لحظة ميلادي ـــــــــ (عامية مصرية) ــــ أرجو تعجبكم
هذه قصيدة عامية مصرية .. ارجو أن تنال إعجابكم
لحظة ميلادي
يوم ميلادي لحظة حلوة اتكررت
من غير معاد
يوم مـيلادي لما باحلف لـك بحبـي
باجتهاد
لمّا باشعـر بالحقيقة بتسـري
جوايـا بعناد
فـيها قـلبي بيـُطـرد النظـرة الخبيثة
والسواد
* * *
هي لحظة كنت باعرف فيها نفسي
من عينيكِي
لحظة باسـتنى انهيـار أحزانـي
في لمسة إيديكِي
لحظة كانت بسمتي تكبر وتربط قلبي
بيكِي
لحظة لما يقول بحبك وتلاقيني
دوبت فيكِي
* * *
لحظة فيها اتكسرت كل الحواجز
والسدودْ
لحظة فيها يختفي الحقد الأناني
م الوجودْ
لحظة فيها يظهر الحب اللي علمني
الصمودْ
لحظة فيها تشعل النار اللي توهبني
الخلودْ
* * *
