ماهو مستقبل العبه لديك ومتي تقول بوقف ؟ ( المستقبل المجهول ) الكل يشارك
السلام عليكم
شباب انا دشيت الحديد ومارستة اشوف في اجسام معانا في النادي خيالية
يعني انا لمة اوصل لهم هل تنتهي العبة عندي ولا لا
وماعتقد في احد في العالم (العربي) يلعب حديد طول عمرة الواحد كل ماكبر كل ماكثرت مشاغلة بالنسبة لنا تونا شباب هاذي ليست دعوة لمقاطعه العبة لكن خلونا نفكر في مستقبلنا
لعبت حديد وجسمي صار وحش حتي سن الخمسين :)
الانسان لا كبر جسمة يعجز والصرفية تزيد
لا تركت الحديد وانت شايب العضلات بتصير عليك شحم وبتكسر مفاصلك وضهرك
خلونا نتناقش ونعرف مستقبل العبة بالنسبة لكم ومتي توقف العبه وهل ااذا وقفتها راح يتحول العضل الي دهون :(
رد: ماهو مستقبل العبه لديك ومتي تقول بوقف ؟ ( المستقبل المجهول ) الكل يشارك
بالجيم اللي عندنا شيبان ويلعبوا حديد ,, ماشاء الله عليهم
عن نفسي بإذن الله تعالى استمر طالما توفرت الصحة والعافية والقوة ,, وانا اعتبرها رياضة اولا وآخرا وتجعلك تتمتع بصحة وقوة وعافية
رد: ماهو مستقبل العبه لديك ومتي تقول بوقف ؟ ( المستقبل المجهول ) الكل يشارك
مشكور ياتوتو على الرد ان نشاء اللة توصل بالعبه لمستواى الاحتراف وتنافس بطولات وتاخذ فلوس ونصور معاااك خخخخ
رد: ماهو مستقبل العبه لديك ومتي تقول بوقف ؟ ( المستقبل المجهول ) الكل يشارك
صراحه اللعبه هذي مالها توقف الا للظروف الطارئه
واللعبه هذي حتى لو توصل لروني كولمان وانت تستمر للمحافظه على الي وصلت له وتطمح للافضل لانك بمجرد انك تركت ,,,,, كل شي بيخف تدريجيا
رد: ماهو مستقبل العبه لديك ومتي تقول بوقف ؟ ( المستقبل المجهول ) الكل يشارك
انا اشوف اللعبه هذي كل ما تواصل فيها تحصل على افضل النتائج لكن مثل ما قال ذاروك الظروووووووف
رد: ماهو مستقبل العبه لديك ومتي تقول بوقف ؟ ( المستقبل المجهول ) الكل يشارك
وعليــكم السـلام ورحمة الله وبركاته ..
مممم بسألك اول .. كم صارلك فالجيم .. .؟ :)
اللعــبه جدا حلوه .. ولكن يحتاجلها الصبر والمثابرة ..
وغير انها رياضه .. ومفيده للجسم وتقوي بنيته
واذا على كلامك .. كلما تكبر تكثر المشاغل .. انا اقول .. لا ..
انته تتحكم في مشاغلك .. وتعطي لكل شي حقه من الوقت ..
الوقت موجود .. ولكن تحتاج انك ترتبه وتنظيمه .. الا في حـالات تكسر هالتنظيم .. :)
تمارين الحديد .. كم بتاخذ عنك فاليوم مثـلا ..؟ ساعه الى ساعه ونص
وصدقني مافي احلى من الصحه ..وحتى لو وصلت لسن الستين ..
وانته تسوي رياضه وتمشي وتركض ..
