عندي مشكلة مع ماصل جوس الجديد

السلام عليكم شلونكم يا وحوش شخباركم ... انا من بعد الكورس مخلصه صارلي تقريبا اسبوعين والحمد الله نقصت بس نص كيلو مع اني بعد الكورس على طول حاشتني انفلونزا وقطعت اسبوع عن النادي واكلي صار وجبه او وجبتين باليوم بس رجعت الحمد الله ... المهم نجي للمشكلة
اولا جرعتي اهي 4 سكوبات مع 500 مل حليب او ماء
لما ارجه ما ينخلط كله يتم فيه تكتل خفيف ما ينخلط كل البودر يصير يابس وقطع صغيره ولما اشربه يحوشني عزكم الله ( سهال ) وعوار بالبطن فمادري شالحل اقطه حرام شاريه ب 20 دينار وباقي منه كثير ؟؟؟ والله ماكو على القولد ستاندرد بسرعه ينهضم وبسرعه ينخلط وبسرعه ينغسل بالشاكر لكن انا ابي ازيد وزني لاني قبل الكورس كنت 61 وبعده ماشاء الله 69 وانا بوصله لي75 او 76 علشان بعدها انشف وطولي 166 ... انتظر ردود الوحوش

وعليكم السلام
هلا بك يا بطل وسلامات ان شاء الله وما تشوف شر.....
بالنسبة للمصل جوس حاول تخلط 4 سكوبات في 200 مل مويه ورجه لين تحس انه خلاص ذاب ويكون الرج سريع بعدها ضيف الـ 200 مل الباقيه ورجه وشوف وش يصير معك والافضل تخليه مع مويه علشان لا يتكتل عندك في المعده بالذات بعد التمريين ......
وبالتوفيق لكــ

وعليكم السلام

نفس مشكلتي قبل مع المسل جوس الأبيض، مو راضي ينخلط وطعمه غثيييث بس ماجابلي اسهال

وقفته من أول يوم وعطيته مدربي في النادي

اقتباس:

---

المشاركة الأصلية كتبت بواسطة THh Rock

وعليكم السلام
هلا بك يا بطل وسلامات ان شاء الله وما تشوف شر.....
بالنسبة للمصل جوس حاول تخلط 4 سكوبات في 200 مل مويه ورجه لين تحس انه خلاص ذاب ويكون الرج سريع بعدها ضيف الـ 200 مل الباقيه ورجه وشوف وش يصير معك والافضل تخليه مع مويه علشان لا يتكتل عندك في المعده بالذات بعد التمريين ......
وبالتوفيق لكــ

---

سوي الطريقه الي قالك عنها الكابتن وعلمنا صراحه نتائج حلوه والبروتين يكون ذايب ذوبان كااامل
وماتشوف شر

^^^نسيت أذكر انه المسل جوس مكمل ممتاز وله نتائج روعة حسب استخدام ربعي وبعض الأعضاء

ولكن يعيبه هالشي، صعب الخلط وطعم سيء (الفانيلا)

يعطيكم العافيه شباب ويعطيك العافيه ذا روك ان شاء الله بجرب طريقتك اللي ذكرتها ما قصرتوا يا وحوش