آخر التغيرات البسيطـه على جسمي PICTURES+ لا تنسون كلمة ماشاء الله

السلام عليكم ورحمة الله وبركاتـه

كيفكم وش اخباركم

بدخل في الموضوع دوووغـري على قولة اخوانا اللبانيين


يمكن قبل 8 شهور من الحيـن نزلت موضوع هنا وحطيت كم صوره لي قبل ما ابدا الحديد

ويوم بديت الحديد بعد سنـه ونص نزلت الصور

يمكن بعض الأعضاء يتذكرون كيف كان جسمي وكيف التطور البسيط إلي وصلت لـه


طبعـا الحمدللـه بعد التغذيـه الجيده وهي اصلا اساس بناء الأجسام والراحه للجسـم

زااد وزنـي من63 إلى 66 وانا اعتبره إنجاااز حقيقـي لي

كجسـم لا يتقبل الدهون مهما خذيت من البروتينات

وعشان تكونون في الصوره

هذا الموضوع إلي يبين لكم الفرق بين الحين وبين قبـل

وبإذن الله المزيد بعون الله وبقوتـه ثم بمساعدة الشباب هنـا


دورت الموضوع إلي كتبته من ثمان شهور لكن مالقيته بالمنتدى

المهـم


ببساطـه راح ابدا معكم البرنامج الغذائي بكل حقيقـه وامانـه

6 حبات بياض البيض+عصير ربيع :09:+ سندويش تونـه ((على حسب الميزانيه خخخخخ)))+4 حبات امينوو :bigeyes:

بعدها بثلاث ساعات سنكرس+حليب مراعي كامل الدسم <<<<تسويق للشركه خخخخخ

بعدين يجي الغداء

وبسم الله واتغدى صدر دجاج مع رز من طبخ الوالده الله يحفظهـا

وبعدها آخذ البروتين إلي هو عباره الحين عن السيرساس ماس

والطعم خذ لك عاد فانيلا :boggled:

استخدمت قبله البروكمبلكس قينر

والنتايج مرضيه إلى حد ما


بعدهـا بساعتين وقبل التمرين بربع ساعه 4 حبات امينو تك

وبعدهـا على النادي

الجدول
كالتـالي

عظلـه وحده باليوم والبطن مرتين بالأسبوع

على النحو التالي

السبت
صـدر بمعدل 15 إلى 16 تمرين بمجوع التمارين كلها+مستوي +علوي+سفلي

تفتيح اوفـر

طبعـا ما العـب إلا حر يا بار يا دنـابـل

الأجهزه كذااااااااابه ولا تفـي بالغـرض ولا تحس إنك تتمرن


والصدر ذا للحين مسبب لي مشاكل معظلـه وعيـت اشوف فيه اتقدم

ياليت من الأخوه هنا يدلوني على برنامج احسن بالنسبه لعظلة الصدر

لأن الجسم مايكتمل جماله إلا بعظله الصدر

الأحـد ضهر

بمعدل ايضـا 15 إلى 16 تمرين كمجوع لجميع التمارين بإستثناء اسفـل الظهـر

الأثنين راحــه تااامـه <<<<يازين هاليـوم :biggthump


الثلاثاء

اكتاف وترابيس

بالدنـابـل ايضـا
الأجهزه ما استخدمهـا إلا بالترابييس فقـط


الأربعاء
باي وتري


وتمرين الباي والتراي

اكون حاط في بالي إني ما اطلع من النادي إلا وافجر احد العروق إلي في الباي

بكذاا اكون ارضيت نفسي وضميري :blackeye:واطلع وانا مرتاح



الخميس يوم الدماار يوم التعـب يوم الإرهااق

الرجووووووووووووول

وما ادراك ما الرجول
القرفصاء العبهااا حر :bigeyes:

ملف مرفق 332176



طبعااا هذا التمرين لازم حزااام وإذا عندك ربطه للركب يكون احسـن خصوصا المتزوجين خخخخخخخخخخخخ


بالنسبـه للشباب ابعدو عن العادات الخاطئـه لانها راح تأثر عليك بالتمرين عاجلا ام آجلا


