بخصوص زياده الوزن

السلام عليكم ورحمه وبركاته ..



يعطيكم العافيه بالبدايه وهذي اول مشاركه لي بالمنتدى واتمنى انكم تفيدوني


اولا انا وزني 52 / وطولي 175

مارست لعبه كمال الاجسام من قبل وجسمي مقسم لكن مو ذاك التقسيم

حتى السـكـس بـااك بارزه شوي تبين نوعا ما

لكن ماكو ضخامه ابد


وفي الوقت نفسه انا لاعب ملاكمه

ولكن جا الوقت اللي اصريت فيه اني ازيد وزني عن طريقه زياده حجم العضلات

وحبيت انكم تفيدوني

اولا انا اكل ثلاث وجبات باليوم لكن ما آكل بكثره يعني بشكل متوسط تقريبا

ثانيا اركض 4 كيلو باليوم .. فهل هذا الشي يعارض او يعيقني على اني ابني عضلات جسمي ؟

وانا اللي ابيه

نفس جسم براد بت بالضبط

http://stronglifts.com/wp-content/up...fight-club.jpg

او نفس هالاجسام

http://www6.0zz0.com/2010/01/20/01/610773740.jpg

http://www.bollywoodhott.com/wp-cont...hik-roshan.jpg

http://www.leanathletefitness.com/wp...bs-Posters.jpg

يعني بالعربي فتنس لكن صدر ضخم او صدر كبير أو نفس الصورة انا ماعرف الطريقه شلون او الوضع
عشان احصل نفس الجسم اللي بالصوره يعني هل هو صدره ضخم او جذي

وانا جسمي مافيه اي ضخامه ابد نحيل لكن شكله حلو

لكن حيل نحيف

--


وهل احتاج لمكملات غذائيه ؟

وماهي التمارين اللي احتاجها

وماهو جدول التمارين اللي امشي عليه ؟

يعني اليوم صدر وبايبس وثاني يوم ..؟؟ على سبيل المثال

واكرر سؤالي هل يتعارض الركض والسويدي اللي اسويه كل يوم من دون انقطاع

مع بناء عضلاتي ؟


وانا كل اللي ابيه يكون جسمي حلو متناسق يعطيني منظر لما البس التي شيرت ولا القميص

بدال لا احد يحبطني بضعفي الزايد

مابي اكون ضخم

مثل ماقلت كل اللي ابيه جسم حلو ومتناسق والي يشوفني يقول ماشاء الله ..

وسؤال اخير

انا ابدا تماريني بالملاكمه وهو الركض والسويدي الساعه 5 العصر

فـ متى احسن وقت اروح فيه للجم والعب كمال الاجسام ؟

ومتى احسن اوقات اخذ فيها المكملات الغذائيه ؟

او ماتضر نفس الشي .. يعني ماتفرق ؟

وشكرا لكم وماقصرتو والله يطول لي بعمركم يا اخوان ..

شاكرلكم / تحياتي

اقتباس:

---

المشاركة الأصلية كتبت بواسطة moondruid

السلام عليكم ورحمه وبركاته ..
وعليكم السلام ورحمة الله وبركاته


يعطيكم العافيه بالبدايه وهذي اول مشاركه لي بالمنتدى واتمنى انكم تفيدوني
حياك

اولا انا وزني 52 / وطولي 175

مارست لعبه كمال الاجسام من قبل وجسمي مقسم لكن مو ذاك التقسيم
حتى السـكـس بـااك بارزه شوي تبين نوعا ما
لكن ماكو ضخامه ابد
وفي الوقت نفسه انا لاعب ملاكمه
اترك الملاكمة حاليا
ولكن جا الوقت اللي اصريت فيه اني ازيد وزني عن طريقه زياده حجم العضلات
وحبيت انكم تفيدوني
اولا انا اكل ثلاث وجبات باليوم لكن ما آكل بكثره يعني بشكل متوسط تقريبا
مرحلة الضخامه تعتمد اعتماد كبيرجدا على التغذيه
ثانيا اركض 4 كيلو باليوم .. فهل هذا الشي يعارض او يعيقني على اني ابني عضلات جسمي ؟
نعم الركض يتعارض من مرحلة الضخامه
وانا اللي ابيه