مب شرط حديد .. ولو تركته مايتحول لدهـون ..!؟ يخف ويرجع لمستواه الطبيعي .. وانته وطبيعة تغذيتك اللي تتحكم في جسمك
طولت الظاهر .. :)
ربي يحفظك
رد: ماهو مستقبل العبه لديك ومتي تقول بوقف ؟ ( المستقبل المجهول ) الكل يشارك
وانا مع اخوي روك صراحة
ما يخليك توقف عن هاللعبة الا الظروف القاااهرة جداً جداً
وحتى لو وقفت بتشتاق انك ترجعلها وبقوة لكن ما بيدك شي
يعني شوف انا وقفت الحين تقريباً شهرين مو بإرادتي لكن شيء خارج عنها
حاولت اني العب رياضات ثانية على الاقل حفاظاً على الوزن لكن خلاص ما تقدر ، الحديد لها جوها الخاص فيها :02:
وعلى طول ما قدرت استمر بالالعاب الثانية
ومثل ما يقول اخوي تركي شوف الشيبان ما شاء الله عليهم مع الظروف وكذا وشوف مستوياتهم ما شاء الله
اما بخصوص بعد ما توقف ان العضلات تتحول دهون هاذي اتوقع انها من خزعبلات اللعبة
لان شوف مثل ما قلت انا صار لي شهرين موقف بس العضلات اصغرت لدرجة ما تتصورها ما فيه شي تحول لدهون
لان بعد فترة الانقطاع الواحد يركز على السعرات ونوعية الاكل اللي ياكلها لانها تختلف عن الفترة اللي كان يلعب فيها حديد
واسف على الاطالة
رد: ماهو مستقبل العبه لديك ومتي تقول بوقف ؟ ( المستقبل المجهول ) الكل يشارك
أخوي حال هاللعبه مثل اي لعبه اخرى
اكيد مع تقدم العمر ربما لاتستطيع ممارسة اللعبه هذه سنة الحياة
ولكنها في فترة الشباب إلى ان يتقدم بك العمر سوف تحميك هذه الرياضه من الكثير من الامراض وتنعم بحياة جميله
وبصحه وعافيه وتبهر نفسك قبل ان تبهر الاخرين بجسمك وانا اتكلم عن ممارسة اللعبه للصحه فقط وليس للبطولات
من يمارس هذه اللعبه طبيعي يبتعد عن الكثير من الامور التي تضر الانسان من الدهون والكسل والامراض
والسمنه والاكلات المضره والتدخين او على الاقل تقلل منها
وسوف اذكر بعض الفوائد
1/تنمية الحجم العضلى.
2/زيادة القوة العضلية.
3/زيادة قوة التحمل.
4/زيادة فى مرونة العضلات والمفاصل.
5/تمنح الجسم التناسق.
6/تقوية القلب والاوعية الدموية وامكانية ضخ كمية اكبر من الدم فى كل انقباضة.
7/تخفيض خطر الاصابة بالشريان التاجى.
8/تحمل الوظائف الاخرى مثل(الرئتين).
9/تغيير وتحسين هيئة الجسم.
10/تؤخر من احتلال الدهون مكان العضلات.
11/تؤدى الى رفع سرعة التمثيل الغذائى.
12/يساعد على التحكم فى الوزن.
13/علاج للبدانة (الغير مرضية).
14/علاج للنحافة(الغير مرضية).
15/يؤخر ويعالج من الشيخوخة المبكرة.
16/شباب اكثر حيوية.
17/يحسن الحالة لزهنية وكذلك مستوى الطاقة.
18/مخرج للتوتر والتعب الزهنى.
19/زيادة النشاط واليقظة وتحسين المزاج.
20/سبب مباشر فى تقدم العديد من الرياضات الاخرى بدونها لم يكن التقدم وتطور كل الرياضات الاخرى وتحطيم الارقام القياسية.
ــ بينما لاتقتصر فوائد رياضة بناء الاجسام على العضلات القوية والضخمة فقط بل تمتد الى الحالة النفسية ونلخص فيما يلى الفوائد على شخصية الاعب.
1/الثقة بالنفس:
ــ حيث نجد الاعب يتمتع بصحة وقوة فذلك ينعكس على شخصيته حيث تزدلد ثقته بنفسه ويرتفع مستواه الرياضى.
2/الجاذبية الشخصية:
لابد انك لاحظت ما يحظى به الاعب من أعجاب واحترام اينما ذهب،فلما تكون انت كذلك.
3/حب النظام:
حيث ان الالتزام ببرنامج تدريبى محدد وعدد من التكرارات والمجموعات يجعلك تميل الى النظام فى جميع حياتك.
4/حب النجاح:
سوف يؤدى نجاحك فى تنفيذ برنامجك التدريبى الى حفذ عزيمتك على قهر الصعاب وليس فى مجال التدريب فقط بل فى كل الشئون.