البطن العبها مرتين بالأسبوع على حسب المزاج وحسب الوقت

بعد التمرين طبعا

4 حبات امينوو

وبعدهـا على مطعم شيش طااوق جامبو كل شي :biggthump وعصير كوكتيل :silly:


ارجع البيت آخذ البروتين

طبعـا انا دورت الـ shaker ولا لقيته عشان احط فيه البروتين وقت التمرين وبعد التمرين اشربـه

فصرت اشرب البروتين إلي بعد التمرين إذا رجعت البيت بنص ساعه كذاا

المهـم طبعـا يوم الخميس إلي هو يوم الرجووول

اقوم صلاة الجمعـه متكسر وحالتـي حالـه وتحس إني شااايـب :33:

وابوووي يطالع فينـي :33: وش فيك يا جعلك الحكـه :33:

امي وش فيك ياوليدي سلامااات لا تداووم بكره إذا تعبـان

ابوي مايداوم :33: يداوم غصبن عليه :bigeyes:

المهم الجمعـه رااااااااااااااحه

وهكذا دواليك

<<<<متعوب عليها دواليك :09:


طبعـا الصور بدون تسخين وبدون وضع استعراض ولا شي يعني مش اموررك

ثانيا الله يخليكم

لو شي اعجبك قل ماشاء الله لو ما اعجبك قل الحمدلله

ترا في عين حسد وعين اعجاب

في كل الأحوال خل ماشاء الله على لسانك

ولا انسى طبعـا اشكر الأخوان هنا THE CAST و THE ROCK و ابو مهـا وتاتو جده إلي وقفوا معـي بكل موضوع



طبعـا الفروق إلي راح تكون ملحوظـه إذا تبي تسوي مقارنـه لجسمك كل اربعه شهور

هو المقياس المعقول عشان تشوف التغيير

بشرط التغذيه السليمـه+ التمرين الجاد + التركيز في التمرين+ عدم الخوف من الوزن + الإصرار والتحدي+

ويوجد ملحوظـه لبعض الشباب وهذا إلي يخليني ما العب بالأجهزه

عند النزول يخلي الوزن ينزل عليـه بسرعـه

يعني تكون عنده بس قوة دفـع لكن قوة التحمل إلي هي إنـه يرجع الوزن على خفيـف وبتركيز عالـي ومن ثم يأخذ نفس ويرجع يطلع بالوزن

في تمرين الضهر الخلفـي على سبيل المثـال

في النزول يستخدم قوتـه عشان ينزل لكـن لما يبي يرجع الوزن يرجعـه بسرعـه حت بالجلسـه الأخيره


وهذا غلط في غلط ويضيع عليك 50 % من التمرين

النزول كالطلوع في كل التمارين وبتركيز عالـي
إذا ما تقدر

فمعناتـه إنك قاعد تشيل وزن على الفاضي او ماراح تستفيد منه بـ 100 %

والإختيار لك


اترككم مع الصور





ملف مرفق 332182


هذي صورة من فتره تقريبـا 3 شهور فقط






ملف مرفق 332184

هذي امس :09:

ملف مرفق 332185




ملف مرفق 332186



ملف مرفق 332187



ملف مرفق 332188



ملف مرفق 332189



ملف مرفق 332190


ملف مرفق 332191


واتمنـى من الأخوه كلمة ماشاء الله في حال لو اعجبهم شي بالغلط :09:

ثانيا الصدر ابي اشوف له حل او برنامج جديد لـه

ثالثـا مكملاتي الحين فقط الأمينو 10000 والسيرس ماس سكوبين باليوم

الكرياتين مونيهدرات موجود لكن ما احب استخدمـه

ودي ادخل الـ GH MAX والأنيمال تست معـي

نصايحكم +آرائكم +انتقاتدكم

كلهـا تهمنـي مرره واقدّرهـا فلا تبخلون بأي كلمة نصح او معلومـه


والسلام عليكم ورحمة الله وبركاتـه

هلا فيك اخوي ...

ذكرت ان عندك كرياتين وماتحب تستخدمه <<< انا اشوف لو تستخدمه افضل وترفع الكاربوهيدرات بأكلك عشان يعبي جسمك لان ضعيف وتحتاج اكل مرتب وغني بالبروتين والنشويات والدهون ..

