هل اقدر احقق هالجسم خلال 3 شهور
السلام عليكم ورحمة الله وبركاته
اخواني انا امس سجلت في النادي الي عند بيتنا بس رجعت البيت متلخبط ما ادري وش السالفة
اكتشفت ان كمال الاجسام سالفته سالفة مو على تمارين وكذا بس يبي له فهم وحالته حاله الي لخبطني المصري
حق الصالة حط لي جدول فيه سويدي وحديد وكارديو وكلش مع بعض :ponder:
قلت له كيف حديد وحرق دهون قالي الحديد يساعد على حرق الدهون وانا اخبر ان اخوي ذا كاست قالي ما يصلح حديد وحرق قالي بالضبط ( ما يصلح ضخامة وحرق) فما ادري اذا فيه فرق فالضخامة والحديد :33:
المهم يا شباب انا صراحة منب متطمن للمدرب حسيت انه صرف لي جدول سريع سريع وانا ابي واحد يكسب فيني
اجر ويسوي لي جدول
اول شي انا زوني 80 وطولي 170
هدفي جسمي يكون زي كذا
http://bodybuilding-fitness101.com/w...7/six-pack.jpg
وش الجدول الي امشي عليه ووش النظام الغذائي وايش المكملات الي احتاجها
وهل اقدر احقق هالجسم خلال 3 شهور تمارين ودايت 100%
واتمنى ان احد يفيدني
وشكرا
رد: هل اقدر احقق هالجسم خلال 3 شهور
جزاكم الله خير جميعا
لكن للحين متشتت الي يقولي احرق دهون لين نسبة 18% بالكارديو والسباحة بعدين ابدا العب حديد
الي يقول العب حديد بعدين نزل :02:
صراحة منب عارف كيف ابدا لاني ما ابغى اجرب ابغى امشي على جدول صح عشان يعطيني نتايج صح وسريعه
مع العلم انه اهدافي
1- 6باك
2_عصلات صدر
3_عضلات اليد الباي والتراي
بس
باقي العضلات ما تهمني واجد
خبرااااء اسعفوني الوقت يمرر ابي جدول صح وسريع (مو سريع مره اهم شي اني ما اضيع وقت ابي اختصر وقت حتى لو كان المجهود مضاعف بحدود المعقول وما يضر)
مشكلتي داخل كمال الاجسام وما عندي خلفية وكل واحد يعطيني كلام ومنب عارف ابدا
والله الي بيفهمني بيكسب اجرر فيني وبدعي له من قلب :09:
وشكرا جزيلا
رد: هل اقدر احقق هالجسم خلال 3 شهور
scaryface
نسبة الدهون 23%
رد: هل اقدر احقق هالجسم خلال 3 شهور
اخوي وزنك مرتفع وجدول كبتنك تمام ماقالك شي غلط العب كارديو عشان تحرق والعب الحديد عشان تبرز العضلات مافي مشكله لي جمعت بين الاثنين وبالنسبه حق الجسم اللي بالصوره انشالله تحققه بس يبيله وقت وصبر
موفق وانشالله الشباب يفيدونك اكثر
رد: هل اقدر احقق هالجسم خلال 3 شهور
انت لو تاخذ لفة على قسم المواضيع المتميزة حتستفيد 100% ..