نفس جسم براد بت بالضبط
http://stronglifts.com/wp-content/up...fight-club.jpg
او نفس هالاجسام
http://www6.0zz0.com/2010/01/20/01/610773740.jpg
http://www.bollywoodhott.com/wp-cont...hik-roshan.jpg
http://www.leanathletefitness.com/wp...bs-Posters.jpg
يعني بالعربي فتنس لكن صدر ضخم او صدر كبير أو نفس الصورة انا ماعرف الطريقه شلون او الوضع
عشان احصل نفس الجسم اللي بالصوره يعني هل هو صدره ضخم او جذي
وانا جسمي مافيه اي ضخامه ابد نحيل لكن شكله حلو
لكن حيل نحيف
ركز على الضخامه وزيادة الوزن حاليا
--


وهل احتاج لمكملات غذائيه ؟
تحتاجها لتوفي النسب الي يحتاجها جسمك من بروتين وكارب و....
لكن اول شهر استمر بدون شي وقسم وجباتك ل5-6 في اليوم بحيث الفاصل بين كل وجبه ثلاث ساعات على الاقل
وماهي التمارين اللي احتاجها
كل التمارين او اغلبها مهمه
وماهو جدول التمارين اللي امشي عليه ؟
يعني اليوم صدر وبايبس وثاني يوم ..؟؟ على سبيل المثال
الجداول كثيره وغلط ان الشخص يستمر على جدوله لمده طويله فالافضلتغير جدول كل شهر
وهذا مثال لجدول من اعدادي

اليوم الاول/ صدر+ بطن
الثاني/ ظهر و قطنية + سواعد
الثالث/ اكتاف وترابيس + بطن
الرابع / راحه
الخامس/ باي وتراي لكل عضلة ثلاث تمارين فقط + بطن
السادس/ ارجل كاملة
السابع / راحه

طبعا اول اسبوعين لك بالنادي ماتطبقه بل تلعب شامل والكبتن حيوضحلك النقطه ذي
واكرر سؤالي هل يتعارض الركض والسويدي اللي اسويه كل يوم من دون انقطاع
مع بناء عضلاتي ؟
يتعارض وبقوه

وانا كل اللي ابيه يكون جسمي حلو متناسق يعطيني منظر لما البس التي شيرت ولا القميص
بدال لا احد يحبطني بضعفي الزايد
مابي اكون ضخم
الضخامه ماتجي بالسهل واناخوك
مثل ماقلت كل اللي ابيه جسم حلو ومتناسق والي يشوفني يقول ماشاء الله ..
وسؤال اخير

انا ابدا تماريني بالملاكمه وهو الركض والسويدي الساعه 5 العصر
فـ متى احسن وقت اروح فيه للجم والعب كمال الاجسام ؟
كنسل الركض
والملاكمه حتأثر ايضا الافضل لوتتركها
ومتى احسن اوقات اخذ فيها المكملات الغذائيه ؟
حسب نوع المكمل وانت فاول شهر لاتاخذ شي وركز على تغذيتك
او ماتضر نفس الشي .. يعني ماتفرق ؟
وشكرا لكم وماقصرتو والله يطول لي بعمركم يا اخوان ..

شاكرلكم / تحياتي

---

.......................

بالتوفيق

ماقصر الاخ ذا كاست ..

زيادة على كلامه خذ لك فيتامين من الصيدلية واستخدمه اسمه السينتريم بـ 10 ريال .

واذا بعد شهر ولا اثنين ناوي على مكملات من تجربة شخصية البروكمبلكس قينر ممتاز , ويمدحوا السوبرفينر فيول برو ,,


اعمل بنصائح الاخ ذا كاست ومالك الا اللي يسرك ,,

دمت بود .

