شالحل مع الام المفاصل ( الكل يدخل للمشاركة وحل المشكلة وكيف حلها )

السلام عليكم


شباب انا عملت رجيم قاسي :(


ونزل وزني صح بس المشكلة الم في المفاصل احس ركبي مو نفس قبل الظاهر الاوتار ضعيفة مادري المفصل مادري شالطبخة


ومشكلة في صوت في مفصل اليد :(


رحت لدكتور قال هاذي عادي واحس الدكتور دايخ للحين مانحلت المشكلة



حالياَ استخدم حبوب شاريها من GNC

Glucosamine + msm
للمفاصل صارلي شهر ولا في فايدة :(


وش الحل يالربع


مع العلم اني رياضية لدرجة ماتصورنها يعني في الكرديو لاحد ينزل يتحداني :) شنب خخخخخخ


يجماعة اجيب 10 كيلو في ساعه تقريبا الف سعرة حرارية خلال ساعه ركض متواصل بدون توقف


الظاهر السبب جهاز الجري يسبب مشاكل في مفاصل الركبة ؟ ولا شريكم ولا انا مجهد نفسي بها الف كلوري خلال ساعه ؟ ريكم يالربع

بالنسبه حق المفاصل اخوي مر المستوصف وقوله ان مفاصلي تعورني وابي ابر ب كومبلس
رح يعطونك 5 ابر على ماعتقد تمرهم كل يوم وترك الشباب يمدحونها حيل انا اذا رجعت الكويت بجرب :)

اذا المشكلة في الاربطة فـ انمال فلييكس تبع اليونفيرسال >> مفيد .

السير الكهربائي يؤثر على الغظاريف , لاتطول ع السير كثير , الدراجة افيد .

دمت بود

قبل كل شي روح اللدكتور ثاني غير الدكتور الدايخ اللي رحت له اول وسو فحص شامل وتأكد ان ماعندك هشاشة عظام
ثاني شي سير الجري يسبب الام بالمفاصل هذا معروف وبالاخص اذا كنت تمشي ساعة متواصلة وبنفس السرعة اكبر غلط
ثالث شي اهتم بتغذيتك كويس وبدل بالتمارين ولاتضغط على نفسك بالجري
ورابع شي بالتوفيق وروح الدكتور مرة ثانية

جرب الانيمال فلكس و انشاء الله معافى

وعليكم السلام

اتوقع انك مكرر الموضوع
http://www.montada.com/showthread.ph...840&highlight=


تحياتي

لا تركض امش فقط مدة لاتزيد عن 25 دقيقة وابتعد عن الدراجة نهائياً وحاول كثر ماتقدر تمدد رجولك والبس مشد للركبة واخذ مكمل غذائي اسمة دوروفين للخشونه والام المفاصل لمدة شهرين

شاكر لكم على الرد يعني برايكم انيمل فلكس هو العلاج السحري لها المشكلة ؟

اقتباس:

---

ونزل وزني صح بس المشكلة الم في المفاصل احس ركبي مو نفس قبل الظاهر الاوتار ضعيفة مادري المفصل مادري شالطبخة

---

طيب اخوي بسالك كم سؤال وابغاك تجاوب عليهم :

الالم في المفصل هل هو اثناء ثني الركبة والا اثناء فردها ؟؟؟
الالم وقت المشي والا اثناء الراحه ؟؟
كيفية جلوسك في المنزل ؟؟"متربع عالارض والا كرسي"
طبيعة عملك؟؟
والعمر؟؟؟

اقتباس:

---

ومشكلة في صوت في مفصل اليد :(


رحت لدكتور قال هاذي عادي واحس الدكتور دايخ للحين مانحلت المشكلة

---

الدكتور اخصائي عظام والا علاج طبيعي؟؟؟
والشي العادي اللي قال عليه صوت مفصل اليد والا الم الركبة .؟؟؟

ارجو الاجابة لكي نسطتطيع تشخيص الحالة بالشكل السليم

هلا اخوي العمر 28 سنة


الالم في جميع المفاصل الركبة واليد


والصوت القوي في مفصل اليد

والدكتور اخصائي عظام والشي العادي الي قالي عليه صوت مفصل اليد


الالم وقت الراحة انا رياضي لدرجة ماتصورها نشاط مو طبيعي كل الي بالنادي يستفيدون من خبرتي في الركض ههههههه


احسبها انت ساعة على الجهاز يطلع 10 كيلو ويطلع عدد الكلوري 1000 كولوري احس انة اجهاد على المفاصل والجهاز سبب لمشكلة

اقتباس:

---

والدكتور اخصائي عظام والشي العادي الي قالي عليه صوت مفصل اليد

---

ياطويل العمر صوت مفصل اليد لو كانت بدون اي الم هذا شي طبيعي مثل ماقال الدكتور لانها تكون عبارة عن تكلسات عظيمة صغيرة في المفصل نفسه

فمع حركة معينة تنكر هذي التكلسات وهذا شي جيد ممكن تلاحظها في الركبة اذا جلست فترة طويلة عليها ,,
ولكن اذا كان بالم فتكون مشكلة نوعا ما ,,

بس دام الالم في جميع مفاصل الجسم هذا يعطي تخوف لاسمح الله من شي اسمه rheumatoid arthritis

وتسمى التهاب المفاصل ,,,,

فياعزيزي لاتستهين بالحالة ولازم تزور اقرب استشاري عظام ياخذلك اشعه mri او الاشعه السينية ويشخص الحالة ,,,

وانصحك بتخفيف الجري او الهرولة على السير الين ماتشخص سبب الالم ,,,

وبالنسبة للسير في دراستين احداها تقول ان السير الطبي والجيد لايسبب اي احتكاك بالركب لانه يمتص الضغط الحاصل على المفاصل وبالذات الركب ,,,
وفي دراسة تقولك السير من اكبر الاسباب اللي تسبب احتكاك الركب او تزيد في احتماليتها ,,,,
فما في احسن من الهرولة على الارض ,,,

اتمنى تكون استفدت ولو الشي القليل ,,,

طالب امتياز اخصائي علاج طبيعي

حبيبي واللة دامك انك طلب اخصاااااائي علاج طبيعي


خلنا نستفيد من خبرتك


في مكمل استخدمة يفيد لها المشكلة


صوت المفصل قوي يعني تسمعه عرفت جربت جميع ادوية المفاصل مافية فايدة يعني الحل عمليه ولا شنو بالظبط

جرب انمل فلكس كويس جدا للمفاصل ....... منتج مصنوع خصيصا للاعبين كمال الجسان من اجل مفاصلهم و تحصله عن الاخ الهاشمي ( لا اقصد الدعايه لكن سالته مره يوم اشتريت منه و قال انه عنده)

مشكور اخوى على المشاركة