عرض للطباعة
انا وزني 105 وطولي 182 وعمري 25
عندي كرش مو راضي يروح ذبحني وخصر وصدر استخدمت وايد انواع حارق الدهون ولكن مانفع معاي
الحين قاعد اخذ ريبد ادرينالين من شركه انكس لابس
ماحس وزني قاعد ينزل واشلون احرق الشحم باسرع وقت واتخلص منه الصراحه غثني
وهل صحيح ان الماي اصعب من الدهون والفات بالنزوول من الجسم ؟
هل العب معده يوميه وخواصر ولا شنو وانا العب كل يوم تمرين صدر واحد ما عدا يوم الصدر من5تمارين الى 7
تعبت:cray:
اقدر ادخل كلين باترول ولا يصير تعارض ؟
يا اخوي
كم سعرة تستهلك باليوم ؟؟ وما هو نظامك الغذائي ؟؟؟
مرحبا فيك اخوي وبإذن الله توصل لهدفك ...
بخصوص سؤالك عن نزول الماء ... اخوي الماي ممكن لو توفق في الشمس ربع ساعة تحرق ماء نص لتر اما بالنسبة للدهون فهي بالاول والاخير تحتاج صبر واراده في التمرين والابتعاد عن النشويات والسكريات ...
وبخصوص سؤالك عن الكلين ... انا ماانصحك تستخدمه لانه لو نزل وزنك بإستخدام الكلين بتطلع لك مشكله اكبر وهي الترهلات والافضل تعتمد على التمارين والتغذية المناسبة وتستخدم حوارق دهون عادية ...
وارجو منك طرح جدولك اليومي للتغذية حالياً لكي نقدر نساعدك ..
جدولي هو كالاتي:
الفطور: حليت وبسكويت دايجستيف مع قفشه عسل وشوفان او بياض بيض مع خبز اسمر او كورن فلكس فتنس مع حليب خالي الدسم
بين الفطور والغدا سكوب بروتين 50جرام
الغداء:عبارة عن عيش مشخول مع صدور دياي مشويه او بالفرن او لحم بالفرن ويا خبز او بطاطا مفيوحه ويا تونا وصدور دياي او سمك مشوي او ماعون مشويات بدون كباب
بين الغداء والعشاء:سلطه او شوية خضروات او سلطه فواكه ومرات اشرب بس سكوب بروتين 50 جرام بروتين
قبل التمرين طاسه شوفان بالحلبيب والعسل واريح نص ساعه وادش تمريني؟
ورا التمرين على طول قفشه جلوتامين وامينو بعدين اريح شوي واشربلي سكوب بروتين 50 جرام او اني اكل ماعون شيش طاووق او صدور دجاج مشوي او تونه
وقبل النوم سكوب بروتين كازيين مع جلوتامين
بعدين احط حبتين اي جي اف تحت لساني واهيا محفزات من شركة مصل ميدز قوي جدا
هلا فيك اخوي ...
وين يروح الكرش وفي الوجبة الوحدة 50 جرام بروتين هذا غير الشوفان والفواكة ..
اخوي المشكله عندك في النظام الغذائي وليس في طبيعة جسمك ..
اذا تعرف تضبط لك نظام غذائي خل البروتين في كل الوجبات مايعدي 35 جرام ..
وحتى شراب البروتين شوف لك واي بروتين تكون نسبته بين ال 25 و ال30 جرام في الكوب ..
والكارب مايعدي 40 جرام في كل وجبة..
واذا تبي نظام غذائي احنا حاضرين يابطل ..
ابي جدول غذائي سليم متكامل وفيه كل العناصر الطبيعيه والمفيده
ناطركم يا وحووووش ضبطولي جدول وقولولي شنو اللي اقدر اكله قبل التمرين وشنو اللي بعد التمرين ممنوع ؟ وشنو الشي اللي احاول ماكثر منه وشنو الشي اللي اكثر منه
الفطور ..
6 بياض بيض + كوب حليب + حبتين روتي اسمر + موزة او تفاحه ..
----------
الوجبة الثانية شراب بروتين واي 24 جرام بروتين ..
---------
الغداء ..
16 ملعقة رز ابيض او 3 حبات روتي اسمر + صدر مشوي او علبتين تونه صغار او صيخين لحم مشوي + علبة روب قليل الدسم+ صحن سلطه+6 حبات تمر او برتقالتين ..
---------
قبل التمرين بساعة ... شراب بروتين 24 جرام + 6 حبات تمر او موزة .
---------
بعد التمرين ... شراب بروتين 24 جرام ..
---------
العشاء ...
نفس الغداء بس بدون فواكة بس تقدر تاخذ برتقاله وحدة او حبة كيوي ...
--------
قبل النوم ... علبة روب قليل الدسم + حبتين خيار ..
جاتني رسالتك على الخاص واللي تامر علي انا حاضر ,,
بالتوفيق يابطل
ملاحظة ...
بين الوجبة الثانية والغداء لو في فاصل اكثر من 3 ساعات تقدر تاخذ فيها حليب نص لتر قليل الدسم او حبتين روتي + 3 قطع جبن قليل الدسم ..
اولا شكثر استخدم هالجدول بعدين ماشوف في الياف شوفان وجذي ؟
اخوي حمد عندك وسيله الاتصال انا فانتظارك يا حبيبي
هلا فيك حبيبي ...اقتباس:
المشاركة الأصلية كتبت بواسطة Baroun85
اشفيك على الشوفان تره مافيه سحر هاروت ... وبعدين اشلون مافيه الياف ..
(التفاح والبرتقال والتوست الاسمر والرز والخيار والتمر والسلطه) <<< هذا كله ومافي الياف .. ياخي حسستني اني ماعرف شي خخخخخخخخخخخخخ
وبعدين اذا تبي شوفان ولا يهمك ملعقة الشوفان الوحدة تحتوي على 5 جرام كاربوهيدرات بطيئة الهضم .. يعني تقدر على الفطور تشيل التوست وتحط 6 ملاعق شوفان والغداء 16 ملعقة رز خلهم 8 ملاعق وحط 4 ملاعق شوفان معاهم ..
كلمني على الخاص اذا احتجتني ..
موفق يابطل