يعطيكم العافيه ماقصرتو والله

وبيض الله وجيهكم يا لؤي وذا كاست

عساكم ع القوه

وعندي سؤالين اخيرين

بالنسبه لتمارين التضخيم يعني عدد التكرار وهالكلام هذا

ابي الانسب لي يكون والاوزان المطلوبه مني

والسؤال الثاني

هو لمتى العب تضخيم واحول للتقسيم ؟
وشاكرلكم

اقتباس:

---

المشاركة الأصلية كتبت بواسطة moondruid

يعطيكم العافيه ماقصرتو والله

وبيض الله وجيهكم يا لؤي وذا كاست

عساكم ع القوه

وعندي سؤالين اخيرين

بالنسبه لتمارين التضخيم يعني عدد التكرار وهالكلام هذا
مثال
12-10-8-8
او
12-10-10-6
او
10-10-10-8

ابي الانسب لي يكون والاوزان المطلوبه مني
انت من يحدد الاوزان فالوزن الثقيل عليك قد يكون خفيف لغيرك وهكذا....
والسؤال الثاني

هو لمتى العب تضخيم واحول للتقسيم ؟
ايضا انت من يحدد ذلك من خلال التماش النتيجه المكتسبه
ونسبة الدهون
وشاكرلكم

---

...........

تحياتي

على راسي ياذا كاست ماقصرت وانا توني راد من الجيم وبطبق كل اللي قلته

عساك ع القوة ..

السلام عليكم ورحمه الله وبركاته

ماحبيت اكتب موضوع جديد

الموضوع كتبته اعتقد بتاريخ 22/10

واليوم التاريخ 12 / 11

يعني تقريبا شهر ونص من دشيت النادي

كان وزني اول مادشيت 52

والهدف كان ضخامه


حاليا وزني 55

وجربت مكملات / الميغا ماس والميغا امينو


وحاليا

سوبر ماس قينر

ملتي فيتامين

ميغا امينو 10000

وزيت السمك

والـ Zma

والسوبر بامب 250

وجلوتامين كبسول L-gluitamen

توني شريتهم من ثلاث ايام

لكن اعتقد انهم كثير .. فـ شلون اقدر انسق بينهم . ياريت من احد الاخوان يقولي شلون انسق بينهم

وبخصوص الوجبات اكل 4 وجبات باليوم بالقليل .. بس وجبات دسمه ووجبات سريعه ومن هالكلام

واذا عندكم اضافه لي اشياء محتاجها او طريقه تمارين جديده لي ياريت تعطوني خبر :)

وشاكرلكم

اقتباس:

---

المشاركة الأصلية كتبت بواسطة moondruid

السلام عليكم ورحمه الله وبركاته
وعليكم السلام ورحمة الله وبركاته
ماحبيت اكتب موضوع جديد
الموضوع كتبته اعتقد بتاريخ 22/10
واليوم التاريخ 12 / 11
يعني تقريبا شهر ونص من دشيت النادي
كان وزني اول مادشيت 52
والهدف كان ضخامه
حاليا وزني 55
وجربت مكملات / الميغا ماس والميغا امينو
وحاليا

سوبر ماس قينر
الصبح او قبل التمرين بساعه + بعده مباشره + قبل النوم
ملتي فيتامين
ماتحتاجه لان الغينر الي عندك فيه فايتمينات جيده
وفره لكورس لاحق
ميغا امينو 10000
5 بعد الفطور + 5 بعد التمرين مباشره + 5 قبل العشا
وزيت السمك
مع الفطور+ قبل العشا
والـ Zma
ان كان من شركة اوبتمم فكنسله(اوافرغ مابداخله)
خذ 3 حبات قبل العشا
والسوبر بامب 250
سكوب قبل التمرين ب30 دقيقه وعلى معده خاليه(اذاً السوبرماس اول جرعة تكون الصبح فقط)
وجلوتامين كبسول L-gluitamen
وفره لكورس لاحق
توني شريتهم من ثلاث ايام
لكن اعتقد انهم كثير .. فـ شلون اقدر انسق بينهم . ياريت من احد الاخوان يقولي شلون انسق بينهم
وبخصوص الوجبات اكل 4 وجبات باليوم بالقليل .. بس وجبات دسمه ووجبات سريعه ومن هالكلام
لاتعتمد عالفاست فود وخلك عالانظمة الغذائيه الجيده والموزونه
واذا عندكم اضافه لي اشياء محتاجها او طريقه تمارين جديده لي ياريت تعطوني خبر :)

