نزلت وزني وجاءت مشكلة الترهل !!

السلام عليكم أخواني الأعزاء
طولي 175 سم وقبل 6 سنوات وصلت آلى 150 كيلو


نزلت وزني من 150 كيلو آلى 83 وتخلله عمل كثير
المشكلة يا جماعة لي أكثر من ست شهور وأنا أسوي تنشيف
أسوي حديد وسويدي في نفس اليوم ولكن ما تغير أي شيء علما ً أستعملت بروتين واي (مرتين في اليوم بعد التمرين وقبل النوم) مع تمارين البطن وفي وقت الفراغ تمارين الهرولة ويومياً تمارين بطن ودرج !!
الترهل حقيقة عندي واصل حده بشكل ما تتصوره وبذات الكيس الدهني أسفل البطن والصدر وجنب الفخذين
لا أعرف هل القصور من المدرب أوطبيعية جسمي أو لأن وزني ماهو مستقر بحكم أني تجيني أيام تكون مفتوحة !!
مو معقول لدرجة أنه مافي تغيير أتوقع أني بحاجه آلى بعض المواد والمكملات كل ما أتمناه جسم مشدود بعيد عن أجسام أبطال كمال الأجسام يعني أقرب شبه جسم لاعب ريال مدريد رونالدو !!
بأنتظار ردودكم ونصائحكم

ما شاء الله نزول قوي للوزن ..
بس ممكن اعرف كيف نزلت هذا النزول وكم نسبة الدهون عندك ...

من ست سنوات بدأت بالتفكير بالنزول
جربت الكثير من برامج التغذية.... نزول وهبوط بالوزن !!
ولكن من سنتين بديت في برنامج غذائي مع تمارين سويدية لمدة ساعة في اليوم وساعة تكون للهرولة او المشي
نسبة الدهون كانت عندي قبل رمضان 23%

انت مهمل موضوع الراحه يبغالك ترتاح و ما تكرف نفسك و يبغالك تتغذي تغذيه جيده و كثر من الالياف و خذ ملتي فايتمن . لعلمك شد الجلد ياخذ و قت طويل و ممكن ياخذ من سنه الي سنيتن و ممكن تحتاج عمليه .

و يبغالك تنوع و تغير في الدايت و التمارين ممكن هذا يساعد

بس ماشاء الله عليك صدق رجال بعزيمه علي الوزن الي نزلته

تسلم على الرد
حقيقة لا أعرف وش قصة العمليات هل توجد عمليات شد للجسم بالليزر ؟!

اخوي الترهلات مع الوقت تخف من تجربه لكن ماتختف بشكل نهائي سمعت انا عن جهاز اسمه LPG وانت حاو ل تستخدم كريمات فيها فيتامين اي وتحمل الترهل اهون من السمنه

والله اذا كان الترهل كبير يبيلك عملية
حبذ لو تحط صورة علشان الاخوان يساعدونك

شكرا للأخوان الأعزاء والعملية اللي تكون بالليزر سمعت أنها تكلف كثير

اقتباس:

---

المشاركة الأصلية كتبت بواسطة الامبـــراطور

والله اذا كان الترهل كبير يبيلك عملية
حبذ لو تحط صورة علشان الاخوان يساعدونك

---

بالنسبة للصورة أخاف على مشاعر القراء الترهل شكله كبير ومقزز
تحياتي ،،،