ركز حالياً على التغذية قبل التمرين عشان تعبي شوي ..
وبالنسبة لانمل تست ماتحتاجله حالياً بس تقدر تاخذ الجي اتش ماكس ..

بالتوفيق ياوحش

^

ماشاء الله مسرع قريت الموضوع ورديت


انا قبل التمرين احاول اركز على الكربوهيدرات بس من الموجود في الأكل والبروتين وبعد التمرين احاول ادور على البروتين

والكرياتين إلي لاحظتـه يعطي باور في التمرين

لكن لما تتركه ترجع اوزانك زي قبل


اماا الأكل الحمدلله آكل لكن جسمي يرفض الدهون رفظا تاما

واتوقع له علاقة بالوراثـه هالشي

كلامك صحيح العامل الوراثي يلعب دور ..

بس يابطل حاول ترفع الكارب وزن مرتين ونص او ثلاث والبروتين يبقى ثابت يعني وزنك مرتين ..
وحاول تاخذ دهون مفيدة مثل زيت الزيتون لانك تحتاج ضخامة اشوي وانت عارف الدهون لها دور كبير في ضخامة العضلات والقوة بشكل عام بس مع ذالك اجبر نفسك على شرب الكثير من الماء 4 او 5 لترات عشان نظمن مايخزن الجسم الفايض من الكربوهيدرات اللي تتحول دهون ..

ماشاء الله عليك صراحه تغير وتقدم جدا رائع
واصل يا وحش
وعندي بعض الملاحظات
انت فقط حاليا تحتاج للضخامه وتركيز اكثر ركز على السواعد و التراي والكتف ولا تنسى المقانص للظهر والصدر عندك ما شاء الله تحسن ممتاز
وبالنسبه للشيكر حرام عليك موجود عندي لكن يلا خلها مع المره الجايه ان شاء الله
والى الامام يا وحش

ياااخي في صورة بالمرفقات حذفتهـا من الموضوع وجت بالمرفقات ياليت من الأخ ذا كاست يحف الصوره بالمرفقات

هلا ياحمد

ياخي 4 لترات او 5 لترات

إذا سيارتي اغير لها زيـت 4 لتر ونص

تبي انا اشرب 5 لتـر


والله حاولت لكن إلى يومك ما اتجاوز لترين في اليوم او لترين ونص إذا مره كثررت

هلا اخ ذا روك

السواعد عندي كيف العبهم ؟

مرتين بالأسبوع وإلا يوم ورا يوم وإلا وش لون؟

ههههههههههههههههههه

والله انا اشرب 5 لترات ماي فاليوم ويمكن اكثر

^^^^^^^^^^
عادي جدا ممكن تعوضها بالعصائر الطبيعيه اهم شي اي شي سائل وبالنهاية كلها مويه

اقتباس:

---

المشاركة الأصلية كتبت بواسطة متمرس حديد

هلا اخ ذا روك

السواعد عندي كيف العبهم ؟

مرتين بالأسبوع وإلا يوم ورا يوم وإلا وش لون؟

---

السواعد لها تمارين كثيره بالبار او الدنبل او الكيبل وغيرها
والافضل انك تلعبها يوم ايه ويوم لا
بالتوفيق

ما شاء الله يا بطل واصل وان شاء الله بتوصل لهدفك

وخلك كذا تمام بعيد عن الهرمونات ما شاء الله

حبيبي وضعك ما شاء الله ok
بس انا بنصحك بكلمتين ( دب في النعمه )
وعليك بالبروستد

الله يعطكيم العافيـه يا اخوان

وبالنسبه للماي راح اجتهد فيـه ليـن ما اوصل 4 لتـر

ماشاء الله .. فعلا مترمس حديد لله لايضرك..

انا نفس مشكلتك الصدر ماااش لاهو مقسم ولاشى بس منفووخ شوي مع انى اشيل اوزان كثيره والبطن عندى الجزء العلوى ممتاز بس السفلي تعبنى ولله تعبت :(

على العموم واصل وان شاء لله توصل لهدفك ..

^

لا تشكي لي ابكي لك :(