وشاكرلكم

---

وجيد انك كاتب فنفس الموضوع مثل اخوك هدير
وتم نقل موضوعه للمميزه لانه صار مرجع للبعض


موفق باذن الله

السلام عليكم ورحمه الله وبركاته

اشكرك يا ذا كاست وانا فتحت موضوع ثاني لكن دامك رديت هني بستمر بكتابه اخر التطورات بهالموضوع

وبشارك تجربتي مع النحافه الزايده معاكم

وان شاء الله يستفيد الجميع

-----

بالبدايه كان وزني 52 ونسبه الدهون 11 على حسب الميزان اللي بالصيدليه = مو موثوق اعتقد او مو مضمونه النسبه

كنت اعاني من نحافه فضيعه لدرجه ان ماكو شي يبين الا عضم وتقاسيم خفيفه جدا وهذا يرجع لضعفي

وكل من شافني يقولي كول كثر اكلك من زود النحافه

وبما اني مرتبط بنادي ملاكمه بالكويت فـ كان صعب علي اني امارس رياضه كمال الاجسام لانهم مستانسين على وزني وطولي

لكن هني ونويت واصريت اني ازيد وزني واهتم بصحتي مهما كانت الاسباب وبعيد عن رغبات الغير بوزني

لعبت لمده سبوعين بدون لا اخذ اي مكملات ولا شي

وبعدين نصحوني بالـ mega mass 4000

وكانت نتائجه غير مرضيه معاي وماجاب نتيجه .. غير انه طعمه ثقيل

لين ماخلصت العلبه وغيرت

والـ mega amino 10000

مالاحظت انه غير معاي شي لكني بالامانه انا ماكنت اخذ الا 6 حبات باليوم يعني ماعتقد كافيه

3 قبل التمرين و3 بعد التمرين

خلص الشهر وبدا الشهر اللي بعده من دون اي تطورات

رغم ان التغذيه كانت 4 - 5 وجبات دسمه

وللأمانه ايضا وللعبره كنت مرات اقطع يومين مو ملتزم بهالشهر

لكن من بعدها قررت الالتزام بكل شي حتى الجيم غيرته عشان اكون مرتاح نفسيا

والتزمت باللي قاله لي الكبير واللي اكن له كل احترام وتقدير ( ذا كاست )

واهتميت باكلي وطريقه التمارين ونومي
\
ولاحظت تغير بحجم العضل وبروزها خصوصا من ناحيه الباي والتراي والاكتاف صار فيهم عرض

يعني صار جسمي مقبول الا الصدر لان اساسا صدري كان صغير حيل ونحيف

لكن هم كان في تطور

والتركيز كان مهم جدا بالنسبه لي وبعد ماهتميت بالتركيز حيل لاحظت الفرق

بعد اسبوع شريت الـ super pump 250

والحقيقه كان منتج فضيع قضى على الكسل وعلى الـ( لما العب وزن ثقيل مطلوب مني 8 تكرارات اوصل مرات لـ 5 وخلاص اتكاسل واستسلم واهده .. لكن بعد ماجربت هالمنتج قمت اكمل واقاوم )

وكنت احس بالراحه من ناحيه هالشي

فعلا منتج ارتحت له وجبار


حاليا بعد مرور شهرين الا شوي لاحظت فرق ماقدر اقول كبير لكنه فرق عن قبل

يعني ماقمت اسمع من احد كلمه ضعيف او (مسلول)

وان شاء الله كل شي يتغير للأحسن

والسموحه على كثره التفاصيل لكن في ناس يعانون مثل ما انا كنت اعاني يمكن افيدهم .. والاهم ان ( لا يأس مع الجسم ) وليس مع الحياه فقط P;

العبره من الرد والاشياء اللي اعتقد لها دور بتغييري ..

لما التزمت = لاحظت الفرق

التركيز = لاحظت الفرق

وحاليا شريت المكملات اللي كاتبهم بردي الاخير قبل ثلاث ايام تقريبا وراح اأتيكم بالنتيجه متى مالاحظت الفرق او العكس

وشكرا