اخي ان وجدت الاراده لممارسة هذه اللعبه ماذا تختار كل ماذكرت
او عكس ماذكرت
تحياتي لك
رد: ماهو مستقبل العبه لديك ومتي تقول بوقف ؟ ( المستقبل المجهول ) الكل يشارك
اولا اشكرك على طرح هالموضوع
ثانيا مايترك اللعبة الا الذي نظرته قصيرة يعني اللي يبي جسمه يصير واااو باقصر فترة وهذا عادة مايوصل لهدفه لانه عجول وهمه بس جسمه يصير شكله حلو وعضل وهذا من الناس الكسالى اللي حتى لو وصل يستانس وويوقف
اما الشخص اللي يحب اللعبة ويمارس الرياضة لانها رياضة وانسان نشيط اصلا مايقدر يتركها لانه بيتعلق فيها ومهما صار بيرجع يمارسها لانها صارت جزء منه ومايخليه يتركها الا ظروف صحية تمنعه حتى لو كبر بالسن بالعكس هذه النوع من الرياضات والرياضة كلها بشكل عام تجدد الشباب
لكن ممكن يتوقف عن دخول البطولات فقط بس يتركها كرياضة لا وبالتوفيق لكم جميع
رد: ماهو مستقبل العبه لديك ومتي تقول بوقف ؟ ( المستقبل المجهول ) الكل يشارك
أنا بالنسبة لي كمال الأجسام صار أسلوب حياة وروتين يومي لا بد منه خلاص أحس جسمي ما يتحمل الجسة أبد لازم يتحرك ويحمل أوزان .
رد: ماهو مستقبل العبه لديك ومتي تقول بوقف ؟ ( المستقبل المجهول ) الكل يشارك
المفروض الي يبدأ في هدي الرياضه ما يوقف لانه مافي عذر لاظروف و لا كلام فاضي لانك اذا عندك وقت تتفرج مسلسل كل يوم انت عندك تتمرن . اذا جدا مشغول جدا جد جدا جد و تسافر كثير فهناك حلو و اولها الدنبلز خذلك 2 منهم و ما بتكلفك شي كثير و تمرن في البيت و انا اتحدى اي احد يقول ان ما عنده نص ساعه فاضيه 3 مرات في الاسبوع على الاقل . و الي يقول انا سفري كثير اقوله عندك المطاطات الي فيها مقاومه ممكن تستخدمها و تخليها معاك في شنطت سفرك . و الكل يعرف ان الضغط و العقله و الدبز الواحد يقدر يسويها في وقت و اي مكان .
تقبل مروري
رد: ماهو مستقبل العبه لديك ومتي تقول بوقف ؟ ( المستقبل المجهول ) الكل يشارك
كلام الناس يقولون تصير دهون مكان العضل ويخووفوون
بس انا ابي احرق دهووون الكرشه وبس <<< صار له اربعه اشهر يبي ينقص 7 كيلو مااقدر
رد: ماهو مستقبل العبه لديك ومتي تقول بوقف ؟ ( المستقبل المجهول ) الكل يشارك
اتكدر اذا مارحت للناددي وان شاء الله ابستمر الى اخر يوم بحياتي
جدي الله يطول عمره كل عمره وهو يشتغل بالمزرعه والى الان وياشباب لو تشوفون جسمه وقوته شئ خيالي ماشاء الله تبارك الله . مفتول العضلات قوي البنيه كانه بالعشرين من عمره
رد: ماهو مستقبل العبه لديك ومتي تقول بوقف ؟ ( المستقبل المجهول ) الكل يشارك
اخوي موضوعك حلو الصراحه
وانا بتكلم عن نفسي
انا لاعب هاوي ولا فكرت بالبطولات ابدا يعني العب لنفسي وما فكرت اني اقطع اللعبه
بس قبل تقريبا شهر قطعت شهرين متواصله ويوم رجعت العب والله اني ابغا اصيح على الاوزان تخيل 80% من الاوزان الي كنت العب فيها قبل القطعه ما اقدر العب فيها الحين لاني كنت ما اسوي ولا تمرن البش اب في البيت( اثاء القطعه)
وبعدين ياخي يومين الراحه مدري وش اسوي احس شي ناقصني لاني ما رحت للتمرين
وواصل مواضيعك الهادفه
وبالتوفيق
رد: ماهو مستقبل العبه لديك ومتي تقول بوقف ؟ ( المستقبل المجهول ) الكل يشارك
الموضوع جميل
انا عن نفسي قاطع اللعبه لانها سببت لي فتق
بس سؤال صحيح لما الواحد يقطع يصير بدل العضل شحم ؟
و نفسيتي تعبانة بدون التمرين هل استطيع ان اتمرن ولو بشكل بسيط ولا للجزء العلوي فقط ؟
وهل يوجد حزام ولا واقي ولا حاجه تحمي الاعب من الفتق ؟