لاتستعجل ع النتايج .. ايزي كم ايزي جو
دمت بود
رد: هل اقدر احقق هالجسم خلال 3 شهور
3 شهور انسى مستحيل , والدهون عندك عاليه
قلل الدهون وبعده ادخل تضخيم والهدف توصله بسنه هذا مع الالتزام وحتى سنه اشوفها قليله
وصاحب الصوره جسمه متقدم خليها في بالك
بالتوفيق
رد: هل اقدر احقق هالجسم خلال 3 شهور
اقتباس:
المشاركة الأصلية كتبت بواسطة memo1111
جزاكم الله خير جميعا
لكن للحين متشتت الي يقولي احرق دهون لين نسبة 18% بالكارديو والسباحة بعدين ابدا العب حديد
الي يقول العب حديد بعدين نزل :02:
صراحة منب عارف كيف ابدا لاني ما ابغى اجرب ابغى امشي على جدول صح عشان يعطيني نتايج صح وسريعه
مع العلم انه اهدافي
1- 6باك
2_عصلات صدر
3_عضلات اليد الباي والتراي
بس
باقي العضلات ما تهمني واجد
خبرااااء اسعفوني الوقت يمرر ابي جدول صح وسريع (مو سريع مره اهم شي اني ما اضيع وقت ابي اختصر وقت حتى لو كان المجهود مضاعف بحدود المعقول وما يضر)
مشكلتي داخل كمال الاجسام وما عندي خلفية وكل واحد يعطيني كلام ومنب عارف ابدا
والله الي بيفهمني بيكسب اجرر فيني وبدعي له من قلب :09:
وشكرا جزيلا
انا اشوف وبما انك جديد باللعبة افضل لك انه تلعب شامل حديد معا الكارديو حتى تصل الى 18% من بعدها ادش بقوة للحديد وتقلل من الكارديو
رد: هل اقدر احقق هالجسم خلال 3 شهور
وعليكم السلام
أخوي اذا كنت تسأل عن الوقت ومتى يكون جسمك مثل هذا وحددت 3 شهور
انا اقول لك زين اذا كملت شهر
اتحداك شخص بدايته يقول ابي بثلاث شهور يطلع بنتيجه
اللعبه هذي لعبة صبر
الشخص اللي زايد وزنه عشان يبني جسمه صح لازم يهدم الدهون بالاول
مثل المبنى اللي صاحبه يبي يرممه ويزيد في ادواره لازم يهدمه ويبني اساساته من جديد عشان يتحمل الادوار الزائده
لازم تزيل الدهون الزائده بالاول
اول شي العب فقط سويدي لمدة شهر
اسئل عن اوقات السويدي بالنادي طبعا السويدي 45 دقيقه انت قبل السويدي بي 45 دقيقه تمارين كارديو
نوعها مابين جهاز السير و الدراجه و الاوربتراك كل جهاز ربع ساعه او ممكن تختار كل يوم جهاز 45 دقيقه
المهم 45 دقيقه تمارين كارديو بعدها تبدأ سويدي
ان شاء الله خلال هالشهر تفقد مابين 5 - 10 كيلو
ثم تبدأ حديد 15 يوم شامل ثم تدخل جدول تكرار لمدة شهر او شهرين على حسب ولما توصل لنسبة الدهون
اللي تكون مابين 15% - 18%
تدخل ضخامه عضل صافي وانصحك بهذا الكورس
بروكومبلكس + امينوتك + اوبتي مين + اوميغا3
وبخصوص النظام الغذائي
قبل ان تبدأ ضخامه يكون اكلك
الافطار:
ثلاث بياض البيض + شوفان بالحليب خالي الدسم
الغداء:
نصف صدر دجاجه مشويه او مسلوقه + خضار طازجه او علبة تونه صغيره بالماء
العشاء:
3 بياض البيض + خضار بدون زيت او ملح
بين الوجبات اي فاكهه فقط واحده ويفضل التفاح الاخضر
ابتعد عن المشروبات الغازيه استبدلها في الحليب خالي الدسم او العصائر
ابتعد عن السكريات او على الاقل بعد التمرين ابتعد عنه ربما تحرقه قبل التمرين
وجدولك الغذائي اثناء كورس الضخامه عضل صافي يكون
الافطار:
5 بياض البيض + شوفان بالحليب خالي الدسم
الغداء:
صدرين دجاج مشويه او مسلوقه او علبة تونه بالماء كبيره + خضار
العشاء:
اربع بياض البيض + خضار طازجه
بين الوجبات فواكه
تحياتي لك
