماشفت منه اي فايده ولا عايده
ونو اكسبلود وشغال معاي تمام
مادري احتاج اكثر ولا شغلي تمام
ويعطيكم العافيه
وعليكم السلام
يالغلا انت قاعد تستعمل مكمل وليسى هرمون يعني راح يعطيك كم كيلو 5 الى 7 مو اكثر
وبسنه الامينو اهو هذآ المنتج كويس بس من جسم الى آخر يختلف كيفية استقباله
المهم عن تجريبتي فيه منتج ينافس السرياس ماس بس المشكله انه غالي اشوي
اسمه ماس تك صراحه شغله تمام
واذا تبي ارخص والاعضاء يمدحونه سوبر غينر افيول
وياليت تفيدنى بوزنك وطولك افضل عشان نعرف انت محتاج مكمل غينر او لا
والمينو استبدله ب 10000شركة انابوليك او 20000 شركة سوبر باور
واذا حابب تضيف الجلوتامين افضل
هلا اخوي
انصحك ب سوبر برو جينر فيول
منتج جبار في الظخامه
وتحيااااااااااتي
مشكورين يا اخوان
وهو فعلا عطاني مابين ال7 كيلو او شويه اكثر
وطولي حاليا 191 والوزن من 68 الى 70 كيلو يطلع وينزل مب ثابت
والامينو انابوليك تعبت ومالقيته مادري شسالفه دورته في الامارات وفي البحرين وفي قطر
بس مالقيته :33:
اذا تغذيتك ضعيفة ولا منتج راح يفيديك
اضبط تغذيتك ومن بعدها فكر بمكمل غذائي
بالتوفيق
البروكمبلكس قينر ممتاز , ولا يهون التروماس ,,
بالنسبة لـ امينو تاك تبع اليونيرفرسال ممتاز للضخامة ,,
ضبط وضعك مع الاكل وراح تشوف اللي يسرك ,,
دمت بود
يعطيك العافيه على المشاركه وتمام كل شي بس بالنسبه للرخص اعتقد سوبر قينر فيول اهو الاغلى تقريبااقتباس:
المشاركة الأصلية كتبت بواسطة العاشق M
لانه 3 سكوبات كامله السيرفنغ تبعه وبيكفيك مده اسبوع فقط لاغير وعليك بأكثر من علبه يعني بالشهر 4 علب تقريبا او 3 لكن نتائجه جباره بمعنى الكلمه
وعليكم السلام
الاعضاء ماقصروا لكن عندي ملاحظه بخصوص السوبر برو غينرفيول
في منتج من نفس الشركه لكن بدون كلمة برو وهو اضعف منه بكثيرلذلك ارجو الانتباه
تحياتي
يعطيكم الف عافيه ياشباب وماقصرتوا
والمشكله اللي تواجهني مب التغذيه بالعكس التغذيه ميه ميه
ولكن مشكلة النوم هي اني ماقدر انام ممكن انام ساعتين في اليوم فقط !!
والسبب الله اعلم
شوف يا اخوي انا توني اليوم وقفت السيريس ماس
وعطاني تقريبا 7-8 كيلو مع التغذية الجيدة
بقولك شغله انت ماخذ بروتين موب هرمون يعني سؤال كم تبي تزيد كيلو . . ترى السبعه كيلو هذي حلوه جدا جدا غيرك مايزيد حتى 3 كيلو
وانصحك تستمر عليه .. دام انه رفعك 7 كيلو يعني تفاعل مع جسمك والاشياء اللي ناقصه بجسمك لقيتها بالسيريس يمكن تاخذ منتج ثاني مايسوي شيء معك صح ولا كلامي خطا ؟؟
وخذ امينو 2222 تابلت ,, فك نفسك من الانابوليك شف علبته عندي فيها اكثر من 250 حبه . وقفته لانه مضروب +مافيه اي نتيجه لان اللي بالسوق كله مضرووووب
واضطريت اشتري امينو 2222 فاختصر ع نفسك المشوار
موفق ياغالي
نوم فقط ساعتين !!!!! راح تتعب كثير الله يعينك
اهم شي التغذيه والنوم من 6 - 8 ساعات والتركيز بالتمرين اذا اختل واحد منهم ما راح تستفيد ......
بالتوفيق